فيلوفوبيا

البارت الرابع عشر

دعاء اليوم :رب ادخلنى مدخل صدق واخرجنى مخرج صدق واجعل لى من لدنك سلطانا نصيرا
مسج1 : فيك حنّيه بصوتك و إنت بتحكي ، مازرعها الله فى صوتٍ غير بصوتك
______________________
كان كلا من مريم وفراس جالسان يتناولا العشاء
فراس : طيب عايزين نقول للشباب هنقولهم ازاى
-ممكن نعزمهم هنا ونقضى اليوم مع بعض ونقولهم
=فكره حلوة بس طبعا انتِ مش هتقدرى تطبخى ....نطلب من بره وخلاص
-متقلقش ي حبيبى هقول ل حور والبنات وهما هيجى يعملوا كل حاجه واهو نرغى شويه
=براحتك المهم بلاش تتعبى نفسك
-متقلقش ي حبيبى ...المهم انت قولت ل مامتك ولا لسه
=اه قولتلها وانتِ كنتى نايمه وقالت مش عايزة تقلقك وهتتصل كمان شويه تباركلك
-طيب كويس عشان متزعلش
=("فعلا الحمد لله ان الحمل تم وألا الله اعلم كانت ممكن تعمل ايه " ) خلاص انتِ كلمى البنات وانا هكلم الشباب ونتقابل كلنا
-اوكى هخلص اكل واكلمهم
___________________
اوقف السياره امام منزل حور شكرته وهبطت من السياره فتح الباب وهبط هو الاخر
-(قال هو يعطيها شئ ما ) اتفضلى
-(قالت وهى تنظر للفه المتوسطه ) ايه دى ؟
=دى حاجه كدا اعتذار منى
-مفيش داعى
=دى حاجه بسيطه لاتذكر ...اطلعى لان طنط مستنياكى فى البلكونه
شاور ل زينب وبعدما اطمئن عليها قاد السياره وعاد الى المنزل
ملك بفضول : اديتها ايه ؟ هاااا
=بتاعتك عندك ف طبلوا العربيه
-(قالت بأبتسامه ) طيب ليه بتاعتى مش ملفوفه لفه هدايا
=لو مش عجابكى هاتيها
-لا خلاص حلوة تسلمى ي حبيبى

ابدلت ملابسها وامسكت بهاتفها ودقت على مريم وانتظرت الرد
مريم : كنت لسه هتصل عليكى
-القلوب عند بعضها ...عامله ايه دلوقتى
=زالفل ....المهم بكره الاجازة بتاعتك صح ؟
-اهاا خير ف حاجه
=اه اعملى حسابك هتيجى بكره من النجمه انتِ والعيال عشان كلكم معوزمين على الغداء عندنا على شرف البيبى
-وقولتى للبنات
=قولتلهم على العزومه بسمقولتش موضوع البيبى هنقوله للكل بكره وانتِ حاولى تعملى نفسك متفاجأه
-حاضر هحاول بس موعدكيش
=والله خايفه منك ..قوليلى كنتِ متصله ليه ؟
-عادى بطمن
=بس اشك ؟
-بصراحه عايزة اقولك على اللى حصل مع غيـْـِث النهارده
=ربنا يستر
-لا متقلقيش الموضوع كويس (قصت عليها ما حدث )
=(قالت بنره ذات مغزى ) واو دا فى تطور جامد
-لا دماغك متروحش بعيد احنا بتعامل بالطريقه دى عشان نثبت لماما وعائلته اننا موافقين وكله تمام
=بس انتوا كنتوا لوحدكم محدش كان شايف ...يعنى مشاعرك هى اللى بتقودك
