دخلات الممرضه وعطاتنی ابره ونعست باش نرتاح
ملی بدیت نفیق شفت شی حد قدامي ولكن الرؤیة متوضحاتش لیا غمضت عینی وحلیتهم علی امل یكون الشخص لی فبالی وبالكم هذی ماما ماشی هو خاب ظني
ماما: بنتی كی بقیتی دابا یاك مكضرك شی حاجه
انا: لا دابا شویه..فینو بابا مجاش یزورنی😢
ماما: ب باباك هیجی اه غیجی ابنتی ضروری یشوف بنتو كی ولات الحمدلله ملی رجعتی لینا ورجعتی لدارك الله یخلیك لیا معندی حد من غیركم نتی وختك
انا: انا معندی خت اماما😢
ماما: لا عندك ابنتی عندك خت نقذات حیاتك وتبرعات لك بدمها باش تعیشی
انا: ك-كیفاش تبرعات لی؟
ماما: ملی كنر فالعملیه كنت محتاجه دم وملقاوش دم فنفس الفصیله دیالك كان قلیل وملی ساقت لیلی الخبار جات وتبرعات لك هی واخا كانت مریضه ووقع لها نزیف حاد متخلاتش علیك وعوناتك
انا (تصدمت من هضرت ماما اوااه هی لی تبرعات لیا)
ماما بیت نعس كیضرنی راسی؟
ماما: واخا ابنتی رتاحی خرجات ماما وخلاتنی واحله بصاح لیلی تبرعات لی بدم هه لی عتقات حیاتي معقول هذی مبادره منها باش نسمح لها وداكشی لی دارتو معایا قبل شنو ندیر نساه صعیب نسا ..ولكن راها كتبقا ختی وفوقت المحنه مخلاتنیش وجات عطاتنی من دمها
قاطع تفكیری شی حد تیدق الباب تحل الباب وتحل معاه فمی كان هو ااوف شحال توحشتو مكرهتش نعنقو ونتخبی بین ذراعو
امیر: الف الف الف مبرووك الحمدلله علی سلامتك
انا: الله یسلمك😊
امیر: دابا شویه یاك..هاك مبقیتیش خایفه ..كضرك شی حاجه انا:لا دابا لباس😊
امیر: الحمدلله..اه قبل قلتی غتجی عندی وحده سمیتها هناء هه جات
انا:ك-كیفاش جاات ش شنو قالت لك
امیر: والو جات طمأنات علیك هی وواحد السیدة وداك خینا انا: اینا خینا
امیر:خوها
. انا: ااه امین .الله یسلمهم
امیر: كنتی بغا تقولی شی حاجه تفضلی انا كنسمعك
انا( كیفاش غنعاود لیه الی مشیت تا عاودت لیه غیطلق لیلی ویتخلی علیها وهی لی نقذات حیاتی وواخا مریضه وعندها نزیف مبخلاتش علیا من دمها )
امیر:هیهو فین سهیتی
. انا: ااا اه امین هو هو خو هناء مزوج وعندو جوج ولاد و
امیر: هو مزوج ؟
انا( ناری شنو تنقول ) انا هو مزوج شحال هذی وهو بحال خویا
امیر: اه اوكی ..سالیتی😑
انا: اه ص صافی
امیر:المهم علی سلامتك انا غنمشی نشوف لیلی هی مریضه وخلیتها فدار بوحدها
انا: الله یشافی😯
خرج امیر وخلانی تناكل فراسی یووف شنو ندیر داابا خصنی نختار بین سعادتی وسعادتها شنو ندیر یاربی اه ولله الی هنفاجر اوووف اووف اووف
دازت 3 ایام ماما تتجی تشق علیا وبابا تاهو جا وعمتی وعمی مره مره وصافی صبح صباح فقت علی دقان فالباب كان عمر 😑😑
عمر: الحمدلله علی سلامتك😊
انا: شكرا
الدكتور: مدام زینب الیون فالعشیه تقدری تخرجی
انا: شكرا ادكتور
عمر: كی بقیتی دابا لباس
انا : اه لباس
. عمر:المهم انا هنمشي العشیه نجی ناخدك
انا: لا هنمشی لدارنا
عمر: مزیان على خاطرك😕
