فيلوفوبيا

31

البارت  الواحد والثلاثون 

اللهم أغفر للمسلمين والمسلمات والمؤمنين والمؤمنات الأحياء منهم والأموات 
   نوت : ﺍﻷ‌ﻣَﻞ : ﻧَﻈﺮﺓْ ﻃﻮﻳﻠَﺔ ﻟِﻠﺴّﻤﺎﺀ ﻭَ ﺷﻔَﺘِﻴﻦْ ﺗَﻨﻄُﻖُ ﻳَﺂ ﺭَﺏ ﻭَﻫِﻲ ﺗَﺜِﻖُ ﺃﻥَ ﺍﻟﻠﻪ ﻳَﺴﻤَﻌﻬَﺎ ﻭَ ﻟﻦْ ﻳَﺨﺬُﻟُﻬَﺂ""
__________________
وصلت نيره الى العمل لاحظت نظرات الجميع  مسلطه عليها وبعض الفتيات يتهامسن  جلست على مكتبها  وحاولت تجاهل نظراتهم ...دلف بعدا حمدى وجلس على المكتب المجاور لها  نيره : ايه مفيش هاى ازيك اى حاجه؟
حمدى بهدوء: لا طبعا ازيك
-(قالت هى تقلده ) لا طبعا ازيك ؟ ف ايه ي ابنى مالك
=مفيش ي نيره ممكن بقا تسيبينى اركز ف شغلى
-(قالت بحزن ) ركز ي اخويا ركز
=(قال وهو ينظر لها ) ف ايه؟
-مش ملاحظ ان الكل بيبصلى بطريقه غريبه ؟
=(نظر حوله) مفيش حاجه من اللى ف دماغك دى .....دى تهيؤات
-فكرك كدا ؟
=اهاا متشغليش بالك ...ركزى بس ف شغلك
-اوكى
__________________
كان مالك واقفا امام المرآه يرتدى ملابسه للذهاب الى عمله  وكانت يارا جالسه خلفه على الفراش تنظر اليه
يارا:نازل خلاص ؟
=اهاا رايح الشغل
-(قالت بحزن ) اممم طيب
=(قال وهو ينظر لها )مالك ؟
-(قالت بحزن ) مفيش
=(قال وهو يجلس بجوارها ) ف ايه  ؟ ايه اللى مزعلك ؟
-(قالت هى تنظر للجه الاخرى ) ما انت لو مهتم كنت هتعرف
=(قال بخبث ) طيب لو اثبتلك انى مهتم وعارف ايه اللى مزعلك ... هتعملى ايه ؟ 
-مش هعمل حاجه ...لانك متعرفش اصلا ايه اللى مزعلنى ....او بالاحرى يعنى مش فاكر
=(قال وهو يخرج شئ ما من جيب بنطاله ) طيب دا يثبتلك انى فاكر ولا لا ؟
-(نظرت للعلبه الحمراء القطيفه بذهول ) ايه دا انت فاكر ؟
=(قال بأبتسامه ) اهااا  عمرى ما انسى اليوم اللى ادبست فيك.....قصدى اتجوزتك فيه
-(قالت وهى تضربه بخفه ) والله ادبست ؟
=(قال بابتسامه وهو يقبل جبينها ) احلى تدبيسه ف حياتى
-(فتحت العلبه لتجد بها خاتم  شيك جدا ) الله جميل قوى ....تسلملى ي حبيبى
=(قال وهو يمسك يدها ويضع ف اصبعها الخاتم وقبل يدها بحب ) دلوقتى بس بقا جميل لانه بقا ف ايدك ....كل سنه وانتِ معايا ي روحى
-(قالت وهى تحتضنه ) وانت فى حياتى
=(قال وهو يبتعد ) لا انا كدا مش هتاخر على الشغل
-(قالت بدلع وهى تقبله بحب  ) طيب ماتتاخرش لانى هستناك
= انا بقول نلغى الشغل النهارده ونقضيها هنا
-(قالت بدلع ) انا لو عليا مش هقولك لا ...بس والدك لو قالك ماجيتش الشغل ليه هتقوله ايه ؟
=هخلى غيـْـِث يروح مكانى
-غيـْـِث مشى من ساعه  رايح ل حور هيقضوا اليوم مع بعض
=(قال وهو يتنصع الحزن ) ايه دا يعنى  هو يخرج مع مراته وانا لا ....ليه الظلم دا بس ي ربى
