انا: ماما فین قمیجتي لی فالگرونه😕
ماما: لبساتها ختك وقیلا
انا: اوووف وعلاش مقالتها لیا 😑
ماما: اویلي من امتی ونتوما تتفرقو الشراوط بیناتكم
انا: اووف كنت باغا نلبسها .. المهم هانی خارجه
ماما: واخا احبیبه الله یوفقك
خرجت ومشیت للیسطا وانا فطریق تنفكر علاش منعرفكم علی راسي بعدا ههه انا زینب 20 عام بنت ذات ملامح عادیة عندی حقي فزین ومكاین لا عوینات فالخضر ولا زرق عیونی كحله وعادیه بیضا شویه وحروفي كحلین شویه المهم جمال عادي عایشه وسط عاءله محترمه تتكون من اب ( رشید) و ام ( امینه )و اخت كبر مني ب 3 سنین (لیلی) كنا عایشین فدار عمی ملی یلاه جینا من البلاد ملقینا فین نسكنو بیدمان یخدم بابا ویكري شی دار سكنا عمی معاه فلفیلا دیالو هو لباس علیه كان عایش فالخارج ورجع استقر هنا ودار مشاریعو عاءلتو تتكون من 2 ولاد وبنت لكبیر فیهم امیر والثاني علي والبنت ایة كنا عایشین فدار وحده وعمی خدم معاه بابا فالمصنع وعایشین عادي فغالب الاوقات ماما و مرات عمی حدهم الدار وشغالو و الطیاب كان عمری وقتها 16 سنة ویلاه كنت تنقرا فاللیسی اما ختی خرجات من القرایه بابا وعمی تیمشیبو المصنع و ولادو بجوج علي تیقرا فلیسی و امیر كان تیقرا وتیسطاجي فنفس الوقت مكنتش تنشوفو بزاف تیخرج صباح بكری وبعض المرات گاع متیباتش فدار علاقتو معانا محدوده سلام لباس علیك كدایره مع القرایه سیتو فعكس خوه علی لی كان ضحوكي بقینا معاهم شی 4 سنین فدار ونتاقلنا لدار خری كنت تنقرا فسنكیام اني وكنت باشد الاعجاب بامیر وهو مكانش كیدوی معایا الا فوقت الضروره مره مره كام تیراجع معایا ولكن دایر حدود فالهضره وفكلشي انا ملی تنشوفو تنحس بقلبی تیبدا یضرب بجهد ونفرح كنت تنسهر وندیر راسی تنراجع فصالون غیر باش نتسناه یدخل ونشوفو تنتوحشو بززاف وهو مكانش تیحس بیا وبالحب دیالي وكان تیعجبني ملی یسولنی علی الدراسه كی غاده معاها وملی یراجع معایا وكثر ملی یدافع علیا حیت مكناش انا وماماه كنفاهمو بزاف ملی نجیب صحابی لدار تقلق منی وهو كان یدافع علیا ولا ملی ندیر هی حاجه صغیره تعصب وتبقی تنگر وهو مكانش تیدخل فامور الدار من غیر الی خاصماتنی ماماه تیدافع علیا اما بابا وماما مكانوش تیقدرو یدویو قدام عمی ومراتو وهی كانت مكتحلمنیش المهم دازو ایام علی هذ شكل تا وصل نهار لی غیسافر فیه امیر باش یكمل قرایتو فبرا باقي تنتفكر شحال
