فيلوفوبيا

البارت الخامس والثلاثون (الأخير )

اللهم إني أعوذ بك من شر سمعي ، ومن شر بصري ومن شر لساني ، ومن شر قلبي ومن شر منيي

لا تقل ضاقت ....ولكن قل غدا سيأتى من عند ربى الفرج ...(تفاءل )

____________________

وصلت للكافيه وبحثت عنها لتجدها جالسه فى احد الاركان ومعها فتاه أخرى
حور وهى تجلس امامها : خير ؟
=عاش من شافك
- ( نظرت للفتاه الجالسه معها ) مش هتعرفينا ؟
=ريناد .....اعتقد سمعت الاسم دا قبل كدا
-دى لعبتك الجديده صح ....مكفكيش اللى قولتيله اخر مره
ريناد للفتاه : خلاص ي ميار لو هى مش عايزة تسمع هى حره ...(ثم وجهت حديثها ل حور ) بصى ي انسه ي حوريه لما ميار كلمتنى وقالتلى انى اجى اتكلم مع البنت اللى غيث ناوى يرتبط بيها ونحذرها منه وعرفت هو عمل معاها ايه ......صعبتى عليا و جيت عشان اقولك اللى عندى واريح ضميرى ....انا نيتى خير صدقينى ....(ثم نظرت ل ميار ) ماليش دعوة بنيتها هى ...الكام سنه اللى قضيتهم ف السجن علمونى الادب
حور بذهول : سجن ؟ انتِ كنتى ف السجن ؟
ريناد : ايوا (قصت عليها ما حدث وسبب دخولها السجن ) انا مش هقولك انى مظلومه والكلام دا ....لا انا معترفه انى غلط ....حورية انا معرفكيش بس لما شوفتك حسيت من طريقه لبسك وكلامك وشخصيتك ان ممكن يكون غيث بيحبك فعلا ومبيضحكش عليكى زى ما ميار ما فهمتنى
حور بعدم فهم : مش فاهمه انتِ عايزة ايه ؟
ميار : عايزة اقولك ....لام تتأكدى اذا كان بيحبك ولا لا ...ولازم تفهمى ان غضب غيث وحش جدا ....اديكى شوفتى هو عمل معايا ايه....مش عايزاكى تتأذى منه
ميار بغضب : هو دا اللى اتفقنا عليه ؟
ريناد : رجعت ف كلامى ....وانتِ انضفى من جواكى بقا
ميار : وهو انا ايه اللى وصلنى لكدا مش هو السبب
حور :هو مش السبب انتِ اللى كنتى السبب انك رخصتى نفسك بنفسك وبقيتى انانيه بعد ما لاقتيه انه سابك ....نصيحه ي ميار ابعدى عن السكه دى واتقى ربنا فى نفسك ....انتِ واحده جميله واى وشيك ....بس عيبك الوحيد انك محفظتيش على الجمال دا وضيعتيه بطيشك وتهورك تحت مسمى انك اوبن مايند وباللبس اللى بتلبسيه والحاجات التانيه اللى انتِ عارفاها
ميار : انتِ مفكره ان بعد دا كله هعرف انسى واكمل حياتى عادى ؟ دا افرضى انى نسيت الناس اللى حوليا مش هتنسى هفضل فكرالى كل اللى عملته
حور : خايفه من الناس ومش خايفه من ربنا ؟ بصى عايزاكى فى مره بعد ما تخلصى لبسك والميك اب وخلاص نازله ابقى قبلها بصى ف المرايه واسألى نفسك انا لو موت دلوقتى وقابلت ربنا باللبس دا وشكلى دا هيبقى راضى عندى وهعرف افتح احط عنيا ف عنيه ...وقتها هتعرفى تغيرى من نفسك
ريناد : معاكى حق احنا محتاجين نغير من نفسنا
ميار وهى تنهض : انا ماشيه (تركتهم وغادرت المكان )
ريناد : انتِ جميله قوى ....وغيث يستاهل انه يرتبط بواحده زيك ....هو طيب جدا من جواة بس كان محتاج اللى تخرج الطيبه دى وانا متاكده انك قدرتى تعملى دا
حور بأبتسامه : ميرسى .....بس المهم عايزاكى تسمحيه على اللى هو عمله هو كان مجروح من الى عملتيه
=اكيد ألا مكنتش موجودة هنا
-وبتشتغلى دلوقتى
=لا بحاول ادور على شغل بس زى ما انتِ عارفه بعد السجن محدش هيرضى يشغلنى
