ثراء النفوس

معاهدات سلمية😉😉

مساء الخير 😘

ما بين الصخونة والهذيان والصحو في فترات محدودة من النهار🤕🤕

 كتبت هذا البارت يعني اخاف اهذي لا تستغربون ابد😁😁

وغلسوا عالسحكات لان بدون مراجعه 😂😂

...........

فاتن :
الخوف من المواجهة اكل روحي والتفكير شل عقلي اليوم راح اقابله اول مره من بعد المشاكل لو بيدي ما اروح لدوامي بس خلصت اجازتي ولازم اداوم 

طلعت من الصبح ويه عمار اللي صار اله فترة يكول خل ترجع تداوم لا تضيع الشغل والوظيفة من ايدها

صعدت يمه بالسيارة وبروحي فراغ قاتل وبقيت ساكتة ما احجي وياه ما ادري زعلانه منه لو ما الي عين احط عيني بعينه 

علاقتي بعمار غريبة مو اخ واخته....عمار ماخذ دور بابا بكل شي واني احبه واحترمه وفرق العمر بيناتنا يخليني احطه بمنزلة موازية لبابا وفعلا هو لما تزوج كان عمري بوقتها كلش صغير والنهار كله طايرة وراه لحد ما اجتي سعاد وهي هم صغيرة ودلوعة واشوفها تتنعوص عليه ويدلل بيها يلا بديت ابتعد وارجع لأحضان بابا اللي استقبلتني بحب ودلال اكثر كل عمري قضيته اسمي تونا وبابا شويه ويشيلني على كتوفه مثل الاطفال وحتى بعد المشكلة كلهم رجعوا لنفس تعاملهم القديم وحتى بابا النهار كله يسب بهشام وعمار لان انطاني لهشام يكول الهم خرب بنتي وصايره عبالك عجوز وكل عقله بابا كان رافض تزويجي ويكول لحد ما تكبر وتوعى بس بعد شفت هشام تخبلت اني ولحد هسه احس بابا لو بيده يموته .

عمار صح قسى عليه هواي واذاني ولاول مره هيج يقسون وياي بس بقت علاقتي بي احترام وسماع كلمة وحب للاخ الكبير المسؤول

اكثر واحد باهلي كنت احبه ومتعلقة بي وحتى اغار من سعاد بصراحة لان عمار كان يدلل بيها وخاصة هي مغصوبة عالزواج بعمر صغير كان عمرها بوقتها ١٤ سنه وهو واعي وجبير
لما حملت سعاد وصارن بناته الكبار واشوفه يدللهم اموت من غيرتي هذا الدلال كان الي واخذوه سعاد وبناتها هههه هذا عقلي كان والكل ماخذني على كده.

بس اليوم واني صاعدة بسيارته يوصلني عرفت محد اخذ شي مني وعمار بعده يحبني
-تونا حبيبتي ادري زعلانه مني بس لا تنسين اللي سويتيه مو شويه اعراض ناس واني كلها الا هاي
هزيت راسي بدون صوت موافقته على كلامه ودنكت افرك بايدي احساس بالذنب ياكل بيه وفوك هذا زعل اهلي مني
ما اشوفه غير يجر راسي اله ويبوسني بحركه سريعة خلت دموعي تجري بسرعة
-والله مو قصدي اذي احد

-يا روحي كافي بجي مو حتى وجهج راح وعيونج الحلوات ذبلانات كله لخاطر هذا الدب والله لو ادري هيج يسوي ولا نتورط وياه غير انت اختاريتي

-هو ما يأذيني ما ادري شلون صارت هيج

-دخلي يجرب بعد والله اسكنه الكبور وعالعموم ابوي يكول ما نرجعج اله هسه خليه يعرف قيمتها مو احنا بعمرنا ما ضاربيج وهو يسوي هيج ويريد تمر بسلام واذا اليوم ضوجج لو يحجي وياج بس اتصال واني يمج
-لا ما يأذيني