مكنتش باغا یوصلني قلت لیه مبیتش نعذبك رانی قریبه را بعیده ولا بغا یتفك معایه طلعت لاوطو تحت نضرات الغضب دیال امیر ونضرات الانتصار عند البقیه كسیرا عمر باش یوصلنی لدار هناء ضرب نص طریق وحنا ساكتین تا نطق
عمر: مالكی ا انسه زینب شتك ساكته انا دابا ولیت خطیبك هی حیدی دیك الحشمه ومبروك علینا 😍
انا: شكرا
عمر: تعطلتی تا وفقتی كنت خایف متقبلیش
انا: لا مبیتش غير نتسرع فقراری😢
عمر: مزیان احیاتی المهم وافقتی میهمش شحال تعطلتی
انا هی سمعت حیاتی تزنگت ناری الشیباني تیترومانسا یقصف حیاتك ان شاء الله انا سكت ومجوبتوش مره مره كندلو علی طریق تا وصلنا
اانا : شكرا تصبح علی خیر
عمر: اه بغیت نقول ..اب
انا: تفضل
عمر: الی كنتی مسالیه نتلقاو غدا باش نوجدو بجوج وراقنا ومن بعد غدا العقد
انا( بصدمه) بهذ زربه 😲
عمر: الی مبتیش ناجلوه
انا: تصبح علی خیر
عمر: مقلتیش لیا واش غنتلقاو غدا ؟
انا: ان شاء الله
.. مشیت لدار بدلت حوایجی وهناء تتسولنی علی هذ البرود لي وصبح فيا
هناء: مالك اصحبتی دوی؟
انا: و-وافقت
هناء: علی شنو وافقتی؟
انا: علی زواج 😭
هناء( بصدمه): شنوووووو واش نتی بعقلك ازینب لا مستحیل اكید كضحكی😨😨
انا: واش باین فیا كنضحك 😐
هناء: علاش ازینب علاش خلیتیهم یدمرو حیاتك ودیری هی لی بغاو
انا: اصلا مبقات حیات عندی قبل میزوجونی قتلوني
هناء: خصك تهضری مع امیر
انا: امیر مبقا بیناتنا میتقال اصلا مكاین والو بیناتنا من الاول ..عفاك بیت نعس
هناء: واخا تصبحی علی خیر
تكیت وانا تنفكر ندمت حیت وافقت نتزوج بداك الشارف اصلا حیاتي تدمرات هذشی مغیزیدها ولا ینقصها شی حاجه بقیت تنتقلب فالفراش حلف هذ المخ واش بغا یخلینی ومدانیش نعاس نضت فصباح فطرت باش نشرب دوا ودخلت ندوش خرجت ولقیت تیلیفونی تیصوني معرفتش الرقم
انا: الو
المتصل: صباح الخیر
انا: شكون معایا؟
المتصل: خطیبك
انا: واش كتفلا علیا قول شكون نتا ولا تلاح 😡
المتصل: انا عمر الله یهدیك
انا: (ویلی علی شوهتی تفووو صبحنا علله) اب س سمحلیا مكنتش عارفه نمرتك
عمر: هانیه..الی كنتی مسالیه دوزی لعندی لشركه ونمشیو نتغداو
انا: انا اب ك كنت
عمر: راك واعدتینی البارح یاك منسیتی
انا: و واخا ..
قطعت وانا گلست تنبكی مبقا لی هی هذا یبرزطمی بحال الی ناقصنی صداع اووف انا یلاه كنقدر نستحمل راسي وافكاری مبقا لی هی هو یاربی یاربی دینی لعندك رانی عییت اهئ لهئ عییت بزااف گلست تنبكی تا شبعت نضت لحت علیا شی حوایج دیال الوقت لی طاحت علیه عینی لبستو سروال دجین و قبیه فالگري ثدرت لوجهی تا حاجه واخا كان باین علیا العیا حیت منعستش لیل كامل ومریضه وعیانه خرجت شدیت طاكسی هبطت حدی الشركه ویلاه بیت ندخل وانا نشوف امیر قدامی
امیر: مبرووك علیك اللالة زينب فرحت لك😊😊
انا: شكرااا.
