فيلوفوبيا

البارت الثامن عشر

البارت الثامن عشر

"اللهم انى اعوذ بك من شر ماعملت ومن شر مالم اعمل"

نوت : أسوأ مرحلة في العلاقة ليست الفراق .. إنما تلك المرحلة التي لا تعرف أين تصنّف علاقتكما ، هل مازلتم في حادثة حُب ، أم أنتم أصدقاء فقط ، أو أنكم فقط تعرفون بعض ، تلك المرحلة التي لا اسم لها ، ولا عنوان ، ولا فقد ، ولا اشتياق .. أن تراه بعينيك ولا تعرف إن كان ما زال في قلبك أم لا .! 🌺👉

______________

حور ل غيـْـِث: الكلام دا بجد ؟

غيـْـِث بذهول: معرفش انا لسه اول مره اعرف زيى زيك

زينب : انا مسافره بكره ومش هكون مطمنه وانتِ هنا لوحدك ف الاحسن انك تروحى تقعدى معاهم هناك وطبعا مينفعش تروحى وانتوا مخطوبين بس ف قولنا نكتب الكتاب ولما ارجع نبقى نعمل الفرح

حور بضيق: تقوموا محددين معاد كتب كتابى من غير ما تقولولى

زينب : اومال احنا بنعمل ايه دلوقتى

حور وهى تحاول السيطره على اعصابها : غيـْـِث ممكن لو سمحت كلمه على انفراد

تحركوا معا الى البلكونه

-(هتفت بعصبيه ) ايه اللى بيحصل دا ؟

=انا اتفاجأت زيي زيك

-دا مكنش اتفاقنا ي غيـْـِث احنا اتفقنا اننا نمثل قدامهم اننا كويسين مع بعض لحد ماننهى الخطوبه دى ...انا لو كنت قبلت انى اتغصب على الخطوبه دى قبل كدا .... مش هسمحلكم تغصبونى على كتب الكتاب كمان

غيـْـِث" شكلها محبتنيش بس انا حبيتها ...على قد ذهولى من موضوع كتب الكتاب على قد ما فرحت لكن هى شكلها لسه برضو كرهانى وانا مش هغصبها عليا "

-انت روحت فين ؟

=(اجابها بهدوء ) ماروحتش .... روحى قليلهم انك رافضه الموضوع وننهى الخطوبه دى دلوقتى زى ما انتِ عايزة

-ي سلام هو انا اللى عايزة لوحدى ما انت كمان عايز دا

نظر لها نظره ذات مغزى " لا مش عايز " ولم يجب عليها

-(" انت لو قولت انك عايز انا كمان هوافق بس انت مبتتكلمش " ) طيب هنعمل ايه ؟

=اللى انتِ عايزاه هعملهولك

-(قالت بحيره ) مش عارفه انا متلخبطه

-ي اه ي لا ي حوريه ...انا مش هفرض نفسى عليكى

=طيب انت اه ولا لا

-احنا هنفضل نشقط الكلام لبعض ؟

-طيب ما انا ممكن اقولك لا تكون انت عايز توافق وممكن انا اوافق وانت لا وفى الحاله دى انا بفرض نفسى عليك