فيلوفوبيا

البارت التاسع

البارت التاسع

"اللهم إني أسألك علماً نافعاً، ورزقاً طيباً، وعملاً متقبلاً"

نوت : ﺳﻴﺄﺗﻴﻚ ﻣﺎ ﻗﺪ ﻳُﻨﺴﻴﻚ ﻣﺎ ﺃُﺧﺬ ﻣﻨﻚ ؛ﻭﺳﻴﺮﺯﻗﻚ ﺍﻟﻠﻪ ﻣﺎ ﻟﻢ ﺗﻜُﻦ ﻣﺘﻮﻗﻌًﺎ ﺃﻥ يأتيك 👉👉
________________
استيقظ الجميع وتجمعوا امام الشاليه
عز : تحبوا نروح فين
ياراكانت على وشك التحدث ولكن قاطعها مالك وغيـْـِث قالوا فى نفس الصوت : من غير ماتقولى اكيد جعانه
ياراوهى تتصنع الزعل : علفكره دا مش ليا دا.....
ملك بأبتسامه: للبيبى عارفين هههههه
عز وهو يده على كتف يارا: انتوا متغاظين منها ليه..... يارا تطلب وكله عليه انه ينفذ
يارا وهى تخرج لسانها ليهم : حبيبى
غيـْـِث : طبعا لازم يكون حبيبك مش هيأكلك
يارا: مالكش دعوة ي غلس
ماجده : شو راح نعمل هلا
عز : نروح نفطر الاول وبعدين نبقى نشوف هنعمل ايه
غيـْـِث : تمام وعلى وأحمد جايين فى الطريق
عز : تمام لما يوصلوا ابقى قولهم على مكانا

فطروا وبعدها وصل كلا من على وأحمد وسلموا على الجميع
مالك ل يارا: يورى تعالى نتمشى شويه
-يلا بينا
ملك : خدنونى معاكم
مالك : ليه خلففتك ونسيتك عند على وأحمد وغيـْـِث اتمشى مع اى حد فيهم
ملك ل غيـْـِث : غيـْـِث ؟
عز : سيبى غيـْـِث همشى انا وانتِ ... لانه هيتمشى هو وحور
غيـْـِث : انا ؟
عز بنرفزة : فى حد هنا اسمه غيـْـِث هنا غيرك
غيـْـِث بضيق : لا طبعا (ثم وجه كلامه ل حور ) يلا
زينب : روحى ي حبيبتى معاه
نظر لها غيـْـِث نظره " احنا قولنا ايه "

نهضت معه وبعد ما بعدوا عنهم بشويه
حور : انا هقعد هنا وانت شوفلك حته روحها وشويه كدا ونرجع لهم
غيـْـِث : تمام نتقابل هنا ....وانا هنزل البحر شويه
خلع التيشرت
-(نظرت للجهه الاخرى ) انت بتعمل ايه ؟
=(قال وهو يضع التيشرت فى يدها ) هكون بعمل ايه عايزانى انزل البحر بهدومى ؟
تركها وذهب ظلت تنظر للتيشرت الذى وضعه فى يدها وراحه الرفان تفوح منه " لا لا فوقى ي حور ف ايه " ألقت به على الكرسى المجاور لها امسكت بالروايه التى احضرتها معها وبدات ف القراءه
__________________
عند العصفورين التانين
كانوا ماشيين على الشط وماسكين فى ايد بعض وفى يدهم الاخرى ايس كريم
مالك : مبسوطه ي روحى
-جداااا ...مش عشان المكان لا عشان انت معايا
= (قال وهو يداعب وجهها بيده) ي خراشى ي ناااس
-ايه ي خراشى دى انت بتكلم بنت اختك
=(قال وهو يتصنع الدهشه ) ايه دا هى ملك عندها بنت ي فضحتى
-هقهقهق حد قالك قبل كدا ان دمك خفيف
=(قال وهو ينظر لها بنص عين ) ايه مش عاجبك
-(قالت وهى تضع يدها على خصرها ) لا مش عاجبنى ...هتعمل ايه يعنى
=(قال وهو يزغزغها ) انا هوريكى انا هعمل ايه
-(هتفت من بين ضحكاتها ) بس ي مجنون انا حااامل
=(قال بزعل وهو يتوقف ) ايه دا صح ضاع الانتقام ....بس اوعى تفكرى انى هسكت لا لما البيبى يشرف ان شاء الله هنتقم ومش هيكون عندك حاجه تتحججى بيها وبكره تشوفى
-ولا تقدر ي حبيبى لان وقتها هتحامى ف البيبى وامسكه على ايدى وابقى فرجنى بقا
=سوسه حتى ف افكارك
-اومال ايه ...داانا اعجبك قوى
=(قال بحب ) هو انتِ لسه هتعجبينى (ثم اشار على قلبه )ما انتِ مشقلبه حاله من زمان
-بلاش تثبيت لو سمحت ...اصل انا بضعف قدام كلامك دا
=وماله ي بيبى هو احنا ورانا حاجه
-على رأيك
اكملوا طريقهما وهما ممسكان بيد بعضهما البعض
__________________

