فيلوفوبيا

البارت الثامن

البارت الثامن

"اللهم إني أعوذ بك أن أشرك بك وأنا أعلم، وأستغفرك لما لا أعلم"

نوت: الناس من زلتك تنسى جمايلك والرب من توبتك يغفر ذنوبك
____________________

صباح الخير 🌄🙋🌕

يلا نبدأ الفصل  ...

عدت الايام بسرعه والحال مازال على ماهو عليه فى يوم كانت حور فى عملها
رنا : بقولك ايه ماتيجى نكلم البنات ونخرج بصراحه وحشتنى قعدتنا 
-فكره حلوة وكمان النهارده هنخلص بدرى كلميهم وانا هستأذن ماما ونروح
اخرجت هاتفها وهاتفت والدتها واستأذنت منها
الام : تمام روحى بس اسأذنى غيـْـِث  الاول 
-نعم ؟
=ايه اللى نعم ... مينفعش تخرجى من غير ماتقوليله دى الاصول
-حاضر يلا سلام
" غيـْـِث  مين دا اللى استأذنه لا طبعا  "
اتى معاد خروجها مع الفتيات وتوجهوا الى المطعم
نيره : ياااه وحشتنى قعدتنا دى جدا والسيئات اللى بناخدها
حور : معاكى حق ياريت ايام زمان ترجع تانى ونتقابل كل يوم
رنا : الدنيا اخدتنا من بعض ...(ثم اشارت على حور )بس الزفته دى فى وشى ليل ونهار مبتوحشنيش
حور بهزار : انتِ تطولى دا يابخته اللى انا ف حياته
ريم : قصدك غيـْـِث  بالكلام دا طبعا ....ألا صحيح عاملين ايه مع بعض
حور : " غيـْـِث  و زفت " الحمد لله
نيره : هتتجوزا امتى
حور بسرعه: جواز ايه بعد الشر
نيره وريم ف نفس واحد : ايه ؟
حور وقد ادركت ما قالته : لا مقصدش قصدى لسه بدرى يعنى (ثم نظرت ل مريم التى لم تتفوه بكلمه من اول الخروجه ) مالك ي ميمى
مريم : مالى ي حبيبتى مفيش
رنا : اصلك ساكته من اول مااقعدنا
مريم بهدوء : لا حبيبتى سلامتك
رنا : طيب شوفوا هتاكلوا ايه ..طلبوا الاكل
نيره ل ريم : بقولك تعالى نغسل ايدينا لحد ما الاكل يجى
رنا : خدونى معاكم

بعد ذهاب الفتيات
حور : فى ايه مالك ووشك اصفر كدا ليه؟
=اتخانقت انا وفراس
-ليه ؟ ودا اللى مخلى وشك كدا 
=سيبك من وشى دلوقتى .....زهقت ي حور مبقتش مستحمله اقعد بين اربع حيطان  ماتعودتش انا على كده
-طيب ما دا اللى كنتى عايزاه
=مبقتش عايزاه وعايزة اشتغل قولتله على الكلام دا قالى بكره يجى بيبى و معرفش ايه وكلام مالوش اى لازمه
-وبعدين ؟اكيد مش دا السبب الوحيد للخناقه
=لا ما انا كلمت غيـْـِث  بشوفلى شغل ف شركتهم من غير ما اقول ل فراس
-ايه ؟؟ انتِ اتجننتى
=اعمل ايه بقا اهو دا اللى حصل
-وطبعا الاخ التانى دا راح وقال ل فراس ووقع بينكم صح
=حرام عليكى متظلمهوش .....بالعكس هو مقالش ل فراس حاجه وخبى عنه ....فراس هو اللى عرف بالصدفه لما سمعنى وانا بتكلم مع غيـْـِث  وقاطعنى انا وهو من يومها
-حصل امتى كل دا
=من كام يوم
-طيب وهتعملى ايه ؟
=معرفش بقا ...هحاول اعمل حاجه اصالحه بيها