عن مشا عمر وخلاني رتاحیت شویه ونا تنفكر فموضوع لی شاغلي بالی واش نعاود لامیر ولا لا و لیلی الی كانت هی لی تبرعات لی بدم علاش مجاتش تزورنی الی كانت بصاح نسات داكشی لی دارتو فیا علاش مجاتش تعتذر وتطلب سماح اووف شویه دخلات الممرضه تدیر فحص شامل حیت هنخرج حشمت نسقسیها دازت داك صباح وانا حدی البیت تا قرب وقت خروجی جات ماما وبابا وداوني لدار طلعاتنی ماما لبیتی عوناتنی تكیت ونعست لی شویه نرتاح طلع بابا لعندی
بابا: بنتی ولیتی لباس
انا: اه شویه
بابا: یاك ممحتاجه شی حاجه من برا انا خارج نجیبها لك
انا:لا شكرا..
خرج بابا وخلانی كنتعجب فیه ااوه كلشی رجع مزیان معایه لیلی تبرعات لی وبابا ولا حنین ماما هی تبعانی كون عرفت یودی بلی قلبكم هیحن كون مرضت شحال هذی خدیت تیلفون وتاصلت بهناء ودرنا تجی عندي دازت العشیه مع هناء ختی لی ماشی من دمی ولحمی ولكن زهری جابها لی بعضا المرات تنلقاو الخیر فالبرانیین كثر من مالین دارنا سبحان الله تنرتاح لیها ونعاود لیها وتنصحنی تخاصمنی ضحكنی وتبكینی ونعم الصداقة
دارت 8 د لیل مشات هناء وانا طلعاتلیا ماما العشا تعشیت وشربت دوا ونعست فقت صباح دوشت وفطرت وگلست سارحه تا صونا تیلیفونی كانت لیلی ویلی زعما هتسول فیا
انا: الو لیلی: اهلا..
انا: لباس ؟
لیلی اه لباس .. بیت نقولك ممكن نتلقاو الیوما
انا: و واخا فین ل
یلی: حدا جردة دیال المنال
انا: واخا قطعات ..
تیلفون وانا مستغربه شنو زعما غتكون بغات زعما غتكون باغا تطلب منی سماح ولا تشوفنی كی بقیت ..المهم نمشی ونعرف نضت لحت علیا كسوه طویله فالبیج ومونطو وعیط ماما مشطات لیا شعری وهی لصقانی
ماما :بنتی راك باقا مریضه فين غدا
انا: ماما راهی عییت من الدار وبغیت نخرج نتمشا شویه= مقلتش لیها هنتتلاقا بلیلی)
ماما: واخا ولكن متبعدیش بزاف علی الدار ورجعی دغیا
انا: واخا كونی هانیه
خرجت وشدیت طاكسي واخا لبلاصه مبعیداش ولكن مقدراش نمشي وصلت وگلست تنتسناها تاجات
. لیلی: اهلا
انا: السلام كدايره لباس😊
لیلی: المهم بلا مدیری والو فبالك جیت هی كوسیط بینك وبین راجلی
انا:مفهمتش شنو باغا تقولی
لیلی: راجلی بغاك ترجعی لیه فلوسو
انا: اینا فلوس😲
لیلی: مدیریش راسك نسیتی كنهضر علی لفلوس دیال العملیة 7 د لملیون
انا: و واش هو لی خلصهم.😨
لیلی: وشكون زعما غیخلصهم رااجلك لی مشا ومسول فیك ..المهم فلوسو سیمانه جایه تجبیهم لیه انا هكا قالیا ..بسلامه 😡
خلاتنی مصدومه ااو كیفاش مفهمت والو هو هو هءهءهء ااااه یاربی امتی هیسالی هذ العذاب عییت والله اووف مستحیل تكون لیلی هی لی تبرعات لیا بدم مستحیل تكون هیا تا علی سلامتك مقالتها وتصرفات معایا هكا وانا مریضه تا برانی میدیرها هذی مستحیل یكون عندها قلب وسی راجلها هنا صدقات تنبغیك اه مصیفطها تقولیا نرجع لیه فلوسو نفضل نموت ولا یفضل علیا شی حد هو یحسابلیه انا طماعه وصافی صونا تیلیفونی لقیتها لیلی
انا: الو باقی عندك متزیدی
لیلی: اه نسیت ملی توجدی لفلوس عیطی لیا باش نتلقاو وناخدهم بلا متوریه كمارتك..بای وقطعات..
