فيلوفوبيا

البارت التاسع والعشرون

اللهمّ إنّي ظلمت نفسي ظلماً كثيراً، ولا يغفر الذّنوب إلا أنت فاغفر لي مغفرة من عندك، وارحمني إنّك أنت الغفور الرّحيم.

__________________

تمكنت نيره من الوصول لحل لفك لغز القضيه واتى موعد اجتماع نادر مع المحاميين المتدربين والمحاميين الكبار وكانت هى وبنتين وحمدى وواحد كمان وبدأ كل شخص بأخبار نادر بمَ توصل أليه واتى دور نيره ..قالت ما وصلته له عجبه طريقه تفكيرها ف اختارها هى وحمدى لمساعدته ف القضيه وباقى الشباب خرجوا

نادر ل حمدى : بقولك ايه روح كلم اخو المتهم وطمنه وقوله على اخر المستجدات

وانا ونيره هنكمل الشغل هنا لحد ماترجع
حمدى وهو ينهض : تمام

بعد خروجه هم نادر قائلا : برافو عليكى ماخيبتيش ظنى فيكى

نيره : انا مبسوطه لانى كنت قد ثقت حضرتك
=(قال بأبتسامه ) هتعملى ايه ف البريك؟

-مفيش ممكن اطلب اكل او قهوة او اى حاجه

=خلاص اعملى حسابك هنخرج نتغدى بره
-(قالت بذهول ) ايه ؟

=ايه ؟ مش عايزة تخرجى معايا ؟

-مقصدش بس......

=من غير بس ....يلا روحى كملى الشغل اللى معاكى وعلى وقت البريك جهزى نفسك

-(قالت وهى تنهض ) تمام ..عن اذنك

(خرجت من المكتب وتوجهت الى حيث مكتبها ولكنها وجدت الفتيات ينظرون أليها نظرات غريبه ويتهامسن ولكنها لم تبالى ....امسكت بالاوراق التى امامها وبدات ف تفحصها )

حمدى وهو ينظرلها : نيره كنت عايز اقولك حاجه
-اتفضل

=ممكن ف البريك لانه ماينفعش نتكلم هنا

-اممم سورى انا مش فاضيه وقت البريك ...ممكن وقت تانى

=(قال بشك ) ليه وراكى ايه ؟

-(نظرت له بذهول ) نعم .....ورايا اللى ورايا مش مطلوب منى اقدملك تقرير يومى عن حياتى

=(قال بغضب ) تصدقنى انى غلطان انى خايف عليكى وبكلمك عشان مصلحتك .....براحتك اعملى اللى انتِ عايزاه

ترك المكان وغادر ليتركها جالسه مكانها وهى ف حاله ذهول واستغراب من تصرفاته

_______________

كانت يارا جالسه بجوار مالك الذى مازال ملتزم فراشه

يارا وهى تحاول مصالحته : هو انت لسه تعبان ؟
=(نظرلها ولم يجب عليها )

-(قالت بأسف ) الله بقا ما انا قولتلك كنت بهزر... وبعدين ما انت كنت بتعمل فيا اكتر من كدا ومكنتش بزعل

=..............

(دلفت ماجده الى الغرفه للاطمئنان عليه )
ماجده : كيفك اليوم حبيبى