كانت جالسه تقرأ فى الرايه ولكنها رأت فتاه تحوم حول المكان الذى يسبح به غيـْـِث
تابعت حركات الفتاه لجذب انتباه غيـْـِث ونجحت بالفعل ف ذلك وتحرك بأتجاهها

حور " المعفن بينجذب لاى حاجه فيها تاء مربوطه " ولكنه تخطى الفتاه ولم ينظر لها
شعرت بفرحه تتملكها ولكنها لم تدرى لمَ شعرت بذلك ....بعد فتره خرج من الماء وتوجه ناحيتها

بدأ فى تحريك شعره بيده ليحرره من قطرات الماء العالقه به جلس على الكرسى المجاور لها وامسك بالتيشرت وقام بارتداءه (كانت تنظر للكتاب وتتحاشى النظر له وقد توردت وجنتيها )

غيـْـِث وهو ينظر لوجهها الاحمر " معقوله بتتكسف زى البنات العاديين ؟ ....غريبه ...شكلها حلو قوى وهى ساكته كدا ومحمره فى بعضها عامله زى الملاك الرقيق بكسوفها دا ..لكن لما تتكلم سبحان اللى بتتغير 180 درجه ..... احم ايه اللى بعمله دا )
افاق من شريده على صوتها
حور وهى تحاول اخراج صوتها : نمشى ؟
غيـْـِث وهو ينهض : يلا (كان يمشى امامها لان خطواته سريعه )
-(قالت بأستنكار وصوت عالى ) ايوا يعنى هتفضل تجرنى وراك كدا كتير ؟ امشى براحه ي عم انت خلى عندك دم
=(نظر لها بأستنكار) " رجع جعفر لعادته القديمه " هو لسانك دا ايه ديما متبرى منك ؟ قولى امشى براحه وانا همشى براحه وهعرف انك مش قادره تلاحقى على خطوتى
-لا يابابا انا لو عايزة امشى بسرعه همشى .... بس الهواء بيطير الدريس ورجلى هتبان مش اكتر
نظر الى طرف الدرس الذى يداعبه الهواء
=طيب همنشى براحه وانتِ تعالى امشى جنبى عشان محدش يكلمك
-(قالت بغرور ) لا شكرا انا هعرف اخد بالى من نفسى كويس بس امشى براحه بس ومالكش دعوة
=ماشى بس اعملى حسابك لو واحد تطاول عليكى ماليش فيه تمام
-لا متخافش انا بعرف اسكت اى حد يتجاوز حدودة معايا
(هز كتفيه بلامبالاه وتحرك امامها واثناء عودتهم اتى شاب بأتجاهها )
الشاب : الجميل رايح فين كدا لوحده ؟
-(لم تنظر له واكمت طريقها ولكنه تطاول وحاول يمسك يدها ولكنها ابعدت يدها وقالت بنبره محذرة )امشى احسلك
انتبه غيـْـِث لهم ف توقف عن سيره وعقد كلتا يديه امام صدره وعلى وجهه علامات السخريه يراقب ما يحدث وهو ينتظر منها الخدوع وطلب المساعده ليكسر غرورها
الشاب : طيب لو مامشتش هتعملى ايه
(قال جمله تلك وهو يحاول يمد يده عليها ولكنها كانت اسرع منه وامسكت بذراعه وبحركه خفه منها لفت ذراعه خلف ظهرة ودفعته على الارض ...ليسقط على الارض متأوها من شده الالم واكملت بسخريه ) اعتقد وصلك الرد
(ثم نظرت له وعلى وجهها ابتسامه ساخره وتحرك من امام غيـْـِث الذى كان يتباع الموقف بذهول تمام )
="ايه البت دى ؟ انا عمرى ما شوفت بنت كدا ؟ " (تحرك خلفها وهو مازال فى حاله ذهول )

