فيلوفوبيا

البارت الثالث عشر

البارت الثالث عشر

- "اللهم إني أسألك عيشة نقية، وميتة سوية، ومرداً غير مخز ولا فاضح"

نوت : ﴿سيجعلُ اللهُ بعد عسرٍ يسرا﴾ لا يعني التفاؤلُ أن نشعر بالراحة على الفور، التفاؤلُ هو اليقينُ أنّ ما نحن فيه من ألمٍ وحزنٍ لن يستمرَ يقينًا..» 👉

_____________________

فى اليوم التالى توجهت هى ومريم للمشفى

-(سألتها ) وهو فراس وافق انك تيجى لوحدك ؟

=قولتله انك معايا وفى المتابعه التانيه يكون معايا ...اهو نكون اتفقنا مع الدكتور هنقول ايه وكدا

-مفيش فايده فيكى

قابلهم دكتور معتز بترحاب وبعد الكشف

الطبيب: لازم تكونى عارفه قبل ما تكملى ف قرارك دا ان شويه التعب اللى بتحسى بيهم دلوقتى ولا حاجه ..قصاد اللى هتحسى بيه ف الشهور الجايه خصوصا الشهور الاخيره ومش هتقدرى تستحملى التعب دا

-سيبها على الله ي دكتور

=تمام ...احنا دلوقتى هنعمل كام اشعه كدا وتحاليل وهحولك ل دكتور زميلى هو شاطر جدا تتابعى معاه عشان البيبى وانا هفهمه كل حاجه

-متشكره قوى ي دكتور بس ياريت تفهمه ان فراس ميعرفش حاجه وهو ممكن يروح معايا متابعه ولا اتنين ف ميجيبش سيره قدامه

=اكيد ....ألف سلامه عليكى

-الله يسلمك

خرجوا من عند الطبيب وقاموا بعمل الاشعه والتحاليل المطلوبه وتركته مريم وعادت الى المنزل وتوجهت حور لمباشره عملها اثناء انشغالها فى العمل رن هاتفها وكانت ملك

حور : السلام عليكم ازيك ي ملوكه

=وعليكم السلام الحمد لله تمام ...انا زهقانه وعايزة اخرج ومعنديش صحاب خالص ايه رأيك تخرجى معايا

-(قالت بترقب ) مين هيخرج معانا ؟

=مفيش انا وانتِ بس ....(ثم اكملت بخبث ) ايه عايزة حد تانى ولا ايه لو عايزاه يجى معانا هقوله

-(اجابتها بسرعه ) لا لا احنا كدا تمام ...بس نتقابل بعد ساعتين لانى فى الشغل

=اوكى وانا هجهز وهعدى عليكى

-تمام

__________________

كان ياراجالسه فى جنينه المنزل تقرأ احدى الكتب التى احضره لها مالك عن الطفل والتعامل معه سمعت صوت احدهما من خلفها: بنوتى الجميله بتعمل ايه ؟

ياراوهى تنظر لمصدر الصوت وهتفت بفرحه : ماما (احتضنت والدتها بفرحه )

الام : عامله ايه ي روح ماما