-لا طبعا الكلام دا هبل
=انا اتمنى انه يطلع هبل ...غيـْـِث هيجرحك جامد
-هو انتِ تعرفى ايه عن غيـْـِث مخليكى خايفه كدا
=غيـْـِث مقضيها كل يوم مع واحده شكل وياعالم بيعمل ايه تانى خايفه ليكون واخدك تسليه وارضاء لغرورة او تحدى ....عشان كدا عايزاكى تاخدى بالك
-لا هو مش كدا
=ماتتغريش بالوش اللى انتِ شوفتيه النهادره دا .... صدقينى دا مش غيـْـِث اللى احنا نعرفه
-خلاص اصلا كلها كام يوم وننهى الخطوبه دى وكل واحد يروح ل حاله
=ربنا يريح قلبك ...يلا عايزة حاجه
-سلامتك
فتحت النوت وبدأت فى الكتابه
[ معقوله يكون غيـْـِث بالوحاشه دى ؟ بس هو مش باين عليه انه صايع ولا حاجه ...انا عمر نظرتى ما تخيب ف حد لا هو فعلا وحش بس بيمثل قدامى انه كويس ... طيب هو لو وحش ليه بيقوم يصلى الفجر جماعه وبقا بيصلى الصلاه فى موعيدها وبقا بيعامل عائلته بود ومحبه يوووة انا مبقتش فاهمه حاجه ] نظرت على الكومود المجاور لها لتجد لفه الهدايا التى اعطاها لها فتحتها لتجد علبه شكولا بالبندق التى تعشقها ومعها كارت <اتمنى انى بكدا اكون كفرت عن ذنبى ...تصبحى على خير😤 > معقوله يكون جابها عشان مزعلش 😤 نفضت الافكار من دماغها وتدثرت وراحت ف سُبات عميق
_______________
فى اليوم التالى تقابل كلا من غيـْـِث وفراس ف النادى
فراس : بقالنا مده مقعدناش مع بعض
=اه شغل بقا وكدا 😤
-(قال بستنكار ) جه اليوم اللى اسمعك فيه تقول شغل 😂😂 عقلت من امتى ياض
=من زمان بس مقولتش عشان الحسد المهم قولى انت اخبارك ايه ؟
-انا اخبارى زالفل النهارده كلكم معزومين عندنا على الغداء ☺
=بمناسبه ايه ؟
-فيك من يكتم السر
=هكتمه حاضر
-اسمها ف بير ي اهبل
=انى واى ... اقول وخلصنى
-(هتف بفرحه ) مريم حامل وهبقى اب
=ألف مبروك ي حبيبى ....اول مره اشوفك مبسوط بالطريقه دى
-اومال ايه ي بنى بقولك هكون اب يعنى احلى شعر ف العالم ...ربنا يرزقك بالفرحه دى وقتها هتحس بشعورى دا
=ربنا يفرحك ي حبيبى " ويقدرك ي مريم ويقومك بالسلامه "
-المهم لما اتكلم قدام الشباب اعمل نفسك متفاجئ عشان متفضحناش
=ليه هو مين اللى جاى
-على وأحمد وانت وخالد والبنات نيره وريم واحتمال رنا وقول ل ملك تيجى هى كمان
=(قال بحزن ) هى حور مش جايه
-لا جايه ي حنين ... ايه هى بدأت تغمز ولا ايه
=مش عارف بس كل اللى اعرفه انى برتاح لها بحب اتكلم معاها واقضى معاها وقت
-(قال بترقب ) طيب وريناد
=حور غير ريناد حتى احساسى ناحيتها غير اللى كنت بحسه ناحيته ريناد حور مختلفه كل حاجه فيها مختلفه عن اى بنت عرفتها ف حياتى
