مشیت عند بابا لبیرو دیالو
انا: السلام هانی جیت 😒
بابا: اممم مزیان گلسی غندویو
انا: واخا قول
بابا: مزال مغتجوبی السید را كتسناك هذی جوج سیمانات
انا: بابا انا قلت لك القرار دیالی ومغنبدلوش
بابا: شوفی انا ماشی امیر باش تلعبی علیا وتقنعینی نوقف فوجهم ..عارفه بلی راك طلبتی امیر یعاونك باش منبزو علیك انا: بابا انا مغنتزوجشي به علاش مكتفهمش 😢
بابا: واخااا علی خاطرك ولكن نهار تحصلی راهو امیرc سیری لعندو یعاونك هو مدیها فمراتو ولدو ونتی بقای هنا كتحسري علی حیاتك
خرج وخلانی معصب.. تمیت خارجه وتشدنی دوخه ثانی اوف قلبی ویدی كیضرونی كنموت من الوجع ونسیت مخدیت الدوا هذ صباح گلست شویه تا رتاحیت ونقص داك الوجع ومشیت بزربه لدار خدیت دوا واخا تعطلت صونا تیلیفونی لقیت عمتی كتاصل اووف سبحانا علی الله اش بغات هذی ثاني انا: الو
عمتی: واش نتی المسخوطه الی مسول دیك بنادم متسولی فیه ؟؟
انا: واخا انا هی
عمتی( قاطعاتنی) الیوم تعالی العشا غتجمع لفامی كامله
انا: لا مجیاش عیانه شویه
عمتی: شوفی الی مجتیش غیجی باباك یجیبك بزز وها نا قلتها لك.. وقطعات
هناء: اش بغات
انا:قالت لك عشاء عاءلي وبغاتی نجی ببفف قالت لك عاءلة علی هما كیحسبونی بنتهم ..
. داز نهار هی فدار دارت 8 لبست حوایجی وهذ المره حلفات علیا هناء منلبسش الكحل عطاتنی كسوه فالصومو مع فیست فالمونطارد وصاك وصنادل شدیت طاكسی وصلت لدار دقیت وحلات لیا لیلی هی شافتنی لابسه مزیان وهی تخنزر فیا لقیتهم كاملین گالسین فالصالون ولي زاد صدمني هو كاین تا داك الشارف عمر سلمت علیهم وریحت كان امیر یلاه هبط
امیر: اهلا زینب
انا:السلام
گلس تیشوف فیا وكیطمان فیا..اما ماما بقات تتشوف فیا مره مره بحال الی كتحسر علیا وانا حادره راسی كنحس براسی غریبه وسطهم بحال اول مره كنشوف هذ الناس ومحملاهمش كنحس بضیاع حطو العشا وبدینا نتعشاو وانا خصنی ناكل دوا فوسط الماكله ملقیت كیف ندیر درت بحالا وحلات لیا وستاذنت نشرب واخا خلیت الما فوق الطبله مشیت لكوزینه شربت الكینه وانا تنشرب لقیتو قدامی
امیر: دیلاش دیك الكینه لی فیدیك
انا: د ل ل ه هذی هذی دیال راس ضارنی راسی شویه وخدیتها مشیت وخلیتو الحمدلله فلت گلست تناكل وهو یهضر عمي
عمی: امیر قادیتو لبیت دیال الولد
امیر: اه ابابا كلشی واجد غتشوف لیلی شنو عجبها باقی وتضیفو😊
لیلی: عجبنی بزااف مناقصو والو..من بعد وطلعی تشوفیه ازینب حطیت فیه تا دوك الالعاب دیالنا ملی كنا صغار وتا داك الپیانو صغیر دیالك لی هداه لك امیر ملی كنا صغار ودابا غیلعب به ولدو 😂
انا تعصبت كنت باغا نوض نصرفقها ولكن تمالكت اعصابی بابا:ااه داك الپیانو كانت زینب تتبكی علیه الی خسر لیها ولا غیر الا سالاو لیه الحجرات تولی تبكی ههه
الكل : هههههه
لیلی: عقلتی ابابا كان عزیز علیا واحد نونوس واحد المرة زینب لاحتو لیا افالما وبابا خاصمها
عمتی: ههه وعقلتي ملي ملی جاو صحباتها وهرسو لیا دوك الكیسان اووه شحال تعصبت داك نهار
انا( هاذو گالسین تیلوحو لیا الهضره ومعاونین علیا) ماشی
انا لی هرستهم اعمتي
عمتی: انا لقیتك تتجمعی الزاج
انا: قالتلی ختك نجمعهم ملی تهرسو لیها وهی مشات تجیب جفاف
عمتی: علی نت ایمتا عترفتی بغلط دیالك دیما كتلومی الناس 😡
انا: عمری غلطت بحق شي حد ومكنلوم تاحد😯
عمتی: اه باینه هی
د قاطعنا امی
ر امیر: بدیتو تاني نتوما بجوج ههه زینب واش مزال مكتفاهمیش مع ماما ..معرفت علاش مكتافهموش وهی مفاهمه مع كلشي
انا:( عرفت بلی حشا لی الهضره) دابا المشكل فیا انا
امیر: امم لالا حشا ماشي هكا
بابا : المهم ندخلو فصلب الموضوع ..زینب را سی عمر قدامك وحنا كنتسناو قراراك بموضوع زواج انا وحلات لیا دیك دغمه وبقیت تنكح اش هذ الموقف یاربي منتمناهش لعدوي. دابا خصني نرفض ولا نقبل قدامهم والمشكل الشخص لی غنرفضو ولا غنقبل بیه قدامي اش هذ الموقف یاربي
امیر: عمی كنضن دوینا فهذ الموضوع وسدیناه
عمی: القرار دیال زینب بوحدها اولدي
انا: معرفت اش نقول بقا كلشی تیشوف فیا وتیتسنا جوابي وانا صقلت بلاصتی شوفو انا فین وهما فین انا مریضه وكنموت وهما باغین یزوجونی والله تلفت مت اش هذ لحظه یمتا هتسالي یاربي بقا الصمت مخیم علی الطبله وتنشوف فیهم رمقت لیلی شاده ید امیر وهو تیبتسم لیها هو عایش حیاتو ازینب وغیتزاد عندو ولد وغیكون نسانی ولا غتكون ایة هی قالت داكشی باش تخفف علیا والاكثر ماما خیراتنی بین الصمت ولا السخط عمری غنتجمع بیه فحیاتی بلا منحلم
انا:(فلحضه دست علی احاسیسی وجمدت قلبی ونطقت ب) م موافقه
شفت كلشی تیضحك ومبروك مات مبروك اما امیر دیك الابتسامه جمعها وخنزر فیا ونضرات غضب حدرت راسي واستسلمت ستاذنت منهم باش نمشی می داك الویل دیال عمر قالك هیوصلنی واصر علیا
حتال غدا نشاء الله أو نكمل ليكم لي كيساين الكمالة يكومونطي باش نعرف شحال من واحد باش منبقاش غا نتعدب فالكتابة
