تبدلو ملامحي دغیا😭😭)
انا: دابا كبرت وولیت قدا براسی ممحتاجه حد ..تصبح علی خیر
نضت وخلیتو حال فمو مفاهم دخلت لبیتی تنبكی تسخسخت بالبكا بدل متفرحنی هضرتو بكاتنی انا اكید ولیت معقدة ولا مرضت نفسيا صافي لي داز عليا فوق طاقتي وعلم اش باقي تيتسنانيي. حسیت براسی عیانه ونعست فقت الصباح قلت الیوم نهبط نفطر معاهم لبست حوایجی وهبطت لقیتهم مجموعین علی الطبله
انا: صباح الخیر
عمی: عاش من شاف ابنتی كی بقیتی دابا لباس خصك تمشی لطبیب تشوفی شنو عندك
انا: مكاین لاش اعمی انا لباس
ماما: بنتی شبعتی نعاس
انا: لباس الحمدلله
عمی: الیوم ك عدنا حفله فشركه ضروری تجی ابنتی
انا: مغنقدرش اعمی انا باقی مریضه
ماما: سیری ابنتی وبدلی الجو😕
انا: غنشوف...
بقینا تنفطرو وبابا وعمی تیدویو فامور الشركه والمصنع اما لیلی هی شاده فید راجلها مره مره تغمزو وتعطیه یاكل بیدیها وهو مره یشوف فیا مره یخنزر سالینا الفطور وخرجو وتا انا قلت نخرج نشوف هناء توحشتها سلمت علی ماما ومشیت شدیت طاكسي وصلت لدار هناء گلسنا تندویو وتنعاود لیها شنو عشت وشنو وقع لیا مزااال بقیت تغدیت معاهم وقلت لیها بلی الیوم كاینه حفله فشركه می مغداش وهی حلفات علیا لنمشي وشحال عیراتني بلی تدلیت ومت وتقهرت وبلی ضعافیت فكراتني فزینب القدیمه الضاحكه شحال شجعات فیا و وصاتنی ورجعات فیا شویه د الامل فالحیاة خرجنا نجیبو شی حاجه نلبسها خدینا كسوه فالابیض طویله ومستوره مشبكه من جیهت الضهر مع اكسسوارات دیالها دزنا علی الكوافیر صوبات لی شعري ودرت شویه د المكیاج رجعنا لدار عند هناء ویلاه بغیت نلبس حوایجي وهو یصوني تیلفونی اه هذ امیر انا : الو امیر: واش مجیاش الحفله
انا: اب
انا امیر: الحفله بدات اجی ولا عمی غیتقلق علیك😑
انا: و وخا
قطع ولبست حوایجی وصاوبت مكیاج وخرجت شدیت طاكسي وصلت الحفله ترددت ندخل فالاول ولكن سبقاتني رجلي ودخلت معرفت فین نمشي حشمت هذی اول مره نحضر حفله من بعد حفله التعاون المدرسي فالابتداءي ههه رمقت عمی من بعید مشیت لعندو
انا: مسا الخیر عمی
عمی: تبارك الله علی بنت خویا جيتي زوينه
انا: شكرا اعمي ..
جا داك الراجل ثانی عمر
عمی: سی عمر كلشی هو هذاك
عمر: كلشی مزیان.
.(شاف فیا وقال) مرحبا انسه زينب
انا : اهلا..
. مشا عمي عند شی رجال وخلانی معا داك عمر جیت نهرب وهو
یقول: ممكن دقیقه
انا: نعم تفضل
عمر: كنضن معقلتیش علیا
انا: لا واش كتعرفنی
عمر: انا لی تلقیت معاك فالكار وقتها كنت غاده لمراكش
انا: اااااه وی بصاح كان وجهك بحال الی شتك فشی بلاصه ..متشرفین
عمر: الشرف لیا ا انسه..متخیلتش تكون الصدفه زوینه لهذ الدرجه
انا: اه سبحان الله
عمر: مبقتیش جیتی لخدمه ..یاك ملقتیها صعیبه😕
انا: لا هی مبقا عندی الوقت
عمر: اه صعیب توافقی بین لیسطا والخدمه
انا شفت فیه نضرت استفسار زعما منین عرف
عمر: ااه عمك قالها ليا
المهم گلس تیدوی معایا لقیت عمی فایت معاود لیه علیا ..وانا عتبرتو بحال عمی حیت كبیر وشرف می كیضحكنی ملی تعیط علیا انسه علاش میعیط علیا ببنتي العجب ستاذنت منو حیت طرطق لی راسی بالهضره خلیتو وعینی تتقلب علی امیر مبانلیش ملقیر فین نهرب من داك الشارف خرجت علی برا حیت حسیت باختناق ودارنی راسی ممولفاش هذ الاجواء تنفست لی شویه علی برا ورجعت دخلت مع دخله طاحت عینیا فیهم بجوج امیر ولیلی كان تیقدمها لصحابو ولیلی شاده لیه فیدیه وفرحانه تهزیت من لداخل بانو لي منهم جوج من الدوخة قلبي مصبرش وحسيت بغصة تقوس فمي لتحت باش نطلق للعنان لدموعي وشهقت وسديت فمي بيدي حابسه ديك الغوته لي يقدر تخرج وتخلع كاع لي كاينين فهذ الحفلة.. دورت لجيهة لاخرى قاصده لحمام ..مع دخله نفاجرت بالبكا الله یاربی عاوني عییت یاربی عییت ماشی حیت حسدتهم ولكن حلمت بدیك الحضه بزااف ودابا تنشوف غیری تیعیشها اهئ اهئ يلريثني محيتش ياريث هي كنتجرح الله ياربي حيدو لي من قلبي ياربي غلط وبغيتو وماهو من نصيبي ياربي نسيني فيه اهئ اهئ صافی ازینب صافی تهدنی بركا من البكا خصني نكون قوية اه اه انا قويه اهئ لهئ
مسحت دموعي وصایبت مكیاجي وخرجت لقیت ایة مع صحباتها عیطات علیا وتعارفت علیهم والحفله كامله عینی علیهم
