فيلوفوبيا

البارت الثالث والثلاثون

اللهمّ لا تزيّن لي عمل السوء، اللهمّ ذكّرني دائما بأنّ الدنيا زائلة فاصرف عنّي زينتها

كن راضيا ....وكأنك تملك كل شىء ...فما يكتبه الله ألطف مما نشاء ...(تفاءل )

_____________________
وصلوا الى المشفى كان فراس جالسا امام غرفه العنايه المركزة
غيث: هى عامله ايه دلوقتى ؟
فراس :زى ما انت شايف كدا مفيش جديد
حور : ان شاء الله خير ادعى انت بس 
فراس : مبعملش حاجه غير انى بدعى 
غيث وهو يربط عليه : ربنا يصبرك ويهون عليها
فراس : يارب
اتت احدى الممرضات تخبرهم بأن معاد الزياره انتهى ومسموح للمرافق فقط الجلوس والباقى يغادر
فراس : روحوا انتوا 
حور : انا ممكن اكلم الدكتور ونفضل معاك شويه
فرس : هتقعدوا تعملوا ايه ؟ انا لو فى جديد هكلمكم
غيث : تمام وانا هكون على اتصال بيك
بعد ذهابهم بفتره حضرتك احدى الممرضات لتخبر فراس بأن مريم استعادة وعيها وتطلب مقابلته فتوجه   الى غرفتها على الفور 
فراس وهو يقبل جبينها : حبيبتى عامله ايه  ؟
أبتسمت ابتسامه خفيفه وقالت بتعب  : ك ك كويسه 
فراس : بلاش تتكلمى الكلام غلط عليكى
مريم  بتعب : عارفه لما حكيت لصحابى عنك  كانوا بيقولولى .... ده بيتسلى بيكى ....وعمره ما هيقكر يتجوزك ....انا اقولهم أبدا ....دا حبيبى وانا واثقه فيه وواثقه انه هيوفى بوعده ليا 
-(ترقرقت دمعة بعينيه فهمست له) ـما تبكيش.. يا فراس .. طب أقولك على حاجة.... لما كنا بنتخانق  مع بعض وبنقعد بالأيام مابنتكلمش  .... كنت ببقى  مرعوبة أنك تكون ندمت على ارتباطنا.. أو بتراجع نفسك وانك هتسيبنى .. أنا كنت واثقة في حبك صحيح.. بس جه جوايا قلق أنه حبي مش كافية..

=(قاطعها بسرعة)  يا مريم  أنتِ تكفيني عن العالم كله.. أنتِ دنيتي كلهاااا

ـ (قالت وهى تربط على كفه بحب ) وانت  انا ..... لما كنت بتعرف تفرق بين حبك ليا وحبك ل والدتك  وكنت بتعرف تتصرف وتحل المشاكل اللى بينا ....وكنت بتحاول تحسن صورتى قدامها عشان تحبنى ولما كنت بسألك مامتك عامله ايه ؟ كنت بتقولى كويسه ودى بتحبك قوى وبتسلم  عليكى ولما كنت  بتجيب هدايا  من نفسك وتدهالى على انها منها  عشان احبها .....  .. وقتها حبيتك أكتر.. مع أني مش عارفة إزاي ممكن أحبك أكتر.. بس يظهر قلبي ما عادتش قادر يتحمل حب أكتر من كده.. حبك كان طاهر وبرئ  حبك يملئ العمر كله .. حتى لو كان العمر ده قرب يخلص ......

=(همس بصوت باكى ) ما تسيبينيش يا مريم .. ما تسيبينيش

ـ لو بتحبني يا فراس

=(قاطع كلماتها ووضع أصابعه على شفتيهاا) لا ما تكمليش لا

-(أغمضت عينيها بإنهاك ودمعة ألم هربت على جانب وجهها سارع هو بمسحها.. وسألته) جيبت لبس البيبى ؟
=(هز رأسه نافينا )
-(قالت بأبتسامه حزينه ) انزل هاتها مش عايزة بنتى تحسن انها قليله ....عايزاك تفرح بيها وتعملها سبوع  وتفرح بيها  
=(قالت بتوسل ) ارجوكى كفايه
-ارجوك انت ....اسمع كلامى  امضى الورقه ي فراس امضيها وخلى الدكتور يعمل العمليه دلوقتى
=لا مينفعش الدكتور قال ممكن البيبى يغير وضعيته
-(  ضغطت بيدها على كف فراس  بقوتها الواهية لتهمس)مش هقدر استحمل شويه كمان دا  قلبى وانا عارفاه (ثم اكلمت بألم وقد فرت دمعه منها ) ارجوك ي فراس اسمع كلامى انا تعبانه وعايزة ارتاح .....ارجوك حرر قلبى  وامضى على الورقه