-طيب والبنات اللى انت مقضيها معاهم دول ايه ؟
=لا ي عم خلاص ربنا تاب عليا وشطبنا
-(قال بأبتسامه ) طيب الحمد لله دا حور سرها باتع بقا .... مكنتش اتخيل انك تتغير عشان خاطر بنت
=معرفش بقا يمكن انا كنت عايز اتغير بس مستنى اللى يغيرنى
-طيب قولتلها ولا ايه
=لا طبعا انا لسه محددتش مشاعرى ناحيتها وهى كمان معتقدش انها اخدت موضوع خطوبتنا دى جد
-ازاى
قص عليه اتفاقهم وفكره الخطوبه المؤقته لارضاء عائلتهما
-امممم طيب وناويين تحطوا النقط على الحروف امتى
=معرفش لسه
اثناء حديثهم وجدوا فتاه واقفه امامهم وكانت ميار
ميار ل غيـْـِث : عايزه اتكلم معاك
فراس وهو ينهض : خلاص هسيبكم انا ومتنساش ي غيـْـِث
غيـْـِث : اوكى هاجى ف المعاد
غيـْـِث نهض ووقف امامها : خير ؟ عايزة ايه وخلصى لان ورايا شغل ومش فاضيلك
-بقالى فتره مبشوفكش ومختفى فين كدا ؟
=هو انا مقولتلكيش ....خلاص شطبنا
-يعنى ايه
=هى دى محتاجه شرح ؟
-انا مش لعبه ف ايدك ي غيـْـِث علشان تجيلى وقت ما تعوز وتمشى وقت ما تعوز
=(قال بسخريه ) ما انتِ فعلا لعبه ولعبه مالهاش تمن
-وياترى بقا مين اللعبه الجديده اللى انت فضلتها عليا ....الحلوة اللى انت خاطبها
=(قال بعصبيه ) متجيبيش سيرتها على لسانك لاقطعهولك
-(قالت بسخريه ) للدرجه دى ؟ مش دى اللى كنت مسميها جعفر وكنت بتكرهها دلوقتى احلوت ؟(ثم اكملت بوقاحه ) ولا هى ورتك اللى تحت الحجاب واللبس الواسع ف حبيتها
=(هتف بغضب وهو يمسك وجهها ) احترمى نفسك وانتِ بتتكلمى عنها ...وألا حيات امك لو اتكلمتى عنها بالطريقه دى مره تانيه ما هتعرفى ايه اللى ممكن يحصلك (ثم دفعها للخلف بقوه ) فاهمه ...مش عايز اشوف وشك تانى
تركها وذهب
-(قالت بتوعد ) ماشى ي غيـْـِث انا هوريك ميار ممكن تعمل فيك ايه
_________________
كانت حور فى المنزل ابدلت ملابسها للخروج الى منزل مريم
حور ل زينب : ماماانا رايحه ل مريم
-ف ايه ي حور هو كل يوم ف مكان حتى يوم اجازتك هتخرجى كمان
=ف ايه ي ماما حضرتك اول مره تعترضى على خروجى
-ما انا لاقيتك سوقتى فيها ...انتِ مش كنتى اول امبارح عند مريم وامبارح معاها ف المستشفى وبليل ف بيت غيـْـِث
=علفكره حضرتك وافقتى انى اروح بيت غيـْـِث انا مكنتش عايزة اروح اصلا
-وياريتك ما روحتى
=ماليش فيه بقا انا سمعت كلامك ... يبقى تخلينى ارح ل مريم
-لا مش هتروحى
=ماما مريم حامل ومش هتعرف تطبخ لكل دا لازم اروح اساعدها
-ريم ونيره هيساعدوها
=(هتفت بأعتراض ) ي ماما.....
