اوف مال هذ بابا مبزز علیا واش معارفش بلی مبغاش نمشی مبغا نشوفو لحت علیا كسوه فالگرونه وجمعت شعری بلا حتی میشوف المشطه ومشیت معاه طریق كامل وانا كنفكر كیفاش غنحبس فدموعی ملی نشوفو كیفاش غنتصرف معاه وكیفاش غنتحكم فراسی ملی یهز فیا عینیه كيفاش غنسلم عليه واش باليد ولا البيز ولا هي نسلم عليه..ياربي هي نشوفو هنتفضح اووف.. یاربی تعطینی القوه رانی مقدرااش علی هذشی كاامل یاربی كون بجنبی رانی ضعیفه مكنتش باغا نشوفو فهذ الاوضاع كنت تنحلم نستقبلو بابتسامه.4 سنین وانا كنتخیل كیفاش غنتصرف اول مانشوفو كیفاش غنسلم علیه وشنو نقولیه ضاع كلشی ومشا ..كنت تنزوق ونقاد راسی دیك سیمانه كامله والیوم شوف حالتی كیفاش هنتققبلو تا ممشطاش شعری وصلنا حدی الفییلا مقدیتش نهبط من الاوطو بكثرة الخوف ودموع سایلین كی الودیان هبطت بزز وانا كنجر رجلیا دخل بابا سبقني وانا واقفه حدی الباب كناكل فضفاری شنو ندیر یاربی رانی مقدراش نشوفو الی شفتو هنطیح الارض تشجعت ودخلت لقیت عمتی گالسه هی وایه وعلی ناضو سلمو علیا عمتی: مرحبا دازت سیمانه مجیتی تشوفی ولد عمك فرطي هذ المره
انا: هی كنت مشغوله مع لیسطا وكنت مریضه شویه
بابا: امیر وخویا مكینینش
عمتی: لا یلاه مشاو لمصنع ملی سمعتها عاد رجع فيا الروح اووف الحمدلله یاربی نجیتینی
بابا: انا غادی لخدمه ...زینب ملی تشوفی ولد عمك تجی دغیا متعطلیش
انا: واخا ابابا ..
مشا بابا علی للمصنع ومشات عمتی لكوزینه بقینا انا و ایه
ایه: زینب مالكی اختی شفت وجهك صفر😑
انا: لا لا ممالی والو😕
ایه: المهم نخلیك انا خصنی نمشی للفاك
انا: الله یعاونك گلست شویه مع عمتی لی فرگعات لی راسی بالعروسه كیف بغاها ولدها كلشی ضد مواصفاتی انا وانا كامداها فقلبی وتنبتسم بزز وتنقول مزیان سلمت علیها بحجه عندی لیسطا فالعشیه وشی مره ندوز نشوف امیر ملی مشتوش الیوم تمیت خارجه من الفیلا بزربه قبل مانفاجر بالبكا قدامها هی خرجت طلقتها طلقت دیك التنهیدة لی كنت حبساها یلاه غنخرج صافی وانا نشوف طوموبیل من نوع w جایه جیهت لفیلا رمقت امیر صایگها وتخبیت مورا الباب وكان قلبی تیدق بجهد تا خفت لیسمعو من بعید وقف وهبط من الاوطو هی شفتو كنت هنطلق واحد الغوته می حبستها بزز تبدل بزاف ( شعر كحل وعینین كحلین نیف صغیر وفم غوز كان طویل وعریض) ما شاء الله معقول هذا یشوف فیا انا ببففف دخل سید وانا خرجت شدیت طاكسی تنبكي