. جیت نمشی وهو
یقول: شتی طمع اش كیدیر فبنادم
انا: مفهمتش شنو بیتی تقول
امیر: علاش كدمری حیاتك اه كنت مستعد نوقف فوجهم كاملین تا تخاصمت مع هذ الشارف ودابا جیتی ضربتی كلشی فزیرو ..ولكن انا نستاهل حیت فكرت نعاونك ونسیت بلی بحالك عمرو یتبدل غتبقای دیما هكا تا نهار تموتي وخلینا نشوفو طمعك فین هیوصلك .
.مشا وخلانی مصدومه حاولت نستوعب داكشی لی قال مستحییل یكون تیفكر فیا هكا مستحیل وانا واقفه جا عمر عمر: اووه نتی هنا كنت تنساینك تا عییت
انا( بصوت مخنوق تنمسح عینیا من دموع) ی یلاه جیت
عمر: مالكی كنتی تتبكی ا
نا: ل-لالا هی طاحت لی شی حاجه فعینی ع
مر: اراي نشوووف ( وجا یقرب وانا نبعد)
انا: صافی مشات
عمر: اوكی ..
یلاه نمشیو مشیت وراه ركبنا فلاوطو وطریق كامل وحنا ساكتین تا وصلنا لوحد ریستورجن هبطنا ومشینا گلسنا طلبنا الغدا وهو یضور وجهو تیشوف فیا
عمر: زینب عمرك تمنیتی شی حاجه وتحققات لك ؟؟
انا: ك -كیفاش
عمر: كنسولك واش عمرك عشتی احساس تمنای شی حاجه وكانت صعیبه تحقق وربی ستجاب لدعاءك..انا من نهار شفتك فالكار تعجبت بیك قلت مستحیل نشوفها مره خری ولكن شوفی القدر جمعنی بتك مره وخری وولیتی خطیبتی وغدا مراتی وغنعیش معاك كل حیاتی
( انا اووف الله یخلیك حبس حبس استحلفك بالله لا تذكرني یكفینا عذابا یكفیییی)
انا: مزیان ( كون جیت نعاود لك شحال تمنیت شی حوایج ودعیت لربی یرزقنی بیهم وحلمت بیهم بزااف وفلاخیر متحققات تا وحده وتصدمت بخیبة امل)
عمر: شتك ساهیه مالكی زینب وا زینب
انا: اااا اا نعم انا انا بیت نمشی لحمام سمحلی
مشیت لطوالیط سدیت علیا الباب ونفاجرت بالبكا ومزیره علی فمی باش میتسمعش صوتی تقطعت بالالم وتمنیت الموت كنحس بنفسي كیتحبس ودنیا تدور بیا كرهت هذ الاحساس و الناس لی سببوه لی فیه گالسه مع شخص كارهه نشوف فیه بزز باش كنستحمل هذشی یاربی بزززز مسحت دموعي ودرت كریم لوجهی باش منتفضحش بلی باكیة خرجت لقیتهم حطو الماكله گلست
عمر:نتی لباس ازینب
انا: ااه انا لباس
بقینا تناكلو فهدوء تا سالینا رجعنا یلاه طلعت فلاوطو ویصونی تیلیفونی كانت
ماما انا: الو شنو كاین اماما
ماما: تغدیتی ابنیتی
انا: اه علاش
ماما: و والو هي سولتك ..