-قولت لا يعنى لا ..اتفضلى ادخلى غيرى هدومك ومش هعيد كلامى تانى
=(غادرت وهى تخبط قدمها ف الارض زى الاطفال ) والله دا ظلم
هاتفت مريم واخبرتها بعدم قدرتها على الحضور وتفهت مريم ذلك وظلت قابعه ف غرفتها
________________
ظلت ياراجالسه بجوار والدتها وتنظر فى هاتفها ويبدو عليها الحزن
الام : ف ايه ؟
-(قالت بحزن ) شوفتى ي ماما مصممه الازياء اللى انا متبعاها نزلت كولكشن جديد ومفيش ولا فستان للحوامل
=هو انتِ بتلبسى من عندها
-لا
=اومال مزعله نفسك ليه ؟
-الله افرضى ف واحده حامل وعايزة تجيب من عندها تعمل ايه وقتها
=وانت مالك ومال غيرك خليكى ف حالك ...مش كفايه مانيمتنيش دول الليل بسبب تعبك
-الله مش دا كله بسبب حفيدك ....وبعدين انا امبارح كنت حاسه انى هولد بس دلوقتى مش حاسه بحاجه
=انا مخلفه واحده متخلفه
-(اجابت بغلاسه ) ميرسى
=انا هقوم لاحسن انتِ هتشلينى
-ايه دا ف ايه هما ليه كلهم كارهينى كدا ليه ......ايه الناس دى
_______________
انهى غيـْـِث عمله وكان على وشك الخروج ولكن اوقفه على
على : انت رايح ل فراس
=ايوا عايز حاجه ؟
-هاجى معاك لان عربيتى ف التصليح
=(قال وهو ينظر لملابس على ) انت متشيك كدا ليه ؟ هو احنا رايحين فرح
-اومال عايزنى اروح معفن لازم اتشيك واظبط نفسى ...يلا بينا
=لسه هعدى على البيت اجيب ملك
-مفيهاش حاجه نعدى عليها سويا ونروح
=(زفر بشده ) يلا
توجهوا الى المنزل وكانت ملك جاهزة ولكن غيـْـِث استأذن وصعد الى غرفته وابدل ملابسه وهبط لهم ثانيتا
على بأستنكار: طيب ما انت غيرت انت كمان اهو
=عشان جيت البيت لكن انت روحت البيت مخصوص عشان تغير تفرق
-طيب يلا ي اخويا
=(اخرج هاتفه ) طيب لحظه واحده
بعد مده اجاب الطرف الاخر
غيـْـِث : ايوا ي حور انت روحتى ولا اعدى عليكى ناخدك معانا
-(اجابت بحزن ) لا انا مش هاجى ماما مش موافقه
=ليه ؟
-معرفش ....خلاص مش مهم
=طيب بصى اقفلى وهتصل عليكى كمان شويه
-ليه ؟
=ي ستى اقفلى بس وانا هتصرف
اغلق معها وطلب رقم والدتها بعد السلامات
=طنط ممكن تخلى حور تيجى معانا عند فراس كلنا هنكون موجودين والقاعده هتكون نقصاها واوعدك انى هرجعها بدرى ومش هنتأخر
-ما هى مع مريم ومعاكوا كل يوم وخروجاتها كتر اليومين دول
=معلش عشان خاطرى المره دى بس ... هو انا ماليش خاطر عندك ولا ايه
-(قالت بعد تفكير ) خلاص ماشى بس متتأخروش
=حاضر ...خلاص قوليلها تجهز وانا هعدى عليها ناخدها انا وملك
-خلاص ماشى
اخبرت حور بموافقتها التى قامت بأحتضانها من الفرحه ودلفت ل غرفتها
بعد فتره وصلوا امام منزلها وهى هبطت لهم سلمت على ملك وجلست بجانبها ف المقد الخلفى
لف على وجهه للخلف لينظر ل حور: اخبارك ايه
-الحمد لله وانت
=كويس الحمد لله النهارده اجازتك صح ؟
-ايوا
=كويس انهم عملوا العزومه يوم اجازتك عشان نشوفك
غيـْـِث من بين سنانه : هتفضل قاعد كدا كتير
