ثراء النفوس

أعتذار مبطن😉😉

مساء الروز الدمشقي على حبايبي😍😍

بارت صغيرون للسهرة 😘

احبكم ☺☺☺

..

لمى :
طلعت من البيت دموعي تصب تلكاني اسعد بره وضل يسأل شبيج هالنوب اني من ضيجة خلكي وحسرتي كمت اشهك وحطيت ايديه اثنين على وجهي وهذا لزك يبووو ناقصتك اني
اسعد:لج ليش تبجين هاي شبيج منو مضوجج اليوم ام اسعد تهججنا كلنا والله 

-عفيه اريد اروح سويلي طريق
كمش ايديه ووخرهم من وجهي وويه هاي الحركة طلع هذاك المخبل ناقصني تهم اني ويشوفني بهيج وضع ويه هذا اللي مثل طرزان يمشي عريان 

سراج:اني مو كلت ما ترحين
اندار اله اسعد وخزره
اسعد:ولك هاي انت هيج بجيتها شسوتلك وهيج صدك ما تنلام بيك امي من تكول قافل ...كام يصيح ..يووووم ...يمه تعالي 

الجهال يلعبون بالحديقة طالعين كام يصيح عليهم
-ولك منتصر تعال صيح جدتك

اجوي الجهال التموا حواليه وكلهم يباوعون بوجهي صرت فرجه لعباد الله
مدنكه وجوه رجليه بنت اسعد صغيرة تباوع بوجهي و تسألني ثبيج عمه ...تمنيت لو ارجع بعمرها ويرجعون اهلي مثل قبل وما اشيل هم ولا اسأل عن شي

دقايق وطلعت امي ووياها ام اسعد وامي بقت تسأل شبيج وتكلب بيه عبالها مسويلي شي وهذا اسعد ابد مو شبهه وهو طرزان
ام هشام:لج لمى شصار احجي ليش تبجين

ام اسعد: على كيفج داده خلي نفتهم منو مضوجها اليوم اكلبها للدنيا ولكم هاي تاليتها تجون مره بالشهر وما نشوفكم الا بالطلب والتواسيل تالي تضوجون لماوي اللي حايرة بينا وتداري وتوكل احجوا منو ضوجها
بدت تحاسب ولدها عبالك تحاسب طلاب روضة وكحين

اسعد:وروح جدي مجيد مو اني
شال ايديه فوك يبري نفسه والحجية دفعته بكفها
ام اشعد:ولك الف مره كلت لا تحلف بابوي جذب وروح البس هدومك

اسعد:هههه حبيبة غير جدي الغالي حبيب الامة احبه واحلف بي وما حلفت جذب هالمره تره هههه
ام اسعد: اي عفيه بيك يعني كل مره جذب ولك يمه اذكروا محاسن موتاكم

اسعد:هههه هو غير لو عنده محاسن نذكرها وهالثور شلون ما اشوف طالع عليه ....يأشر لسراج وسراج يمكن صار يريد يعض

واني الفطيرة من بين دموعي اجتني الضحكة واخيرا الله نصفني وشفته يترزل

سراج:اسعد شنو هالحجي خليني محترمك
ام اسعد:عوزك ما تحترم انت هم مو كافي اللي جايبها ومكعدها بيناتنا وفوك هذا كدرتك على هالمسكينة يلا لمى حبيبتي امشي جوه ارجعي واريد رجال يحجي وياج بعد كلمة تغثج 

دخلتني الحجية تدفع وما انطتني مجال حتى افتح حلكي وكالت تخلص العزيمة واللي تريديه يصير عود روحي اخذي اجازة شكد ما تريدين بس موضوع ابطل ابد ما ذكرته هي بس بقى ببالي وبالبيت ابو اسعد قام قيامته لسراج من الرزالة