မင်းဝေယံလေးမေးလိုက်သည့်မေးခွန်းကြောင့် စိုင်းမင်းနောင် ဆွံ့အသွားရသည်။ ခဏတာမျှမလှုပ်နိုင်ဘဲ ရင်ခုန်သံတွေမြန်လာလေသည်။
"သားမေးနေတယ်လေ ... ဦးရင်ထဲကိုသွားတဲ့လမ်းကဘယ်ကနေဘယ်လိုသွားရမှာလဲလို့"
"ဟင် ... ဘယ်လို ..."
မလှုပ်မယှက်နဲ့မေးလာသည့်စိုင်းမင်းနောင်ကြောင့် ယံယံလေးဒေါသထွက်လာလေသည်။
"ဟာ ... မြန်မာလိုမေးနေတာနားမလည်ဘူးလား ... ကိုရီးယားလိုမေးရမှာလား"
"မဟုတ် မဟုတ် နားလည်တယ် ... ဟာ ဒါဆိုအဖေကဘာပြောမလို့လဲမသိဘူး"
"သွားတော့ သွား ... မလာနဲ့တော့ သွား သွား သွား"
အဖေကိုသတိရမိလိုက်သည့်အခိုက်အတန့်သည် ယံယံ့ဆီမှအဖြေပြန်မရတော့သည့်အခိုက်အတန့်ဖြစ်သည်။ သူပြောနေတာကိုကျော်ပြီး အဖေကိုသွားသတိရတော့ ယံယံစိတ်ဆိုးလေတော့သည်။
"ဟာ မဟုတ်ဘူး ... ကိုယ့်ကိုအဖြေပေးဦး"
"မပေးတော့ဘူး သွားတော့ ... ပေးရင်လည်း နိုးပဲရမယ်"
ကလေးငယ်ကသူ့ကိုစိတ်ဆိုးသွားလေသည်။ သူကလည်းသူပဲ စိတ်တွေလှုပ်ရှားပြီး ဘာတွေပြောမိမှန်းမသိပါ။
"ယံယံ ကိုယ့်ကိုအဖြေပေးပါကွာ ... ချစ်တယ်မလားဟင် ... ယံယံ ဦးကိုချစ်တယ်မလား"
"ချစ်လိုက်ပြီ ချစ်လိုက်ပြီ ... အမယ်လေးဟော့ဒီကစိုင်းမင်းနောင်ကြီးကို ချစ်လိုက်ပါပြီတဲ့ဗျာ"
ဖေ့ဘွတ်ခ်ကစကားတွေနဲ့ကြွေအောင်လည်းခြွေတတ်ပါသေးသည်။ မင်းဝေယံချစ်ဖို့ကောင်းလျှင် မည်သူမှလိုက်မမှီတော့ပါ။
"သွားတော့"
"မသွားသေးဘူး ... ခုဏကယံယံပဲကိုယ့်ရင်ခွင်ထဲလာဖို့လမ်းမေးသေးတယ်လေ"
"အခုမမေးတော့ဘူးလေ"
"မမေးလည်းဖြေမယ် ... လာ ဒီကို"
စိုင်းမင်းနောင်က လက်နှစ်ဖက်ဆန့်တန်းရင်းသူ့ရင်ခွင်ထဲလာဆိုပြီးအချက်ပြသည်။ မင်းဝေယံတို့သည် မူခြင်းဘာခြင်းလုံးဝမရှိဘဲ အတင်းပြေးဝင်သွားပါတော့သည်။
ESTÁS LEYENDO
Yan Yan's Oo💙
Romance[Unicode]ဒီFicလေးကလည်း သုသုနဲ့ကိုခန့်တို့လိုပါပဲ အရိုတကာ့အရိုဆုံးလေပေါ့နော် ပေါ့ပေါ့ပါးပါးလေးပါပဲ အားပေးကြပါဦးနော်💙 Date - 16.12.2018 [Zawgyi]ဒီFicေလးကလည္း သုသုနဲ႔ကိုခန႔္တို႔လိုပါပဲ အ႐ိုတကာ့အ႐ိုဆုံးေလေပါ့ေနာ္ ေပါ့ေပါ့ပါးပါးေလးပါပဲ အားေပးၾကပါဦးေနာ္�...