على : وانت مالك ومالى ي عم انا تاعبك ف ايه
غيـْـِث : مش عارف اتهبب اشوف المرايه اللى جنبك
على : وانت بتحتاجها ليه
غيـْـِث بسخريه : بظبط شعرى فيها اتعدل خلينا نخلص
على :اتكلم معايا احترام اكتر من كدا احترم فرق السن اللى بينا
حور: هو انت اكبر من غيـْـِث ؟
على : اه شوفتى انا مايبنش عليا صح
ملك بغلاسه : لا يبان بس هى بتجاملك
على : 😡😩
حور : لا بجد كنت مفكراك قد غيـْـِث وفراس ..اكبر منهم بكام شهر ف الحدود دى يعنى
على بأبتسامه وهو ينظر لها مره اخرى : شالله يخليكى ....انتِ تدينى كام
غيـْـِث بعصبيه : ف ايه ي عم انت ما تظبط
على : خليك ف السواقه انت ...ها ي حور تدينى كام
زفر غيـْـِث بعصبيه " انا اللى هديك على دماغك "
حور : يعنى 28 مثلا 29 بالكتير
غيـْـِث بغلاسه : لا 33
حور بذهول : بجد ؟ مش باين عليك خالص
على : عشان عيونك حلوة بس
اوقف غيـْـِث السياره فجأه
على وكاد ان يخبط فى الطابلو : ف ايه ي عم ف حد يوقف كدا
هبطت من السياره وتركهم ولم يجب عليه
نظروا الى العماره ليجدوا يأنها العماره التى يقطن بها فراس هبطوا من السياره وتحركوا خلفه
سلموا على الجميع وقاموا وبعد تناولوا الطعام جلسوا معا ف الصالون الشباب جلسوا لل لعب البلايستيشن والفتيات جلسن معا يتبادلوا اطراف الحديث معا
غيـْـِثبغضب وصوت عالى وهو ممسكا بذراع البلاي ستيشن : ي عم شووووووت بقا شووووت
فراس بصوت عالى وهو ينهض من مكانه : وجووووووووون وجون وجوون
انتفضت الفتيات من الصوت
رنا: مابيعرفوش يلعبوا بصوت هادئ ابدا
مريم : ولا هيعرفوا كورة ...يعنى زعيق وصوت عالى
أحمد وفراس بشماته ف غيـْـِث وعلى : معلاهش تعيشوا وتخسروااا هههههه
غيـْـِث بغيظ :لسه الجوله ماخلصتش ي حلو انت وهو ..تعالوا نلعب ماتش تانى
مريم ل فراس : ايه ي فراس مش فى موضوع لازم نتكلم فيه ولا ايه ؟
فراس : ايوا صح
غيـْـِث: هنلعب يعنى هنلعب مش همشى وانا خسران انا
فراس :ي عم ليك عندى ماتش ...بس تعالى نروحلهم وبعدها نبقى نصفى حسابنا
توجهوا ناحيته الفتيات وجلسوا معهم
أحمد : ي ترى ايه سبب العزومه دى بقا ؟
رنا: اه صحيح ما انتوا مش هتعملوها لله ف لله كدا
فراس وضع يده على كتف مريم وقال بأبتسامه : باركولنا ف ضيف هيشرفنا قريب
البنات بذهول وفرحه ماعدا حور : بجد مبروووك ي ميمى
والشباب ماعدا غيـْـِث : مبروووك ي كبير
مريم وفراس : الله يبارك فيكم
رنا ل حور بهزار : ايه مفيش مبروك ولا البعيده معندهاش دم ؟
حور بغباء : ما انا باركتلها من امبارح
ريم بذهول : نعم ؟ يعنى انتِ كنتِ تعرفى
نظروا الشباب ل غيـْـِث
غيـْـِث وهو يمسك بهاتفه بأستعباط: ايه دا دا مفيش شبكه خالص
فراس وهو يخبط دماغه بيده : التنين اغبى من بعض
ضحك الجميع
ملك : بالمناسبه دى بقا لازم نجيب حاجه نشربها
مريم : عندك ف المطبخ كملى جميلك وهاتيها من التلاجه
ملك : من عنيا