وصلوا الى مكان وجود العائله ولكنها لم تجد والدتها ولا والدته غيـْـِث
حور : ماما فين ؟
عز : انا لما رجعت لاقيتها ستأذنت هى وماجده و قالوا هيطلعوا يرتاحوا شويه
حور : اهاا تمام
= صحيح ي حور انتِ اتعرفتى على على ولا لسه
-اا لا
=دا على ابن اخويا ويعتبر ابنى الرابع
-تشرفنا
على وهو يمد يده ل حور : دا شرف ليا
غيـْـِث وهو يضع يده فى يده على : مابتسلمش
على : اه سورى
حور بأبتسامه : عادى ولا يهمك
على : قوليلى بقا ي حور انتِ هوايتك ايه ؟
حور بأستغراب : هوايتى ؟
على بمرح : متستغربيش انى اخدت عليكى بسرعه كدا .... انا لما برتاح ل حد مش بسيبه ف حاله ألا لما اعرف عنه كل حاجه
حور بأبتسامه: امممم انا شكلى جنيت على نفسى
على بأبتسامه : حاجه زى كدا (ثم لاحظ الخاتم الذى ترتديه ك سلسله ) دا خاتم ولا انا بيتهيألى ؟
حور :لا خاتم وماتسألنيش من مين لانى معرفش
على : دا شكله حكايه حكايه
غيـْـِث كان قاعد هيطق " مالها دى ؟ دى مبقالهاش متعرفه عليه خمس دقايق وعماله تضحك وتهزر شاطره بس تلبس الوش الخشب قدامى انا "
_______________

بعدما عز ترك ملك كانت تسير فى طريقها على البحر ولكنها وجدت احدهما يضع يده على وجهها
=(قال وهو ينظر لها ) وحشتينى
-حلوة المفاجأه اللى عملتها دى
=ما انا قولتلك لو كنتى فين هجيلك
-مكنتش اتخيل ان ممكن حد يحبنى كدا
=واكتر بس انتِ اللى مش مديانى فرصه اعبرك بحبى دا
-ازاى يعنى ؟
=عايز احس اننا واحد وتشيلى الحدود اللى بينا دى بقا
-مفيش حدود بينا احنا بنخرج وبنروح وبنيجى
=ملك انا عايز احس انك حبيبتى عايز اخدك فى حضنى احس بدقات قلبك وهى بتنبض مع دقات قلبى
-(قالت بنرفزه ) قولتلك الكلام دا مينفعش ....وبلاش كل مره نتقابل فيها تقول الكلام دا لانه ممكن تلاقى منى رد فعل ميعجبكش بعدين
=(هتف بحزن ) طيب ي ملك خلاص براحتك انا ماشى
تركها وذهب وهى فى حيرة هل تلحق به ام تتركه ف اتخذت القرار بالعودة
وصلت الى حيث يجلس الجميع وجلسوا معا يتحدثوا فى امور كثيره وتوجهوا الى المطعم اتغدوا وبعدها صعدوا الى غرفهم ليأخذوا قسطا من الراحه وبعدها هيتقابوا للذهاب فى نزهه ليليه فى البحر
________________

عاد فراس من العمل على حوالى الساعه4 ليجد مريم فى المطبخ
فراس وهو يقبلها : الجميل بيعمل ايه
-هكون بعمل ايه يعنى .....بسلى نفسى بأى حاجه ...جاى بدرى يعنى النهارده
=امممم طيب واللى يجيبلك اللى يسليكى
-اللى هو ؟
=ايه رأيك تيجى تشتغلى معايا فى الفندق
-اشتغل ايه انا ف الفندق ؟
=امسكى الصيدليه
-والدكتور اللى موجود دلوقتى هتعمل فيه ايه ؟
=هتمسكيها معاه لانه كان عايز حد يمسك الصبح وهو بليل وبكدا وقت ما اعوز اشوفك هشوفك
-مش عارفه
=فكرى وردى عليا بس مش دلوقتى لما نرجع من السفر
-سفر ايه ؟
=هنروح شرم عشان كدا رجعت بدرى
-(هتفت بفرحه ) بجد ؟ دا حور هناك ونيره كمان رايحه
=ما انا عارف عشان كدا قولت نروح احنا كمان
-(قالت وهى تحتضنه ) انا بحبك قوى قوى قوى
=وانا بموت فيكى يلا ادخلى اجهزى
-(قالت ةهى تتجه للداخل ) هوى
=(قال هو يمسك وجهها ويوفقها ) مالك عرقانه كدا ليه ونفسك مش مظبوط
-ايه دا فين دا ؟ اكيد بيتهيألك انا تمام ....هدخل اجهز ل ترجع ف كلامك