. الله یاخد فیكم الحق واخا نموت هنرجع لیكم فلوسكم مغنسمحش لك اسي امیر تدلني بیهم یحساب لك فلوسك هی كلشي انا الحمقه انا لی متعلمتش من غلاطی القدیمه حسبتك مزال تتبغیني ومسوق لحیاتی ولكن طلعتی هامك هی فلوسك انا گاع مكنتش عارفه بلی هو لی خلص یاریثنی مت قبل منشوف هذ الموقف شدیت طاكسی رجعت لدار مقهوره طلعت لبیتی سدیت علیا طحت تنبكی تا تسخسخت هما غلطو معایا بزااف مستحیل تكون هذیك لی اذتني ودارت جهدها باش تقهرني وتمحني هی لی عطاتنی من دمها والی كان بزو علیها قسما بالله الدم لی عطاتو لیا تا نرجعو لیها لابد میطلونی فیه تاهو انا ممقلقاتش حیت طلب فلوسو هذاك حقو ولكن كان یتاصل بیا ویقولها لی هو علاش صیفطها وانا باقا مریضه دابا خصني نرجع لیهم فلوسهم ضروري نرجعهم لیه هما هیحساب لیهم بلی انا طامعه ففلوسو غتكون عمرات لیه راسو مرة خری ولكن منین هنضبر علی هذ المبلغ كامل منین هنجیبهم اووف شنو غندیر یاربی داز نهار كامل وانا تنفكر فنفس الموضوع فلاخر ملقیت هی عمر نطلب منو مشیت جمعت حوایجی سلمت علی ماما وخرجت شدیت طاكسی وصلت لدار لقیت لاله خدیجه گالسه بوحدها سلمت علیها وطلعت لبیتی تكیت وتنتسنا فعمر یجی ونطلب منو واخا صعیبه ولكن معندی حل بقیت فبیتی تا تدق الباب وتحل كان عم
عمر: علی سلامتك رجعتی😊
انا: اه رجعت 😕
عمر: مرحبا بیك فدارك😊😊
انا: شكرا
عمر: نخلیك دابا ترتاحی
انا:عمر ممكن دقیقه عفاك
عمر: وی نعم انا:اب -انا -و- بصراحة معرفت كیفاش نطلب منك
عمر: بدای بلی عجبك..الموضوع تیتعلق بالفلوس
لا انا:(حدرت راسی وقلت) اه
عمر: شحال خصك.
انا:7 د الملیون
عمر:ولكن هذ المبلغ كامل د
انا( قاطعتو) دیال العملیة لی درت وخصنی نردهم مالقیت فین نجیبهم
عمر: واخا انا هنخلی لیك شیك فوق
البیرو انا: شكرا بزااف
Mhm albnat drt likom had ljozae rwiil chwiya machi bzaf walakin mhm ra kteebt hhh mhm tal reda ila l9it lwe9t nkteb likom 3lach hdert ra l9isa grbat tsaliii