انا: بسلامه غنقطع
ماما: ت-تسنای تسنای
انا: اشنو اماما
ماما: الیوم خصك تباتی هنا حیت غدا غدیرو العقد باباك صاوب لیك كلشی
اووف واش.ضروەی تفكروني بجنازتي قطعت وزیرت تیلیفون فیدی كنت غنهرسو وانا حابسه دموعی بزز صعیب تحسی بلی راك مجبوره علی شی حاجه وخصك تستحملیها حیاتك كامله ركبت فالاوطو ووصلنی لدار هناء شكرتو وهبطت دخلت لدار لقیت هناء مكیناش ماماها لی كاینه وخوها سلمت علیهم ودخلت لبیت بدلت حوایجی وتكیت كنت عیانه نفسیا وجسدیا تنشوف راسی خدیت طریق مظلمه ومنقدرش نمشی فیها وفنفس الوقت منقدرش نرجع البواب كاملین تسدو علی وجهي عارفه بلی طریق لی سلكتو صعیب وغمزید نتعذب فیه ولكن حیاتی دمرات مرضت وتحطمت صافی سالیت دارت 9 د العشیه نضت لبست حوایجی وسلمت علی خالتی وهناء ومشیت شدیت طاكسی وصلت لقیتهم تیتعشاو
ماما: علی سلامتك ابنتی
عمتی: اجی العروسه دیالنا تعشاي
انا: مفیاش جوع بصحتكم ..
طلعت لبیت بدلت حوایجی ودوشت خرجت تنشف شعری وهی تدق مام
ا ماما: بنتی بصحا
انا: شكرا
ماما: بنتی هتولی عروسه كنت تنتسنا هذ نهار بفرحه
انا: بیت نعس تصبحی علی خیر اماما
غمضت عینی ودرتراسی ناعسه شویه سمعتها خرجات نضت نفاجرت بالبكا مبقیتش قاده نصبر اووف اوود عییت كنتخنق روحی محبوسه كنموت سمعت كلشی نعس ودنیا تتصفر هبطت لتحت ومشیت لجرده گلست فداك الكرسی لی گلسنا فیه داك نهار انا وامیر سهیت شویه معرفت فاش حیت ولات عندی الاف الاسباب باش نفكر شویه سمعت صوت مورای تلفت لقیتو امیر
امیر: مزال منعستی یمكن من الفرحه مقدتيس تنعسي
انا تمیت غاده مفیا لی یسمع نگیرو واهانتو ومفیا لی یشوف فصنیه تا حبسني
امیر: زینب باقا عندك الوقت تقدري مزال تقولی لا
انا: حید من طریقی عفاك
امیر: زینب زینب دیری عقلك قبل مدمری راسك
انا: واش مكتفهمش انا بغا هذ زواج دابا حید من طریقی
امیر: زینب فكری مزیان كنترجاك راك كتقتلینی اوووف
انا:(تصدمت ك كیفاش كنقتلو ) امیر تا الی بغیت نرجع فقراری مستحیل یخلیونی را صافی عطینا لكلمه ومستحیل نرجعو فیها واخا یقتلونی مغیخلیونیش
امیر: غنكون معاك غنحمیك تا واحد میقدر یهضر معاك
انا: تصبح علی خیر
امیر: واااش باغا فلوسو دابا نحول لك شحال مابغیتی لحسابك ..ولكن متزوجیهش عفااك
انا: نتا شنو كتقول اه اخر حاجه نفكر فیها هی الفلوس عفاك خطینی عليك
امیر: طمعك غیخرج علیك.
. انا مشیت وخلیتو كنجری طلعت لبیتی وطحت علی نموسیتی كنبكی اش هذ زهر عندی یاربی علاش كیطرا فیا هكا انا اهئ اهئء بقیت لیل كامل هكا تنبكیي ونشهق علی حیاتی كنشهد بلی عمری نسامحهم اذن الفجر عاد داتنی عینی فیقاتنی ماما
انا :نعم اماما بیت نعس مزال سدی الباب .
ماما: اویلی الكوفوره جات وكتسناك ونتی ناعسه .
