فيلوفوبيا

البارت السابع عشر

اذا وجدت وجع فى جسدك فضع يدك على الذى يتألم من جسدك وقل " بسم الله (ثلاثا) وقل سبع مرات أعوذ بعزة الله وقدرته من شر ما أجد وأحاذر"

مسج 2: وتظل سرا بين الورق وقلبى ...ويقرءونك وانت بداخلى روايه

_______________

عاد غيـْـِث من عمله وتوجه الى غرفه ملك وجدها جالسه ومعها غيـْـِث الصغير

=(قال بأبتسامه ) اخبارك ايه ؟

-الحمد لله

=(قال وهو يلاعب البيبى ) الشقى دا بيعمل ايه معاكى هنا ؟

-ياراسابته معايا يسلينى

=طيب جاهزة نتكلم دلوقتى ولا نأجل الكلام شويه

-لا دلوقتى

=ماشى عايز اعرف كل حاجه وايه اللى وصل البنى آدم دا ليكى ....عايز اعرف كل حاجه ي ملك

-(تحدث بعد فتره من الصمت )

لما كنت بخرج معاك ف مناسبات او ف اى مكان كان بيحاول يتكلم معايا وانا كنت بصده وفضل على الحال دا فتره لحد ما جه يوم كان ف مشكله ف عربيتى هو ساعدنى ووقتها قالى انه ..... انه معجب بيا وكدا وقالى انه صاحبك واكيد لو كان وحش انت مكنتش هتصاحبه وكلام من دا ....وقالى انه عايز فرصه انه يثبتلى صحه كلامه و.....

=و ايه ؟

-(نظرت لاسفل بحرج ) وانا قولتله موافقه

=(حاول كتم غضبه ) كملى

-لانه صاحبك كنت مفكره انه مش هيأذينى وكنا بنتقابل وكان بيتعامل كويس بس مع الوقت بدأ بيقولى كلام وحش ويطلب حاجات غريبه وانا كنت برفض وازعقله .....لحد ما شاف حور حسيت ان نظراته غريبه كدا ومش مظبوطه وهى اكدت دا ومن وقتها قللت الكلام معاه لحد ما جه اليوم اياه وهو طلب منى اننا نتجوز عرفى

=(هتتف بعصبيه ) ايه ؟

-(قالت بسرعه ) والله انا رفضت وهزقته وقولتله ينسانى ولاكأنه يعرفنى وكنت هسيبه وامشى بس هو قالى ممكن نشرب اى حاجه وهتكون اخر حاجه اطلبها منك ف وافقت لحد ما حسيت انى دايخه ومش قادره اتحرك قالى هوصلك وبعدها حصل اللى

حصل .....غيـْـِث انا اسفه والله ماكان قصدى كنت فاكراه انسان كويس

=(قالت بترقب ) طيب وانتِ بتحبيه ؟

-لا

=اومال ليه وافقتى ي ملك

-لانكم كلكم مفكرينى لسه صغيرة ومش عارفه اعمل حاجه لوحدى ....كنتوا بتحسسونى انى طفله معرفش يعنى ايه حب او ان حد يحبنى ....وكنتوا بعيد عنى هو الوحيد اللى اهتم بيا ف اكتر وقت كنت محتجالكم جنبى فيه ...اعتقد لما ألاقي واحد بحس معاه انى بنت بجد وانى مبقتش طفله اعتقد مش هرفضه حتى لو مابحبهوش

=يعنى احنا اللى طلعنا غلطانين ف الاخر

-مقصدش بس بقولك ان اللى انا عملته دا كان لسبب

-تمام ي ملك ...انا اوعدك انى مش هسيبك تانى ولا هبعد عنك وانا اسف

-لا انا اللى اسفه انت مالكش دخل

=لا ليا ... لانى سمحت ل واحد حقير زى دا انه يدخل حياتك .....بس انا عايز اقولك حاجه هو محبكيش كان واخدك عشان ينتقم منى عن طريقك ف ملقاش غير الطريق دا اللى يدخلك منه ....اللى عايز اقولهولك مش كل اللى واضح لينا هو الحقيقى ولا كل اللى يقولنا انه بيحبنا يبقى بيحبنا بجد....و ف ناس بتحبنا بجد بس مقالتش الكلمه دى ولا مره بس كل تصرف خارج منها بألف كلمه حب ....اوعدك انى عمرى ما هبعد عنك ولا هسمح لاى حد يأذيكى بس انتِ اوعدينى انك تقوليلى كل حاجه ومتخبيش عنى اى حاجه

-اوعدك انى عمرى ما هخبى عنك حاجه

=(قال وهو يقبل جبينها بحنان ) شطوره ي ملوكه