تركته ودلفت للداخل اما هو فجلس على اقرب كرسى وهو يزفر بقوه ليتذكر الحوار الذى دار بينه وبين والدته منذ قليل
الام : ولحد أمتى انتِ داخل على اربع شهور جواز
=انا مش مستعجل وقت ما ربنا يريد الحمل هيحصل وكفايه بقا مش كل ما اجى تسألينى ايه الاخبار انا تعبت
-بقا دى جزاتى انى عايزه اطمن عليك واشوف عيالك قبل ما اموت
=بعد الشر عنك ي حبيبتى بس مش كدا ....دى حاجه بأيد ربنا احنا مالناش دخل
-ونعم بالله بس برضو روحوا ل دكتور وشوفوا
=(قال لينهى الحديث )حاضر ... حاجه تانى ؟
-انت بتاخدنى على قد عقلى
=انا عايز اريحك مش اكتر و اوعدك اول ما نرجع من السفر هنروح خلاص
-ماشى اما اشوف
=(قال وهو ينهض ) طيب امشى انا بقا سلام
-فراس انا مسافره عند خالتك وعايز لما ارجع تبشرنى بالخبر الحلو
=(قال بضجر ) حاضر
خرجت مريم ومعها الشنط اخدها منها وتوجهوا لاسفل ليذهبوا ل شرم
_____________
وصلت نيرة الى شرم واخبرت حور بذلك واتفقوا على ان يتقابلا ف النزهه مع الباقى
على حوالى الساعه 8 كان الجميع على متن اليخت وكانت على وشك التحرك لولا انهم سمعوا صوت فراس
فراس : ايه النداله دى هتسيبونا وتمشوا
غيـْـِث : ما انت اللى زباله فى مواعيدك
فراس بسخريه : اسم الله عليك انت اللى مظبوط قوى يالا
عز: هتفضلوا تتخانقوا كدا ؟ اطلع ي ابنى انت ومراتك خلينا نتحرك
تحرك اليخت وسلمت مريم وفراس على الجميع
حور بفرحه: انا مبسوطه قوى انك جيتى انتِ ونيره
مريم بغرور مصطنع : عشان تعرفى ان احنا صحاب مفيش زينا
حور : ايه ي بت التواضع اللى انتِ فيه دا سيبى شويه لغيرك مش كدا
نيره : ايوا يعنى هتفضلوا تتخانقوا كدا وسيبينى لوحدى
مريم : هو احنا لينا غيرك ي صغير ي جميل انت
نيره : ايوا كلى بعقلى حلاوة
حور : طيب فى قشطه جنب الحلاوة ؟ لانى بحبها جدا
نيره بغلاسه: فى خفه تاخدى ؟
حور : خليهالك ...انا مش عارفه انتوا جايين عليا ليه كدا عشان غلبانه
اتى صوت من خلفهم : لا عاش ولا كان اللى يجى عليكى وانا موجود
نظرت حور للصوت وكان على هتفت بأبتسامه : "على "تعالى اعرفك على البنات ...دى مريم ونيره صحابى واكتر من اخواتى
على: بتسلموا ولا زى حور عشان محرجش نفسى تانى
مريم : انا لا
سلم على نيره واتت ملك : بتقولوا ايه ؟
حور : مبنقولش حاجه بنغلس على بعض
ملك ل على : وانت بنغلس معاهم ولا انت مالكش غير ف الجد وبس
على : ف حاجه ؟
ملك بضجر : لا اصلى استغربت انك بتضحك يعنى وعادى زينا كدا
على : فى ايه ي ملك انتِ عايزة تتخانقى وخلاص
حور : ف ايه ي جماعه مش كدا
ملك : لا كدا ولا مش كدا عن اذنكم
نيرة ةهى تلحق بها : ملك استنى عايزاكى