عند الفتيات بالداخل
ريم : كويس اننا سبناهم مع بعض اكيد حور هتعرف تقررها
نيره بفضول: كنت عايزة اعرف مالها
رنا : هتفضلى طول عمرك فضوليه
نيره : مش يمكن اساعدها هو انا اه اصغر واحده فيكم بس خبره
ريم وهى تخبطها على راسها بخفه : طيب يلا ي خبره الاكل زمانه وصل
رنا: اه انا عصافير بطى بموت
خرجوا لهم وبدا فى تناول الطعام وهم يتحدثون
_________________
كان غيـْـِث  مارا  من امام مكتب على ولكنه وجده جالسا على كرسيه وممسكا بصورة ما وينظر لها بشرود
دلف الى الغرفه وخط بكلتا يداه على المكتب : ولاااا  سرحان ف ايه
-(هتف بخضه ) هجيبلى سكته قلبه فى حركه من حركاتك دى
=(قا لو هو يغمز له ) سرحان ف ايه وصورة مين دى ؟
-(اخفى الصوره ف الدرج) وانت مالك انت
=اوعى تكون البنت اللى قولتى عليها قبل كدا ..... ألا اسمها ايه صحيح  
-اسمها زبيبه ...انت مالك
=هى بقت كدا ....ماشى ماشى مسيرى اعرف ووقتها مش هرحمك
اخرج هاتفه وطلب رقم  ما وهو زفر بشده : يوووووة مبيردش ليه
-ايه هى بتنفضلك من اولها كدا ...شكلك مش مسيطر
=مين دا اللى مش مسيطر انت متعرفنيش ولا ايه .....انا بكلم فراس زعلان منى وعايز اصالحه
-اتصلك عليه من تلفونى
=ياريت
رد فراس على الهاتف
غيـْـِث  : يعنى لازم اتصل عليك من رقم "على" عشان ترد
فراس بأقتضاب : انت ؟
=بالله عليك ماتقفل .... تعالى نتقابل وهفهمك كل حاجه
-مش عايز
=بطل غلاسه ...عشان خاطرى
-ماشى
بعد فتره تقابلا وتوجهوا الى المطعم دلفوا الى المطعم
وقع نظر فراس على الطاوله الجالسه عليها مريم والفتيات : انت كنت عارف انهم هيتقابلوا هنا صح
غيـْـِث  بعدم فهم : مين دول ؟
فراس وهو يشاور على طاوله مريم والفتيات : اكيد حور اللى قالتلك عشان كدا جيبتنى هنا
غيـْـِث  تذكر جمله على " انت مش مسيطر ...... ازاى تخرج من غير ماتقولى .... لا دى زودتها قوى " : لا مقالتليش .... بس مينفعش منسلمش عليهم صحابهم اكيد هيلاحظوا وجودنا وهنسبب احراج ليهم
رأتهم حور ف قالت للفتيات: فضلتوا تجيبوا ف سيرته اهو جه
البنات بعدم فهم :مين دا ؟
حور :غيـْـِث اوعوا تبصوا رواكوا عشان مايخدش باله اننا بنتكلم عنه
لكن لا حياه لمن تنادى نظروا جميعهم خلفهم مره واحده ....خبطت رأسها بيدها بخيبه امل "مفيش فايده "
غيـْـِث ل فراس : يلا بيبصوا علينا (تحرك باتحاه الطاوله ولحق به فراس )
كانت  مريم مصوبه نظرها على فراس ...اما حور فلم تنظر له وظلت تأكل من طبقها وكأنه غير موجود بالمره
غيـْـِث  : ازيكم ي بنات
الفتيات ماعدا حور : الحمد لله ...ازيكم انتم
فراس : الحمد لله ....احنا حبينا نسلم عليكم بس وهنقعد جنبكم هنا عشان تاخدوا راحتكم
ريم : اللى يريحكم
غيـْـِث  ل حور : ابقى استنينى عشان عايزك ف حاجه
حور : لا انا اتأخرت ولازم امشى
غيـْـِث  بحده : مش هأخرك وهتصل على طنط استاذنها ... ومتدفعوش الحساب الفاتوره عليا
البنات : لا طبعا مينفش
غيـْـِث  بأبتسامه جذابه : خلاص بقا
نيره بصوت منخفض ل رنا : جنتل  جنتل يعنى
رنا من بين سنانها : اخرسى هيسمعنا
مريم ل فراس : طيب انا هعمل ايه ؟
فراس : لا روحى انتِ انا لسه هرجع الشغل
مريم بخيبه آمل: تمام