انا( غرغرو عینیا و قلت بصوت تیرتجف)
و والو انا هنعاودهم
خدیت الملف ویلاه بیت نمشی ویتشد لی يدي ضرت لقیت امیر هو لی شادو حسیت بنفس مبغاش یطلع لیا وتزنگت حماریت حسیت بسخونیه طالعه معایا
امیر: البارح قلتی حطمتونی ودمتونی عمری نسامحكم ..شكون هذو ازینب لی حطموك ولی خلاو عینك دیما عامرین دموع شكون هذو لی لبسوك الكحل ونت بقا فاول طریق
انا( حسیت بهضرتو تتضرب فاعماق قلبی هبطو دموعی لی عییت مانحبسهم مقدرتش بیت نغوت بیت نبكی ونعاود لیه شنو درتو فیا وبلی راك واحد من هذوك لی دمرونی تیهضر بحال الی ما عامل والو یاریثنی نقدر نفكرو ) قاطع تفكيري
وقال: عاودي لی ازینو
انا: ب م مكاین والو نخلیك دابا ...
نثرت منو یدی وخرجت وصلت لحدی بیرو عمی گلست تنبكي وتنخبی وجهی بدوك لی ضوسی گلست تنحاول نركز ونحبس تفكیری لی تیشتت ذهنی خدمت شویه تا كملتهم عطیتهم لسكرتیره تعطیهم لیه وخرجت شدیت طاكسی نمشی لدار ولیت كنتخنق فای بلاصه وصلت لدار مع دخله تلاقیت بابا مع واحد الراجل
بابا: كیما تتشوف الدار واسعه وزیاده غنخلی لیك الفراش و كلشی
( انا مفهمتش كیفاش غیخلی لیه الفراش وعلاش شنو كیقصد بابا خرج داك الراجل من بعد ماسلم علیه بابا رجع
بابا: جمعی حوایجك نمشیو لفیلا
انا: لا انا هنبقا فدارنا مغنمشیش
بابا: الدار جا واحد صاحبی لرباط وغنكریها لیه شی شهر
انا: ك كیفاش
بابا: اییه اصلا الدار خاویه انا وماماك غنعیشو تماك
انا: و وانا
بابا:جمعی حوایجك ویلاه لفیلا
انا: لا مغداش😢😯
بابا: اوا بقای علی برا ...قلت لك یلاااااااااه جمعی شراوطك دابا
انا: حرااام علیكم علاش كدیرو فیا هكا هءهءهء الله ینتاقم منكم
محسیت هی بوجهی تزعزع من بلاصتو غمضت عینی باش نستوعب واش انا فحلم ولا انا فواقع
بابا: سمعینی مزیان انا رخیت لك الصمطه بلا قیاس ودابا ولیتی تتوكلی علیا الله ..دابا سیری جمعی شراوطك وعندك جوج خیارات اما تسدی داك الفم عندك وتنسای علینا هذ دراما ولا منعقلش علیك
طلع وخلانی باقی مصمكه فبلاصتي حلفو دموعی لیطیحو یمكن من كثر ما عانیت مبقاو بغاو یهبطو یمكن تا هوما غدرونی وعیاو یعبرو علی الالم لی كنحس بیه بقیت فبلاصتی متحركتش تا هبط ولقاني تعصب وشدنی من شعري وخرجنی من الدار بزز وانا كنزاوگو یطلق منى ترجیتو و زاوگتو میدنیش لدیك الدار تماك غیزید عدابي ویعذبونی كثر مسمعنیش وقصح قلبو و دانی
وصلنا لفیلا هبط وهبطمنی بزز من الاوطو ودخلنی وهو جارنی لقیناهم یلاه غیتعشاو تصدمو ملی شافو بابا شادنی بزز وانا حالتی حاله شعری مخربق و وجهی عامر بدموع ناضت
ماما مفزوعه
ماما: ب بنتی اش هذ الحاله 😲رشید شنو درتي لیها😢
بابا: مكانتش باغا تجی معایا وجبتها بزز
عمی: مكانش علیك تبزز علیها ا رشید
عمتی: اویلی علی مبغاتش تجی درتی زینت العقل ارشید ملی جبتیها حسن متبقا بوحدها فدار
ماما: اجی ابنتی اجی.
. داتنی ماما لبیت ومسحات لی وجهی كانت عارفه بلی غیكون ضربني
انا: مم هه علاش اما هءهء ع علاش د دار لی هكا هءهء ع علاش
ماما: هءهء صافی ابنتی صافی
انا: ماما علاش جبتونی لهنا اهئ لهئ قتلتونی ممسامحاكم هاهئ اهئ اهئ علاااااش اربی علاااش 😭😭
ماما: صافی ابنتی صافی كلشی هیفوت صافی ششش😢😢
بقیت تنبكي وماما تتهدن فیا تا دانی نعااس فقت صباح نضت من فراشي طلیت فشرجم لقییت ماما وعمتی گالسین فجرده شافتنی ماما وناضت
دوشت وبدلت حوایجی ورجعت لفراشی وهی ماما تجي
ماما: صباح الخیر ابنتی😍
انا الصمت😳
ماما: هانی جبت لك الفطور نوضی تفطری 😛
انا : و واخه😑
گلست تنفطر حیت مبقیتش تناكل هذ الایام
ماما: بنتي دیری عقلك وسامحی ختك را ملی تنشوفكم هكا تنتقطع ..معندكم هی بعضیاتكم والزمن طویل بنتی فكری فكلامی ون..
انا: ماما سدی علی الموضوع عفاك 😣
ماما: واخا ابنیتي😢
خرجات ماما وحطیت دیك الصینیة فتیساع وتكیت فبلاصتي تنتفكر الشوهه لی دار لی بابا البارح قدامهم انا دیما لي كنتدل قدامهم مبقات عندي قیمة فعین حد قتلونی قتلونی هءهء شویه تدق الباب ودخلات لیلی
لیلی: بغیت ندوی معاك
انا: شنو بیتی خرجی بغیت نعس 😟
لیلی: الله الله شفتك كتجری علیا من داری 😬..سمعی مزیان ومحدك نتی فهذ الدار كلمتی لی كتمشی فیها ونتی فداری وبین عاءلتی راجلی حبیبي وعگوزتي عرفتی
انا عمری ماتصورت راسی غنكون سعیده لهذ الدرجه ویكون عندی راجل كنبغیه ویبغینی بزاف وعاءلتو طهلا فیا انا بصراحه طایره بالفرحه 😗عرفتی ملی مشيت فشهر العسل مت... مشیت دخلت لدوش وخلیتها مزال مكملات هضرتها سدیت الباب علیا وطلقت رشاشه باش میتسمعنيش تنبكي😢ى😣 یاربي عاوني یاربي نسینيفيه یاربي قوینی ماحد انا فهذ الدار دیما غنتعذب عمری غنقدر نسا ياربي متخلنيش مبقا لي حد من غيرك ياربي نسيني فيه وطفي النار لي فقلبي ياربي اهئ لهئ ياربي اهئ اهئ ياربي
سمعت البال تحل وخرجت من الدوش لقیتها خرجات
لي بغا الجزء 19 يكومونتي أو سمحوليا تعطلت عليكم ولاكن كانو عندي شي درووف