-معلش ي حبيبى انت الكبير  ...وكمان هما لسه كاتبين الكتاب امبارح بس (ثم اكملت وهى تتحسس وجه بيدها بحب ) واوعدك لما ترجع ليك عندى مفاجأه هتعجبك
=(قبل اناملها بحب ) تمام هنشوف
-(قالت بثقه ) اوعدك هتعجبك
=(قال وهو ينهض ) هنشوف
تركها وغادر المنزل وتوجه الى الشركه اما هى فبدات فى تنفيذ نفسهاوكل ما يدور ف عقلها
__________________
وصل  غيـْـِث الى منزل حور وفتحت له زينب الباب
=ازيك حضرتك ي امى عامله ايه ؟
-الحمد لله ي حبيبى ...تعالى ادخل
=هى حور  فين ؟
-بتجهز جوة ...تعالى ادخل هناديها حالا
(دلف الى الداخل وجلس ف الصالون ..اما هى فتوجهت  لاستدعاء حور )
زينب ل حور: جوزك بره
حور بأستغراب : جوزك  ؟ الكلمه غريبه قوى
=(قالت بابتسامه ) لا من النهارده اتعودى عليها ...خلصتى ؟
-(قالت وهى تثبت حجابها بالدبابيس ) كدا تمام ...ايه رأيك ؟
=قمر ي حبيبتى ...بس تقلى على نفسك الجو النهارده برد
-اوكى (قبلتها على خدها )سلام ي حبيبتى
(خرجت خلفها )
حور بأبتسامه ل غيـْـِث : صباح الخير
=(قال بحب ) صباح الورد والفل والياسمين
زينب من خلف : احم
حرك شعره بيده بحرج : يلا بينا ؟
زينب بابتسامه : الفطار على السفره ...كلوا الاول
غيـْـِث: تسلم ايدك  ي امى بس انا حابب اننا نفطر بره ..متزعليش عشان خاطرى
زينب : لا ي حبيبى مزعلتش ولا حاجه ...كل اللى يهمنى انكم تفطروا
غيـْـِث ل حور : طيب يلا
قبلت والدتها خرجوا من المنزل  وامام سيارته  فتح لها الباب الامامى
=اتفضلى
-هنروح فين ؟
=هنروح نفطر وبعدها نبقى نشوف
-(قالت بحزن ) بس انا قولتلك انى عايزة اليوم يكون على مزاجى انا
=طيب ما انا هعمله على مزاجك بس الاول نفطر
-(قالت وهى تنظر ل البدله السوداء التى يرتديها ) هو انت ليه لابس كدا  ؟ هو انت رايح اجتماع  ؟
=لا دا العادى ...انا متعود على كدا
-اولا هتغير اللبس دا وتلبس كجول ....مش هخرج معاك كدا انا
=عديها المره دى ي حور وبعدين هبقى اجيلك بشورت لو عايزة
-لا هنروح لاقرب محل رجالى وتجيب لبس غير دا
=حاضر ...اتفضلى بقا اركبى انا هموت من الجوع
-اوكى هنروح نفطر وبعدها هتعمل اللى انا عايزاه تمام
=حاضر ....يلا بقا
جلست على الكرسى المجاور له وكان يقود السياره بمهاره ممسكا يدها باحدى يديه وباليد الاخرى  يقود بها السيار..... بينما هى كانت تتامله بنظره جانبيه كى لا يعلم  ....كانت اشعه الشمس منعكسه على شعره ليصبح ذهبى لامع وجميل حقا .....لاول مره تلاحظ كثافه شعره وجماله وعيونه  التى كانت تلمع "مكنتش اعرف ان عيونه  باللون النادر دا  " ...ابتسم ابتسامه جانبيه فهو يعلم انها تتامله وهو سعيد بذلك
