انا: ایة عفاك صافی لی فیا یكفینی
ایة: واخا ارای نمرت داك خینا ثی مصاحبه معاه
انا( بصدمه) اینا خینا 😲
ایة: اووف بركا ازینب انا بیت هی نعاونك ونتی گالسه ..اووف😡
انا: والله اختی ممصاحبه مع حد كنحلف لیك بربي والله
ایة: ویلی لیلی قالت لیا بلی راك مصاحبه مع واحد وتتخرجی معاه وناوی معاك المعقول اوا دابا ارای نمرتو باش یجی یخطبك لیزوجوك من داك الشارف
انا( بصدمه حلفات الكلمات لطلع لیا) ك كنحلف لیك مكاین والو من هد الهضرة اهئ اهئ
ایة: وعلاش زعما لیلی غتكذب علیا وقالتها لی تا ماما
انا: ش شنو قالت لك
ایة: بلی راك مع واحد وغتزوجو
انا: ایمتا قالتها لك 😭😭
ایة: ملی جا خویا وبغا یتزوج هو كان باغیك ولكن ملی قال لیه ماما هكا صافی وقرر یتزوج لیلی اولا بالحق ماما زوجاتو لیلی حیت قالت لیا مزروبین علی زواج وعمی مبغاش یزوجك ویخلی لیلی لی كبر منك داكشی لاش تزوج بلیلی اما هو كان باغیك نتی
انا( دارت بیا دنیا عتازلت عن هذ الوجود تماما اونا كنسمع هضرتها كیفاش وشنو كنسمع هو كان باغینی انا می عمرو لیه راسو وخدا لیلی انا هزیت صاكی وخرجت خلیت ایه مصدومه فیا ومفاهمه والو شدیت طاكسی وانا كنبكی هما فرقونا هو كان باغیینی انا لعبو علیمنا كرهونی لیه هءهء واش هما بشر ولا شیاطین الله ینتاقم منهم انا غنمشی دابا نفرگع هذ الرمانه مبقا حد هامنی وصلت لفیلا حلات لیا الخدامه سولتها علی ماما وقالت راها فجرده مشیت لعنده
ا انا: ماما
ماما: بنتی جابك الله یالاه بیت ندوی معاك
انا: تا انا بیت ندوی معاك..بدای نتی شنو كاین
ماما : ختك لیلی حااااااااامله ههه
اااااااااااااا مبقیت عاقله علی دنیا ولا بقیت تنشوف دیك ماما كحالت دنیا فعینیا تا دخت حسیت بصعوبه نتنفس وجاتنی رعده وسخفه قلبی نغسنی بوحد الطریقه كرهتو یبقی عایش كنت غنطیح لوكان ماما لی شداتنی گلساتنی ورشات علیا لما ماما: بنتی نتی لباس انا سكت متنرمش ومتندویش نزل علیا هذ الخبر بحال الصاعقه
انا: خ خصنی نمشی
خليتها خاله فمها تتعيط ليا خرجت تنجری وتنبكی الله یاربی اش هذ العذااب واش عمری نتهنا كلما نقول لباس تزید تكفاس هءهء عیییت اربی عیییت حامله لالا اش هذ المزاح لی تیسكت القلب لیفاش حامله هی حامله بولدو اه ولد امیر هه لالا كضحك معایا یاك اهئ اهئ (لطالما كنت احلم وتمنیت ان اری احلامی ان تتحقق لكن لم اطلب حینها ان اكون انا من یحققها ...والان اری حلمی یحققه غیری یعیشه غیري
مع الخرجه تلاقیت لیلی وعمتی
عمتی: عاش من شافك
انا: اهلا عمتی
عمتی: دخلی دخلی الیوم عدنا مفاجئة وبغیناك تحضری لیها انا: لا خصنی نمشی
عمتی: علاش راسك قاصح اه یلاه
مشاو ... وتبعتهم وانا بزز باش واقف علی رجلیا گلست مع ماما لي خلاتنی و گلسات تتنصح فلیلی ونساتنی انا لی تنموت من القهر حسیت براسی بوحدی ضایعه كنموت كل دقیقه طلعت لبیت لی عطونی سدیت علیا تا جاو و وجدو العشا وعیطولی مكنتش باغا نهبط می هیعیقو بیا شجعت راسی وهبطت وانا كنقرا فالقران بقینا تنتعشاو وهی تهضر عمتی وتبلغهم بالخبر السعید بقدوم حفید للعاءله وترسمات علامات الصدمه ممزوجة بالفرح بقا كلشی تیضحك وتیبوسوها ومبروك مات مبروك شحال تمنیت نكون لحضه كان كلشی تیعنقوها ویضحكو لیها اما انا كنت گالسه فبلاصتی وساكته منطقتش بتا حرف و عمتی تتحشی لیا الهضره وتمحني ستاذنت منهم وقلت لهم خصنی نمشی بابا وعمی عاندو ومخلاونیش فتجبرت نباث عندهم طلعت لبیت نفاجرت بالبكا تا شبعت اصلا معندی مندیر شاطره هی فدموع مجانیش نعاس لیل كامل وانا فایقه تنقلب فالفراش وتتسمع لی دیك الجمله دیال لیلی حاامله مزال مبغات تخرج لی من ودنیا مع صباح بكري قادیت حالتی وهبطت نمشی لقیت ماما فایقه
ماما: بنتی فقتی بكري
انا: علا نعست بعدا باش نفیق
ماما: بنتی صفی قلبك خیهت ختك وسمحی لیها عفااك ابنتی انا: خلیتك علی خیر اماما ...
خرجت و شدیت طاكسی مشیت لدار هناء هی الوحیده لی بقات لیا فهذ الدنیا اما عاءلتی كاملین خلاونی عاودت لیها لی طرا وجرا ولی مالقیت لیه حل معرفاش شنو غندیر قلبی ماشی هی محروق حاسه براسی مشكل اخر بسیط یقدر یجیب لی نهایتی صافی وصلت لحد لاعلی فالالم و القهر و الیاس كلما تنقول تصاوبات وهی تزید تعواج كنت فرحانه بخبر انه كیبغینی ولكن مادمتش بزااف الفرحه دیالی انا هی كنتامل علی والو دابا غیولی اب وغتقوی علاقتو بلیلی وانا هنا كنحلم ثانی بفف شحالك یا قلبی مكلخ ما اذیتی غیر راسك نتا لی تهرستی وتكویتی وتجرحتی هذا خلاصك علی الحب الطاهر یا قلبی اعانك الله علی وجعك یا قلبي فقت فصباح تنحس براسي عیانه فطرت وقلت نخرج نشم لیا شویه د الهوا تخنقت فدار خرجت تندور وصلت لوحد جرده گلست فیها تنشوف فهذ الملاءكة الصغار شحال فرحانین وهمهم الوحید هو یلعبو العشیه كامله ویاكلو شكولاطو او گلاص همهم
