فقت فصباح فطرت وبدیت تنجمع حوایجي ولیلی تتجمع معایا كملت وهبطو معایا تسالمنا بالبكا ومشیت فطاكسی وانا میته من الداخل دیالي ومقهوره وصلت لمحطه هبطت وقطعت فالكار گلست وانا كنمسح وجهی من دموع وگلس حدایا واحد الراجل مشفت فیه ولا طلعت فیه عینیا صوانا تیلیفونی كانت لیلی مسكینه تطمان علیا قطعات وانا نمشی لكونطاكطت قلبت علی نمرتو ومحسیت براسی تا صونیت علیه وجاوب بقا تیقول الو الو الو الو شكون معایا ومكنجوبوش هی ساكته تنسمع صوتو تا قطع وتنهدت وتنبكی عطانی داك الراجل كلنیكس
انا: شكرا
الرجل: نتی لباس اختی
انا: اه اه لباس
الراجل: تشربی
انا: هزیت راسی( كان رجل غتكون عندو دیك 60 عام ) لا شكرا اسیدی
ضورت وجهی تنشوف جیهت شرجم تا قربنا نوصلو وهو یهضر: نتی غدا المراكش
انا: اه
الراجل: من رباط یاك
انا: اه من رباط
الراجل: متشرفین اختی انا عمر
انا : متشرفین زینب
عمر: تشرفت بیك
بقینا ساكتین تا وصلنا
عمر: طهلای فراسك ومتبقایش تبكی كتحرقی عویناتك میستهلوش
انا: شكرا بسلامه
مشیت شدیت طاكست لدار خالتي دخلت وستقبلاتنی بالفرحه مسكینه ضریفه بزااف عودت لیها بلی لی تنبغیه غیتزوج بكات معایه و واساتني گلست عندها شی 4 ایام حسیت فیهم بالامان معاها كانت تتحاول تواسینی وتنسینی وتتشجعنی باش نسا خرجاتنی وتسارینا شویه حسیت بلی ولیت لباس شویه می توحشت ماما ولیلی اول مره تنبعد علیهم فقت هذ صباح تنحس براسي لباس دابا مزیان تاصلت بلیلی طمانات علیا ودوزات لیا ماما حسیت بصوتها فشكل وتتقولی توحشتك مكرهت نمشی نشوفها حبیبة عمری هاذیك تا انا توحشتها بزااف نضت جمعت حوایجي ففالیزتي وهبطت
انا: خالتی خالتی
خالتی: نعم اببتی اجی هانا هنا
انا: یلاه دویت معا ماما وبانت لیا مقلقه وقلت نمشي صافی توحشتهم
خالتی( بصدمه) ت تمشی ولكن را لمن تخلینی ولفتك
انا: شنو بان لیك تمشی منها تبدلی جو وتشوفی ماما غتكون توحشاتك
خالتی: لا ابنیتی انا منقدرش راك عارفه انا مریضه
انا: واخا اخالتی غنتوحشك بزااف .
. عنقتها وسلمت علیها وخرجت شدیت طاكسی وصلت لمحطه شدیت الكار وطریق كامل وانا كنهدن فراسی خصنی نساه ونكون قویه دنیا غتستمر بزز علیا بلا منضیع راسی ونتعذب ونعذب معایا ماما وختی لی كیبغیوني وصلت لرباط هبطت فالقامره شدیت طاكسي ل5 وصلت وقف فراس زنقه مع لانتیردي هبطت ناخد فالیزتی وانا نسمع زغاریت قلت مع راسی اوااه شكون عندو