=(قال بأبتسامه  خبيثه ) خلصتى تأملك فيا  عايز اركز ف الطريق
-(احمرت وجنتيها وسحبت يدها من يده ونظرت لاسفل  ....ولكنه امسك بيدها مره اخرى )
=(قال وهو يقبل يدها بحب وقربها من قلبه  ) هههههه  اياكى تفلتى ايدك من ايدى مره تانيه اى كان السبب ايه
-(ابتسمت بخجل )
اوقف السياره بمنطقه خضراء رائعه الجمال
=(قال وهو يهبط من السياره ) يلا
-(قالت بذهول ) يلا فين  ؟
=(قال وهو يفتح شنطه العربيه  ) هتعرفى بس انزلى
اخرج منها سله النزهات اعطاها لها واخرج مفرش للجلوس عليه وحافظه الشاى
-(قالت بفرحه ) احنا هناكل هنا ؟
=(قال بابتسامه ) ايواا مش انتِ بتحبى الطبيعه
-(قالت بسعاده )بحبها قوى
=(امسك بيدها وقال بحب  ) وانا بحبك اكتر
-(قالت  بكسوف لتغيير مسار الحديث  ) طيب ايه مش هنقعد ؟
=(قال بأبتسامه )شويه كمان ف مكان جميل قوى قدام هنقعد هناك
تحركا معا الى ان وصلوا الى المكان المراد  يوجد به تبع ماء وحوله اشجار واعشاب جميله وكان المنظر جميل جدا
-(هتفت بسعاده ) الله دا جميل قوى ....عرفته منين دا ؟
=بالصدفه ...وانتِ اول حد اجيبه هنا ....عشان كدا المكان دا هييكون مكانا المميز ....(وضع المفرش على الاورض وثبته بالسلهوحافظه الشاى وجلسوا بجوار بعضهما البعض اخرج الطعام وشرعوا ف تناوله وهم يتجاذون اطراف الحديث
________________
كان على يتحدث مع ملك عبر الهاتف
على : معلش ي روحى لما رنيتى كنت ف اجتماع معرفتش ارد عليكى
-عادى ي حبيبى ولا يهمك ...عارفه ان انت ومالك اللى ماسكين الشغل النهارده لوحدكم
=اه اخوكى التانى بيتفسح واحنا طالع عنينا هنا ...ابن المحظوظه عينى ف الخروجه كلها
-هههههه حرام عليك ....خليهم يفرحوا شويه كفايه اللى شافوه الفتره اللى فاتت دى
=طبعا وانتِ هتحامى لمين ما هو اخوكى
-واختك انت كمان علفكره
=طيب ايه ...هشوفك  النهارده ؟
-ياريت
=تمام ....هاجى بليل لما اخلص الشغل واغلس على غيـْـِث
- (قالت وهى تتصنع الحزن )  يعنى جاى علشان تغلس على غيـْـِث ومش جايلى انا
=وانا اقدر دا انتِ الاصل ...بس برضو لازم اغلس عليه
-هههه تمام ...عايزة حاجه
=سلامتك ي روحى
اغلق معها الهاتف وعاد لمباشره عمله
________________
توجهت نيره الى مكتب نادر لتحدث معه ولكنه السكرتيره لم تسمح لها بالدخول
نيره بنرفزة بسيطه : يعنى ايه مشغول ؟ فى حاجه مهمه بخصوص القضيه
-سورى عندى اوامر انى مادخلش حد خالص عليه المكتب
=(قالت بغضب )اوكى  (تركتها وتوجهت الى مكتبها عادت لتجد حمدى جالس امام مكتب احدى زميلاتها ويتحدثان بصوت منخفض )