عند فراس وغيـْـِث
فراس ل غيـْـِث : مالك ي اخ انت فى ايه بقالى سنه بكلمك
=(قال بعصبيه ) عنجد زودتها
-هى مين دى ؟ واهدأى واتكلم عدل خلينى افهمك
= الاخت اللى اسمها حور ..مبقلهاش كام ساعه متعرفه على "على " وعماله تضحك وتهزر ولا كانهم مولودين مع بعض اومال فين بقا التقوى والايمان اللى كانت فيهم
-اعتبر ان دى غيره ولا ايه ؟
=انا اغير على دى ؟ لا طبعا
-خلاص سيبها تعمل اللى هى عايزاه ومالكش دعوة بيها
=هو ايه اللى ماليش دعوة دى خطيبتى
-(قال بترقب ) مش انت قولت انها خطوبه صورى ولاغيرت رأيك
=ماغيرتش وبس بطل كلامك دا ل اقوم اجيبهالك من شعرها
اتى احمد وجلس بجوارهم : مالكم ف ايه
غيـْـِث : اقعد وانت ساكت اصلها مش نقصاك
فراس بشماته: جرب نار الغيره ي نشأت
ضربه غيـْـِث بالزجاجه التى كانت بيده
فراس وهو يغمزله : تتشك ف ايدك ي نشأت هههههههههع

زينب ل حور : حور تعالى عايزاكى
-تعالى اقعدى معانا ي ماما
=(قالت بحده )قولت عايزاكى
على : طيب انا هروح للشباب بقا عن اذنكم(تركهم وتوجه ناحيته الشباب )
حور ل الام : نعم ؟
زينب: واقفه معاه ليه ؟
-وفيها ايه ؟
=فيها انك سايبه خطيبك وواقفه مع دا
-هو انا بس اللى واقفه ما الكل كان....
=(قالت بغضب ) ماليش دعوة بحد انتِ هنا عشان تقربى ل غيـْـِث وتعرفوا بعض اكتر متخليش حد تانى يلعب ف دماغك فاهمه ؟
-........
مريم : سورى ي طنط احنا اسفين واكيد المره الجايه هتاخد بالها
زينب وهى تغادر : اما اشوف

بعد ذهابه قالت حور بحزن : انا تعبت ..من طريقتها دى
-معاها حق ي حور انا اول مره ألاقيكى بتتكلمى مع واحد بالطريقه دى ... ضحك وهزار بصراحه للحظه شكيت ان انتِ مش انتِ
=(قالت بحيره )انا كمان معرفش ف ايه بس انا ارتحتله مش اكتر
-حور انتِ دلوقتى مخطوبه ل غيـْـِث
=(قالت بغيظ )ما انا عارفه انى متهببه ل زفت ...مستنياكى تقوليلى مثلا؟
-انا مبكلمكيش انتِ انا بكلم قلبك اللى ممكن يحب..
=(قالت بعصبيه ) انتِ اتجننتى لا طبعا انا لسه متعرفه عليه الصبح
-انا بحذرك مش اكتر
=لا خلى تحذيرك ل نفسك (ثم نظرت ليد مريم التى ترتعش رعشه بسيطه ) مالك ايد بترتعش كدا ليه ؟
-عادى يعنى بتحصل كدا من فتره للتانيه وبتروح لحالها
=بس دا مؤشر بان....
=(قالت لتوقفها على الحديث ) لا بأن ولا مش ان انا كويسه ومتعمليش نفسك دكتورة عليا ... ويلا نروح نقعد معاهم عشان ميتضايقوش

اما عند ياراومالك فكان مالك جالس وهى واضعه رأسها على كتفه
ياراوهى تنظر للسماء : قولى ي حبيبى تحب نسمى البيبى ايه ؟
=اممممم بصى لو طلعت بنوته هسميها ياراولو ولد سميه انتِ
-ليه يارا
=على اسم واحده كدا بحبها
-خلاص وانا لو جه ولد هسميه غيـْـِث
=(قال بنص عين ) وانا اللى كنت فاكرك هتقولى هتسميه مالك وترديلى حركه الجدعنه اللى عملتها معاكى
-(قالت بأستنكار ) ليه هيكون اسمه مالك مالك ولما يكون زعلان اساله مالك ي مالك مالك لا ي عم مش لاعب
=انتِ بتتريقى على اسمى ؟
-ايوا بتريق ف حاجه ...ها ايه رأيك مش حلو الاسم غيـْـِث مالك وياسلام بقا لو صوته كان حلو زى غيـْـِث وزيه فى وسامته
=(قال بضجر )انتِ بتعاكسى اخويا قدامى ولا انا بيتهيألى ؟
-لا وانا اقدر ....هو انا اه حظى طلع مع واحد مبيعرفش يغنى ولا رمانسى ولا اى حاجه بس الحمد لله احسن من مفيش
=وليه مستحمله كل دا ي عنيا
-كل دا عشان العاق اللى اسمه القلب بيحب واحد كدا
=(قال بابتسامه ) لا لو على العاق القلب ماشى