انا( نضت من بلاصتی) وشكون طلبها تجی..یاك مثتیقینش ریوسكم بلی انا هنتزوج وفرحانه بهذ زوااج..دابا خرجی خلینی علیك هذ ساعه
ماما:الله یهدیك ازینب هبطی وبلا متزیدی فیه
انا: یاك اماما انا كنزید فیه یاااك واخا الله یرحم والدیك
خلیتها ودخلت لدوش دوشت وملی خرجت لقیت الكوافوه فبیتی كنت باغا نجری علیها ساعه حشمت گلست وهی تبدا سخسخاتنی
انا: براكا صافی
كوفیر: لا اختی را مزال مكملت هی صبری شویه
انا: واش مكتفهمیش خرجی مبپیتش تكملی
كوافیر: و واخا ..
خرجات كوافیر وجات ماما طلعات معاها قفطان
ماما: ماشاء الله جیتی زوینه
انا الصمت
ماما: هاكی هذ القفطان لبسیه
انا: ماما دی هذ شراوط من قدامی عفااك
ماما: ابنتی براكا متعذبی فیا
انا: قلت لك خرجی اماما ها لعار خرجی اهئ اهئ
ماما: لبسیه عفاك ابنتي متخرجيش هكا فحال الميت
گلسو تیوصیو فیا مندیر شی مشكل وشویه جا بابا وقال لیهم یهبطونی جراتنی عمتی من یدي وهبطاتنی لقیت عمر و العدول وبابا وعمی و امیر گلست تحت تهدیدات بابا بعنیه زعما تحركی نوریك بدینا تنتكاتبو ما سولونی وما سولوه عیط لیا لیا هی نسيني مقدرتش نهز القلم گاع شفت فیهم كاملین بابا تیحلف علیا وماما فوجها الخوف وعمتی تتهضر تحت سنانها و امیر كان وجهو صفر مكیتفسرش سنیت
بزربه لتخلص من دوك النضرات عاود شفت فیهم لقیت كلشی فرحان الا امیر كان حادر راسو تیمسح علی وجهو سالینا تجمع كلشی علی طبله باش نتغداو وبقاو داوین علی العرس ایمتا عمر: مم هنا لسیمانه وندیرو العرس ان شاء الله😀
بابا: اوا لی بان لیك اسی عمر 😊
ماما: انا مزال موجدت والو لبنتی وسیمانه قلیله كون تقدرو تاجلوه 😦
عمر: كونی هانیه لی ثقالت علیك خفافت علیا😗
انا: انا م- مبغیتش العرس😢
ماما: اویلی ابنتی بینا نفرحو بیك 😦😨
انا( بعصبیه ) ماما.
ماما سكتات وسكتو معاها مبقاوش جبدوه سالینا الغدا وتافقنا یجی یدینی فالیل هو وماماه حیت اصریت بلی مبیت لا عرس لا والو خرج داك الشارف وخرجو یصیفطوه بلا رجعه ان شاء الله طلعت لبیتی بدلت داك الكفن لی لبسوه لیا ومشیت نجیب حوایجی فدار هناء وصلت لقیتها یلاه بغات تخرج عوناتنی نجمع حوایجی بلا مدوی معایا هزیت فالیزتی وتمیت غاده نسلم علی خالتی ونشكرها علی كلشی سلمت معاهم اما هناء بقات تدعی علیا وتتعایر فیا تا شبعت عاد عنقاتنی وتفارقنا بالبكوات حسیت باروحی كتخرج منی قلبی تیقطع بكینا تا شبعا بزز باش فلتاتنی رجعت فطاكسی لدار طلعت لبیت وگلست تنتسنا الساعة المشؤومه علم الله شنو مخبیا لیا هذ الایام باقی یاربی تعطینی القوه و صبر باش نقدر نستمر ولو هی هذ نهار یاربی دقات علیا الخدامه الباب وقالت لی بلی سی عمر وماماه جاو هبط وهطت معایه فالیزتی لقیتهم تیتسناو فصالون طلعات..
عمتی ودفعاتنی گلست وخدات تتلبس لی القفطان وتتعایر فیا لبسونی بزز هـئ هـئ أنا درت ليكم جزء طوييل من لبارح وانا نكتب
