51) خرجت من عند هناء ومشیت لدارنا
ماما: بنتي فین كنتي من صباح
انا: فبرا 😑
ماما: عرفاك فبرا ولكن فیین
طلعت لبیتی بدلت حوایجي وتكیت بیت هي نعس مبیتش نتفكر لی داز الیوم مع امیر نعست بزز ...
فقت صباح مریضه عیانه مكسورت الخاطر دوشت وهبطت عندهم لفطور
بابا: شتك ولفتي عدنا
انا: بحال هكاك😕
بابا: زعما مغترجعیش لدارك
انا: كتجری علیا زعما ابابا
بابا: لا حشا هذی دارك ولكن راك خلیتی راجلك بوحدو
انا نضت طلعت لبیتي بدلت حوایجي وهزیت صاكی وخرجت بلی منسلم علیهم حتی شدیت طاكسی ومشیت لدار دقیت وحلات لیا عمتی خدیجه
لاله خدیجه :ااوه علی سلامتك ابنتی
انا: اهلا عمتی لباس
لاله خدیجه : كی ولیتی ابنتی لباس😕
انا: الحمدلله ها حن
ا لاله خدیجه : الحمدلله
انا: عمر كاین
لاله خدیجه :اه راهو الفوق طلعت الفوق .
.مشیت لمكتب دیالو
انا: ممكن ندویو
عمر: اووه جیتی بریتی شویه
انا: اه ولیت لباس
عمر:مزیان الحمدلله ملی رجعات لیك صحتك احبیبه
انا: دابا ولیت حبیبتك ااه من قبل كنت صاحب الفراش
عمر: شوفی متفهمنیش غلط انا
انا (قاطعتو ) بلا متبرر تا حاجه اسی عمر ودابا عندی لیك هضره خری بغیت براتي
عمر( بصدمه) ههه اش كتقولی یهدیك الله
انا: شوف انا قلت لك لی عندي طلقنی
عمر: غتمشی عندو یاك
انا:ك-كیفاش وعلی شكون تدوي مفهمتش
عمر: لا عارفه علی شكون داوي وكدیری راسك مفهماش
انا: ممكن توضح اكثر؟
عمر: شنو كیحساب لك بلی ممنتابهش لیكم نتی وداك امیر انا:ش-شنو كتقول ه-هذاك راجل ختی
عمر: اوا قولیها لراسك امدام
انا: ولیتی هی تتخربق بففف
عمر شدنی من فكي
وقال: شوفی رانی عارف بلی باك زوجك لیا هی بزز وكدیری راسك مریضه باش ممقربش لك ولكن دابا صبری تقادا
انا: حید طلق مني حید یدیك
عمر: لا منطلقوش لیوم ناخد حقي
انا: (بالغوات) ااای طلق مني اعمر طللللق حید
بقا جارنی لبیت تا طحت ومعقلت علی والو
ملی بدیت نفیق لقیت راسی فلاوپیطال شویه دخل عمر والدكتور
الدكتور: علی سلامتك امدام كی تتحسی دابا لباس
انا: اه ل-لباس
الدكتور:واخا نخلیكم دابا الله یشافیك
خرج الدكتور وبقیت مع داك الشارف بقا ساكت تیشوف فیا تا نطق وقال
عمر:علاش خبیتی علیا
انا: قل-ت لك مب-ناتنا والو
عمر: مكندویش علی داكشي...علاش مقلتي لیا بلي راك مریضه عرفت بلی قالها لیه طبیب ودار لی فحص
عمر: علاش ساكته ازینب ..من امتی هذشي
انا:ق-قبل منتزوج بك
عمر:بعدا عمري شتك كتاخدی شی دوی
انا:ق-قطعتو مبقیتش كناخدو
عمر(بالغوات ) واش نتی حمقه باغا تموتی عاءلتك فخبارهم انا:ل-لا معرفینش متقوليهم والو
عمر: واش لهذ الدرجه باغا تموتي
انا:عفاك سد هذ الموضوع
عمر:را حالتك مدهورة بزاف ازینب ثقب تیزید یوساع
انا لتزمت بالصمت
شویه جا الدكتور وقالی خاصكی تاخدی دواك ورجعی دیری تحالیل وندیرو تخطیط و
انا( قاطعتو) ماشی مشكل خرجنا من لوپیطال ومشینا لدار عمر: زینب هاكی دواك وبقای تكلیه فالوقت
انا: و واخا
عمر: راك كتلعبی بحیاتك
انا:صافی سد هذ الموضوع ومبیتش یعرف تا واحد بهذشی عفاك خلیه بیناتنا
عمر: واش نتی حمقه تخبی هذشی علی عاءلتك راا حالتك تدهورات
بزاف طلعت لبیتی سدیت علیا داك الباب وتتردد هضرتو فوذنیا غتخبي علیهم ونتی حالتك كتازم طحت علی نموسیتی تنبكی تنبكی وربی لی عالم بیا تنشوف راسی لا صحه لا عاءلة لا حب لا خدمه لا شیء مبقا لی والو فهذ دنیا والو هی دیك الحقیقه لی مخبیاها خصنی نعلن بها قبل مانموت وهذ المره مهیمنعني حد هبطت وشدیت طاكسي وصلت لشركه ومشیت دریكت البیرو دیالو حلیت الباب بلا مندق
انا: خصنا نهضرو
امیر:فاش بسلامه علی شنو غنهضرو هذ المره دخلت ووقفت قدامو
انا: قبل متزوج بلیلی كنت باغینی انا یاك😢
امیر(بصدمه تبدلو فیه لوان) ش-شكتقولي نت ومنین جاتك هذ الهضره
انا: ختك ایة قالتها لیا واكدات لیا هضرتها
امیر: ههه ااه ا ایة شحال عزیز علیك تضحكی مع الواحد ..لا الاله انا عمری بغیتك ومتنسایش انا راجل ختك و زایدون نتی راك دابا مره مزوجه اشنو ملیتی من راجلك ولا یاك متقضاو فلوسو وتتقلبی علی بنك اخر شوفی ازینب انا عمری حسبتك شی حاجه ولا عمری هنحسبك كنت عارف بلی غتندمي مع الوقت ولكن نوع دیالك هكا كتسالی مشوارهم ولا لا
انا: كملتي صافي ولا عندك باقی متزید تا لامتا هتبقا تهینی وتحسبني خارجه طریق وتدلني اه.. انا عمری غلطت فحقك انت اصلا معارفش الحقیقه ولكن غیجي نه...
.امير (قاطعني): لا مشكوره انا عارف كلشي عارف حقیقتك علی اكمل وجه یا مدام عارف صغیره و الكبیره علیك اصلا بحال هذ النوع مكتخباش خبارهم ماتسوقتي لا لشرفك ولا لعاءلتك لدرجة تبدلتی من زینب الضریفه لزینب لی كتهدد اما یزوجوها او تهرب لهذ الدرجة افكارك دنيئة ازینب لهذ الدرجة تبدلتی كرهتك بسباب فعایلك كنت متشوق نجي باش نشوفك (دمعو عنیه وقلب وجهو دغیا) دابا (سكت شویه) عفاك سیری من هنا تفضلي امدام ونساي هذ طریق ومبقیتش بغا نشوف وجهك