-(قالت وهى تخرج هاتفها ) طيب بصى هاتى رقمك وانا هبقى اكلمك ....ولام تيجى الحفله اللى احنا عاميلنها
=اكيد .....شكرا
-على ايه ....احنا بقينا صحاب
-اكيد دا شرف ليا
جلسوا معا لفتره ثم تركتها وعادت لمنزلها
__________________________
فى المنزل عند ملك كانت جالسه مع يارا يتحدثان معا
يارا بفرحه : كلها يومين وتكونى مدام ي لوكه
-(قالت بأبتسامه ) مش قادره اصدق ....احساس غريب مزيج بين الفرحه والخوف
=دا طبيعى ي حبيبتى دى حياه جديده لازم تخافى .....بس اطمنى ...لما ترتبطى بشخص فى بينك وبينه حب .....الحياه بينكم بتكون جميله مش هقول انها هتكون بيرفكت بس على الاقل لو حصلت اى مشاكل او عقبات فى حياتكم هتعرفوا تحلوها بينكم وبين بعد وهستحملوا بعض
-واو طلعتى حكيمه وبتعرفى تنصحى اهو مكنتش اتوقعك كدا.....كنت مفكراكى تخصص تفاهه بس
=(ضربتها بخفه ) تصدقى ان انا غلطانه انى تنازلت وقولت انصحك
مالك وهو يجلس بجوارها : مابلاش ي حبيبتى ..كفايه انتِ مطلعه عينى ...مش هيبقى على " كمان "
يارا : لا متخافش ما انا مش هقولها على الجزء المجنون اللى بعمله ...هقولها على الجزء العاقل
مالك : لا اذا كان كدا معنديش مشكله....هو غيث فين صحيح
ملك : راح ل حور ...بيقول ف حاجه لازم يعملها قبل الفرح
مالك : حاجه ايه ؟
ملك : معرفش ....بس لما يجى هنعرف
يارا : صحيح اتفقتوا هتروحوا تجيبوا الفساتين امتى ؟
ملك : على بليل كدا هنروح نجيبهم ...وطبعا انتِ معانا
يارا : من غير ماتقولى ...انا فيها وش
مالك بأستنكار : طيب اعملى نفسك هتأخدى اذنى حتى لو تمثيل
يارا بأبتسامه : ما انا عارفه ان انت م هترفض طلبى
مالك : عارفه ي يارا ....انتِ طلعتى مش سهله
يارا : انت لسه واخد بالك .
مالك :للاسف اه ....(وجه كلامه ل ملك ) المهم عايزكم تختاروا فساتين حلوة وانتِ اختارى فستان محترم ....ادسكى هتشوفى حوريه هتختار ايه
ملك : متقلقش هفاجأكم
مالك: اما نشوف
____________________
كانت نيره فى مكتب والدتها تباشر عملها ومعها عميل شاب فى نهايه العقد الثانى من عمره
نيره : تحت أمرك ايه القضيه
الشاب : انا رامى عبد اللطيف لاعيب كورة (ثم اكمل بحزن ) او نقول انى كنت لاعيب كورة ف نادى ******
نيره : انا اعرف حضرتك بقالك فتره مابتظهرش هوحضرتك سبت اللعب ليه ؟
=(قال بحزن ) من اربع شهور تقريبا دخلت عشان اعمل عمليه فى رجلى ...الدكتوره اللى عملتهالى قطعتلى الرباط الصليبى ....طبعا عمليه زى دى هتخلينى ابطل ألعب كورة لفتره ماتقلش عن سبع شهور .... وطبعا حاجه زى دى ممكن تقعدنى فى بيتى المده دى كلها وياعالم ممكن اقعد للابد كمان
-اسمها ايه الدكتورة دى
= اسمها سوسن الشرنوبى
-ماواجهتهاش ليه بالكلام دا ؟
=طبعا واجهتها وانكرت وكانت هتطلبى الامن يطردونى بره
-معاك ورق يثبت الكلام اللى بتقوله دا
=(قال وهو يعطيها الورق )ايوا دى الاشعه اللى عملتها قبل وبعد العمليه
=تمام ....اوعدك انها هتدفع تمن تهورها دا
-اتمنى
_____________________
وصلت لمنزلها وجدت غيث جالس مع والدتها ف المنزل
حور : السلام عليكم
غيث والام : وعليكم السلام
حور وهى تجلس : ايه المفاجأه الحلوة دى ؟
غيث : كنت حابب اتكلم معاكى ف موضوع كدا
حور بقلق : خير ؟
زينب وهى تنهض : طيب اسيبكم انا وهدخل اعملكم حاجه تشربوها