فيلوفوبيا

البارت السادس

"اللهم رحمتك أرجو فلا تكلني إلى نفسي طرفة عين، وأصلح لي شأني كله، لا إله إلا أنت"
نوت : حين تخذلك جميع الأشياء التي حولك لا تحاول أن تثق فيها مُجددًا ، فقط حاول أن تثق بأنك تستطيع العيش بدونها..
__________________

فى فيلا أل العدوى كان يقف الجميع على قدم وساق ف اليوم هو خطوبه غيـْـِث  ....اليوم الذى كان يتمناه الجميع وينتظرة بفارغ الصبر
كانت جنينه الفيلا مزينه  بطريقه ساحره انوار ف كل مكان وورود متناثره ويوجد ف المنتصف كرسيان ومن حولهم باقات من الورود المختلفه والتى قامت ماجده بشرائها خصيصا لذلك اليوم
كان غيـْـِث  نائما فى غرفته فى امان الله وفجأه وجد شئ بارد يسقط عليه
غيـْـِث  بفزع : شووووو هاااد
ملك وهى ترفع يدها بأستسلام : والله ما انا

يارا بأبتسامه : مايه هتكون ايه يعنى ....سيادتك نايم لحد دلوقتى والنهارده خطوبتك والله عيب عليك
غيـْـِث  وهو يعود للنوم مره اخرى : لولا انك حامل كان  هيكون ليا معاكى تصرف تانى ......اطلعى بره ي يارا وسيبينى انام
ياراوهى تزيح الفراش من عليه : لا هتقوم ي غيـْـِث  وألا هجيبلك عمو يجي يتصررف معاك
غيـْـِث  : انتِ بتهددينى يعنى ؟
دلف الاب الى الغرفه : عندك مانع ي بيه ؟
غيـْـِث  وهو ينهض من على الفراش احتراما لوالده : لا حضرتك مفيش حاجه
الاب: طيب اتفضل ال حلاق  جه فى مكتبى هيحلقلى انا ومالك وبعدين هيجيلك
غيـْـِث  : مش محتاجه انا تمام
نظرت ملك ويارا ل الذقن غيـْـِث  العشوائيه وشعره الطويل وقالوا ف صوت واحد : تمام !!! متأكد ؟؟
الاب : قوم افطر ولا شوف هتعمل ايه والراجل هيجى 
تحرك غيـْـِث  على مضض خلف والده واثناء مروره من امام ياراوملك مسك رأس كلا منهما وخبطهم فى بعض
ملك وهى تحاول ابعاد وهتفت بمرح : اييه انت بتطقش بيض
غيـْـِث  وهو مازال ممسكهما  : بقا انا منظرى مش عاجبكم
يارا بمرح : مين قال كدا ...داانت قمر ر  ...بس سيبنى
ملك بتاوة بسيط :  ومش اى قمر ...دا قمر اربعتاشر بس وسع ايدك دى شعرررااااى
دلف مالك الى الغرفه وجد غيـْـِث  ممسكا بملك ويارا
مالك : انت قابض عليهم ولا ايه
يارا تتصنع البرائه: خلصنا من ايد المتوحش دا .... جاى علينا اكمننا غلابه ومكسورين الجناح اهئ اهئ اهئ
غيـْـِث  وهو ينظر لها بطرف عينه : مت ايه ي عنيا؟
مالك وهو يتجه نحو غيـْـِث
  وقال بمرح: تاخد كام وتخلصنى منهم
غيـْـِث: عشره جنيه واخلص عليهم واخفى آثار الجريمه
ملك : يالهوى عشره جنيه ؟
يارا بأستنكار : يعنى انتِ سيبتى الجريمه ومسكتى ف العشره جنيه ايه الغباوة دى
ملك : ايه دا صح ....(ثم قالت بطريقه مسرحيه ) لا ابوس ايديكم انا لسه صغيره وعايزة اعيش شبابى  (ثم دفعت يارابخفه للامام )اقتلوا يارا
يارا : اه ي واطيه ...... (ثم وجهت حديثها ل مالك ) اهون عليك ى ملاكى
