Sa tuwing makikita ko siya sa umaga
hindi ko naman mapigilan ang tuwa
agad-agad akong nagpapansin
kapag napatingin na sa akin.
Sa tuwing uupo na siya sa kanyang silya
tatabi naman agad ako sa kanya
hindi niya alam na palagi ko siyang tinititigan
kilig na kilig naman ang aking nararamdaman.
Sa tuwing magsasalita siya,
agad akong nakikinig sa kanya
sa bawat salitang kanyang binibigkas
tila isang awit ang katumbas.
Sa tuwing may kakailanganin siya,
ako ang palaging tumutulong sa kanya
palaging nag aabang na akoy tawagin
lalapit agad na kasing bilis ng hangin.
Sa tuwing may kasama kang ibang babae,
lumuluha ako sa isang tabi.
Hindi mo ba alam o manhid ka?
Gusto siguro ito ay isigaw ko pa.
Alam ko namang alam mo
itong nararamdaman para sayo
Bakit hindi mo ako magawang ligawan?
Sasagutin naman kita at hindi pahihirapan.
Gusto mo ako nalang ang manligaw
sa buong madla aking isisigaw
hindi po ako desperadang babae
hindi ko lang gustong magsisi sa huli.
Kailangan bang haranahin kita?
Bigyan ng tsokolate at bulaklak?
Isang tula nalang kaya?
Baka ikaw ay magalak.
Tatanggapin ko naman ang pasya mo
masaya kung ako'y mahal mo
babangon naman kung tatanggihan mo
sadyang ang pag ibig lang ay ganito.
Wag mag alala kung akoy masaktan
ito naman ang aking kagustuhan
iniibig mo rin ba ako
o kaibigan lang sayo?
Ganito yata kahirap ang umiibig
iinom ko nalang ng isang basong tubig.
baka puso koy mahimasmasan
itong kakaibang nararamdaman.
Oh aking Mr. pakipot
Ano na ang iyong sagot?
Huwag kang matakot
hindi ka naman mananagot.
BINABASA MO ANG
Ang Aking Mga Tula
PoesíaPoem. Tula. Balak. Ito ay mga katha ko patungkol naman sa isang tula. Sa pamamagitan din nito ay nababahagi ko ang aking pagka-makata. Dito ay nakakagawa ako ng mga tula patungkol sa aking mga idolo na artista, musikero, maging sino man o mga ano. M...