نيره ل ملك : ف ايه ي بنتى مالك ؟
-مالى ي حبيبتى مفيش
=هو ف حاجه بينك وبين على ؟
-(هتفت بسخريه ) ههه لا ....قومى قومى عشان بابا بينادى علينا
=لو احتاجتى تتكلمى انا موجوده
-اكيد ي حبيبتى

توجه الجميع الى عز الذى استدعاهم للتو
عز : ايه احنا جايين عشان كل واحد يقعد لوحده
فراس : اه والله ي عمو معك حق عايزين نهيص بقا ونرجع ليالى زمان ايام ما كان غيـْـِث بيعزف على الجيتار ويغنى ونشوى لحمه ونلعب
عز : وادينا فيها اقعدوا ونبدأ حالا
حور ل غيـْـِث : انت بتغنى ؟
غيـْـِث من دون ان ينظر أليها : بيقولوا
حور بصوت منخفض : غلس
نظر لها ولم يجب عليها

جلس الجميع على شكل دايره عز بجواره ماجد مالك ويارا ملك غيـْـِث حور نيره زينب مريم وفراس واحمد وعلى بجوار عز من الناحيه الاخرى
فراس ل غيـْـِث : هاا ي غيـْـِث هتسمعنا ايه ؟
غيـْـِث : لا انا ماليش مزاج اغنى
ملك : بلاش غلاسه بقا وغنى
يارا: بالله عليك ي غيـْـِث انت بقالك كتير مغنتش
ملك بأبتسامه ذات مغزى: مش كتير قوى يعنى
عز : يلا ي غيـْـِث
غيـْـِث : مفيش جتار
ماجدة وهو تعطيه الجتار الذى كان خلفهم: اتفضل
بدأ بالعزف على الجيتار وعزف اغنيه رومانسيه جدااااااا (تخيلوا الاغنيه اللى تحبوها )

كان مندمج فى الاغنيه كان مالك ممسكا بيد ياراويتمايلوا مع كلمات الاغنيه وكذلك الحال عند مريم وفراس وعلى كان نظرة مصوب عليها وملك كانت فى عالمها الخاص أما حور ف لم تستطع النظر لاى مكان بسبب نيره وتعليقاته " المز بيغيلك ي جميل شوفتى الرومانسيه اوعدنا ي رب " وكلماتها جعلت وجنتيها تتورد"
انتهت الاغنيه وبدأ الجميع ف التصفيق والتعليقات التى جعلت تورد وجنتيها يزداد من شده الاحراج فتركتهم ونهضت توجهت الى احد اركان اليخت المنطقه لم يكن بها اى سور
حور " ف ايه انا مالى انا هو مكنش بيغنيلى اصلا كان بيغنى عادى جدا ومفيش حاجه تستدعى كل دا ....عااااااا يعنى انت مش لاقى اغنيه تانيه غير دى يعنى كنت تغنى زى اللى كان بيغنى على الشاطئ الصبح كا.....لحظه لحظه الصوت هو هو يعنى هو معقوله يكون هو اللى كان موجود الصبح وانا مخدتش بالى منه ؟ " ازدات سرعه اليخت واختل توازنها وسقطت فى الماء
حور بصراخ : أأأأأأأأأأأأأأأأأه توجه الجميع الى مصدر الصوت
زينب ببكاء : حور حد يلحقها دى مبتعرفش تعوم
خلع التيشرت وهبط فى الماء لاتقاذها : حــــــــــــــور

ياترى مين الشاب اللى ملك بتقابله ف السر دا وهل فعلا هيكون ف حاجه بين على وحوريه ولا مجرد صداقه مش اكتر ...ومين اللى نزل ينقذ حور




غيث ☝☝ايه رأيكم