مالك : لا طبعا ي روح ملاكك
غيـْـِث بأستنكار : ايه شغل المراهقين دا ؟انت مش كنت عايز تخلصمنها من شويه ي بنى
مالك : متهونش عليا
ملك بهيمان : هيييييييح اوعدنا ي رب بواحد يدلعنى كدا (ثم نظرت ل مالك وغيـْـِث  ) ويخلصنا من كميه القفا اللى باخدهم ليل ونهار دول  وخلوا  قفايا  ورم 
غمز مالك ل غيـْـِث  فتوجهوا ناحيتها وبدأو فى زعزعتها
مالك وغيـْـِث  : عايزة تخلصنى منا هاااا ؟ انا هوريكى
ملك وهى تحاول التقاط نفسها  : خلاص والله حرمت دا انتوا ملائكه بس سيبونى
غيـْـِث  بضحكه شريرة : خلاص وقعتى ف المصيده ي قطه
كان الاب يتابعهم وعلى وجهه ابتسامه رضا
________________
اما عند حور كانت جالسه على سريرها ممسكه بهاتفها تتفحصه بملل
فتحت نبره الباب فجأه وقفزت على السرير بجانب حور : حـــــــــــــــــــــــــــــــــــــــــــــــــــــــــــــــــــــــــــــــور
حور  وهى تلقى الهاتف على السرير بفزع: يخربيتك خضتينى هما بيطلوا امتى دول ....ودخلتى هنا ازاى
نيره : الضهر ي عروره ....فى عرورة يوم خطوبتها تفضل قاعده على السرير وماسكه الموبيل كدا؟
ريم تدلف الى الغرفه : ما يمكن تكون  بتكلم غيـْـِث  ولا حاجه
حور : جيتى ازاى انتِ كمان
ريم : ي ستى من الباب والدتك سايبه باب الشقه مفتوحه واللى عايز يدخل يدخل 
نيره : واللى عايز يسرق برضو يسرق هههه ....قرى ي بت واعترفى كنتى بتكلميه صح ؟
حور : ي اختى اتوكسى انتِ وهى بلا خيبه
ريم وهى تغمز لها : عماله تقولى مش هتجوز مش هتجوز اتاريه كان غيـْـِث  باشا مالى القلب
حور بسخريه : اه مالى فعلا ...لدرجه انه هيفرقع
نيره : المهم الميك اب ارتست هتيجى امتى دى الساعه 2
حور :ميك اب ارتست ايه ؟
ريم  بأستنكار: اوعى تقولى ان انت مكلمتيش حد يجى يعملك ميك اب
ور : انا مش هحط ميك اب اصلا
نيره : وغيـْـِث  وطنط عارفين الكلام دا ؟
حور بغضب  : هو ماله اصلا
نيره : نعم ؟ حور هو انتِ مش مبسوطه  ولا ايه ؟
حور بتوتر : لا مبسوطه عادى بس انتِ عارفانى مبحطش ميك اب
(حور مقالتش ل ريم ونيره على اللى حصل قالتلهم على الخطوبه وبس )
نظرت كلا من نيره وريم لبعضها ... امسكت نيره بهاتفها واتصل بشخص ما ثم عادت
دلفت مريم من الباب
مريم : ازيكم ي بنانيت
نيره بمرح : اهلا بالعروره التانيه
مريم : عرورة ايه بقا ما خلاص راحت عليا ....حور هى اللى عروره الجديده
نظرت لها حور ولم تتحدث
مريم : عارفين جيبتلكم ايه (فتحت الاكياس اللى كانت معها )
كان فيها علب  نوتيلا وشوكولا وسيريلاك وشيبسى ومقبلات
نيره باندهاش : سيريلاك ؟؟ ليه هو احنا اطفال ؟
مريم بأبتسامه وهو تنظر ل حور : اصل ف حد كدا بيحبه .... هروح اجيب اطباق عشان نخوض المعركه دى
ابتسمت حور على محاولته صديقتها لاخراجها من حزنها
اتت مريم ومعها الاطباق بداوا فى فتح العلب وشرعوا ف الاكل