رجعت لدار حلات لیا ماما وكان وجها صفر
انا: مالكی اماما ؟
ماما: ز ل ب بنتی انا انا
انا: مالكی هضری (بقات تتشوف فیا وشاده الباب بحال لمبغتنیش ندخل )
انا: واخا حیدی لی هی بعدا من الباب باش ندخل را عییت ...دخلت وحیدت صبابطی
انا: ماما فینا هیا صندالتی كنت حطیتها هنا ؟
ماما مجوبتنیش دخلت لصالون واذا بی اتفاجئ بلیلی كانت جالسة والثوثر یفوح منها كما تفوح الكحول من السكیر
لیلی: ز ز زینب
انا تصدمت اول مره نشوفها من بعد زواجها تبدلات معرفتش جاتنی غریبه تمنیت نعنقها نبوسها ونقول لیها ختی حبیبتی اجی عاودی لیا علی زواجك واش مرتاحه ؟واش راجلك مهلی فیك؟ كی كانت لیلتك الاولی؟ كیف عایشه؟ وكی جاك زوااج ؟شنو جبتی لی معاك؟ یاك مغتدی حوایجك لقدام؟ لالا هذ الاسءله هنسولهم ختی لی مغدراتنیش ختی لی مكذباتش علیا ختی لی منفقاتنیش ختی لی مخداتش الراجل لی كنبغی وهی عارفه بلی كنموت علیه بقیت شحال انا تنشوف فیها وهی تتشوف فیا تا نطقت بخرجي من هنا 😬
ماما:.ز زینب تهدنی ابنتی اجی معایه
انا: لاااااااا مجیاش معاك قولی لیها تمشی من هنا اماما عفاااك خلیها تمشی
ماما: بنتی را ختك جات تطلب سماح منك هی سمعی لیها لیلی: كیفاش اماما مسمعتكش اینا سماح غنطلب وعلاش مالی قتلت لیها حد (شافت فیا وقالت) بلا میكذبو علیك اختی انا مجیتش نطلب منك لا سماح لا والو حیت مغلطش معاك بالعكس كنت لیك اخت مزیانه ونهار خفت تجرحی بعدناك من هنا بدل متشكرینی ولیتی تجری علیا
ماما: لیلی اش كتقولی ابنتی نعلی شیطان
انا: هی خلیها اماما تهضر ..كملی اختی
لیلی: شوفی انا مخدیت لك حد هو بغانی انا و جا طلبنی عجبنی وانا وافقت مالكي حسداني
انا: براكا الیلی عفاك سیری من هنا هء هء خرجی هنا
دخل بابا
بابا: وعلاش غتخرج كیما هذی دارك تاهی دارها ولي معجبو الحال باب واسع..اجي ابنتي ليلى اجي
