ثراء النفوس

البداية

اعادة نشر😘

متابعيني وحبايبي 😍😍

اشتاقيت الكم 😘😘

اول شي احب اشكر مصممة الغلاف الصديقة الغالية مروة  @usermarwa_m  😍😍

نظرا للطلبات المكررة لتغيير اسم البطلة غيرته الى لمى 😍😍على اسم احدى المتابعات  😁😁

قراءة ممتعة حبايبي🤗

🌹🌹🌹🌹🌹🌹🌹🌹🌹🌹🌹🌹

ثراء النفوس 🌺

@Rororose2

💐💐💐💐💐💐

احس نفسي صرت وحدي بدنيا مزعجة كنت كاعدة خلف قسم علوم الحياة بكلية التربية للعلوم الصرفة اخر ايام السنة وتحديدا الامتحانات النهائية اللي جاوبته بالامتحان يا دوب على كد نجاحي قضيت اول ٣ سنوات من كليتي من الاوائل وهالسنه يمكن انجح ويمكن لا ....دنيا ظالمة وناس اظلم منها بعد دموعي جرت حايرة شلون وشنو مصيرنا والدي تعبان وامي مثله واني صرت المعيل بعائلتي 

لا تستغربون بنيه شابه اكون معيل لاهلي مثل ما كلت الدنيا ظالمه والناس لا بقى بقلبها لا صلة رحم ولا عطف كان عندي اخوان وكان المفروض يكون هذا واجبهم ومكانهم مو مكاني

واحد راح بطفولتنا بحادث ووبقينا وكبرنا ٣ شباب لام واب كانوا فخورين بينا اني قضيتها دوم مستوايه العلمي زين وما عذبتهم واخويه الكبير كمل هندسة وكان كاعد بالبيت حاله حال باقي الشباب
والثاني كان يدرس كلية علوم بجامعة بغداد وحياتنا حلوة ومرتاحة اخواني اسماؤهم هشام وسلام واني لمى الاصغر بينهم ..

دموعي جرت هذا كان واقعنا وهاي حياتنا شنو اللي صار وشنو اللي تغير والدي تمرض وصار طريح فراش بعد ضياع اولاده وخسرنا فلوسنا وبيتنا وكل شي نملكه حتى يتعالج ولحد هسه مريض 

واخويه سلام عنده عجز كلى صار سنين يغسل كلياته وتوفى قبل اشهر قليلة

حاليا بيتنا اجار وووالدي ما عنده ولا فلس غير تقاعده وامي تخبز للعالم واخواني الله اخذهم واحد توفى وبقى هشام اكبر واحد بينا

مو شرط الولد يموت يجوز عايش بس الميتين احسن منه هشام عايش بس يائسين منه لان مسجون صارله سنتين او اكثر بتهمة اربعة ارهاب وهواي شباب راحوا ظلم بهاي التهمة والله ما بيوم اذى بشر بس هاي الدنيا هيج ماشية الحمد لله اخوية حظه زين وعنده امل هوايه شباب راحوا بشربة ماي بمحافظتنا العزيزة.... اللي انغدر واللي انسجن واللي اهله ما يعرفون مكانه احنا نحمد ربنا اللي عرفنا وين راح وندريه مسجون

كل شهر امي تتعنى لبغداد تواجهه بسجن ابو غريب وتحط اللي عدنا كله للمحامي بلكت يشوف النا حل ويطلعه وماكو فايدة التأجيل والمماطلة باصدار الحكم وبعدها التمييز اللي اخذ اله كومه اشهر وما كاعد يتنفذ وهاي احنا منتظرين والله كريم