دخلو وخلاونی ملیوحه علی الارض نضت تنبكی ماشی حیت جراو علیا ولاحونی می حیت مقدرتش نشوف ماما توحشتها بزااف كنحس بالضیاع كنحس بلی بقیت بوحدی فهذ الدنیا مبقا شی حد خدات الراجل لی بغیتو وغدراتنی ودابا خدات ماما و جرات علیا علاش اختی علاش واش انا ماشی ختك لی عاشت حیاتها كامله حداك بكات معاك و ضحكات معاك وبغاتك وعزاتك علی راسها علاش اختی دیری فیا هكا علاش ملقیتی من تاذي غیري یاربی تاخد روحی وتریحنی من هذ العذاب هذشی كبر منی مقداش علیه یاسیدی ربی اهئ اهئء انا مطلبت منهم والو هی نشوف ماما ونعنقها ونحس بیها حدایه ونحس بلی كاین شی حد نعیش علی قبلو خدیت طاكسی ورجعت لدار دخلت وتكیت بلا منحید حویجی گاع بقیت تنبكی تا داتنی عینی فقت لقیت 6 د العشیه مفیقنی هی بابا بصداعو
بابا: الله الله شابعه نعاس یاك بصحتك شتك لقیتی راحتك ملی خوینا لك الدار عطیاها الماكله ونعاس وناسیه مك لی مریضه وصیفطیها لتم عند عمك اودی اودی علی بنادم عولنا علیك بكری نوضی یلاااه
نضت وانا حادره راسی طلعت لبیتی ویلاه غنتكی جا وحل علیا الباب
وقال: واش باغا تصطینی رجعتی تانی لنعاس نوضی ینعل جد بوك( اعزكم الله)
انا: و واخا
بابا: وجدی راسك غنمشیو نتعشاو فدار عمك ماماك بغات تشوفك ونتی معلی بالك
انا: (بفرحه) بصاح غنشوف ماما😀
بابا: بلا هذ ثمتیلیه لبسی وهبطی یلاه😒
مشا بابا وخلانی نلبس لبست جیپ حدا ركبه وتیشورت وفیست هی لحتهم وجمعت شعری وهبط مشینا وانا فطریق كامل معرفت كیف نوصف احساسی فرحانه حیت هنشوف ماما ومبغاش نشوف عمتی ولیلی اما امیر معرفت منقول واش نفرح ولانبكی مبقا شی باین كلشی تخلط وصلنا حلات لینا الخدامه ولقیناهم گالسین فصالون هی شافتنی ماما وقفات وانا طرت وعنقتها تنبكی مبغیتش نطلق منها خفت لیبعدوها علیا وتكون هذی اخر مره نشوفها هي نضرة منخا تسوى دنيا ايييه يا الميمة دار لي تمرجي منها تكون مظلمة.. سلمت علی الكل وگلست كلما تنشوف فعمتي ولیلی یتخوی لی الما فركابی حیت گویله كانو شیطانات ودابا ولاو ملائكة ولیت تنخاف منهم بزااف طول الگلسه ولیلی تتبوحط علی راجلها مره تبوسو مره تعنقو وتشوف فیا ومره توشوش لیه فوذنو وهی ضحك عرفت بلی كدیر هذشی هی باش تمحمي وبصاح شداتنی من الید لی ضرانی عرفات كیفاش تمحني كلما تقرب لیه تنحس بقلبی تیتمزق والارض كیتزلزل من تحتي حتاقرت راسی وفنفس الوقت بقا فیا الحال ستاذنت منهم بحجة انمشی نشرب وخرجت لجرده باش نخوی هذ الطاقه البكاءیة لی كنت حابساها قدامهم ..شویه سمعت صوت لیلی
لیلی: علاش خرجتی ااوه كتبكی مالكی یاك لباس😥
انا: لیلی خلینی علیك
لیلی: اه غندخل اصلا خلیت حبیبی بوحدو وغیكون توحشنی هانی مشیت ونتی طرطقی بالبكا افقق
انا: وكلت علیكم الله دمرتونی قتلتونی وكرهتونی فحیاتی لیلی: هذشی كامل وقع لك حیت حسداني 😊
مشات وخلاتنی ممسوقاش واش هذی نیت ختی لی كنعرفها یا ربی اش هد الدنیا واش كاین الغدر لهذ الدرجه واش هذی عندها قلب واش كتحس بقیت واقفه تنبكی ونشهق لربما یفیدنی شویه سمعت شی حد من مورای غتكون لیلی رجعات تقتل فیا مره خری
انا: عمری نسامحك من نهار لی غدرتونی ولیت تنكرهكم دمرتونی قتلتونی حطمتو احلامی هءهء
(ضرت لعندها وانا نتصدم بامیر هو لی هنا ماشی لیلی)
امیر: كملی كنسمعك
انا الصمت باقا مصدومه
امیر: كملی هضرتك
انا: ب ش شنو كدیر هنا
امیر: شكون لی عمرك تسامحیه شكون هذو لی غدروك
انا: اوب انا و والو و والو..
مشیت تنجری وخلیتو واقف دخلت لصالون گلست حدی ماما تعشینا ورجعت لدار انا وبابا طلعت لبیتی بدلت حوایجی تكیت تنفكر فهذ دنیا یمكن كنراجع حساباتي وكنسترجع ذكریاتي وشحال تبدلات حیاتي وكثارت اهاتي من نهار غدرونی حبابی وخوتي دارتنی عینی ونعست اصلا نعاس هو المنفس الوحید لیا ملی كنحدت قطیعة مع هذ العالم المر العالم الخبیت تنحس بلی تنهرب من هذ الحیاة لی طعناتنی فضهری ولی تنحس فیها بضیاع والوحده و القهر
فقت مع 9 نضت دوشت وصلیت هبط لتحت وگلست تنفكر وتنتفكر شنو دارو بیا ولامتی غیسالی هذشی كامل شویه تدق الباب مشیت نحل هی حلیت بقیت حاله فمی
امیر: صباح الخیر
انا: ا-اهلا لباس
امیر: لباس ونتی
انا:لباس
امیر: جبت لك شی دوصیات تقادیهم ومنها تدربی فیهم قالی بابا غتبدای الخدمه معانا
انا: و وخا ولكن دابا انا ب
امیر( قاطعنی) الی عندك میدار خلیهم من البعد اصلا باین علیك عیانه
انا: لا ووالو اراهم انا هنقادهم ونجیبهم ليك
امیر : اوكی بسلامه
مشا ركب فالاوطو دیالو وانا بقیت واقفه تنشوف فیه محیدتش عینی علیه تا غبر من قدامی
دخلت لدار صایبت كاس حلیب وهزیت دوك الملفات تنشوفهم ونصایب فیهم وانا عقلی مشا تنتمنی منكونش غالطه فهذ القرار واصلا انا مقررتش نخدم هو لی قرر كیفاش غنستحمل هذشی یاربی زعما غنكون دیما كنشوف امیر كل صباح وكل عشیه وندوی معاه بحال الی موقع والو كیفاش غنعیش حیاتی قریبه من الناس لی غدرونی كیفاش غنبقی طول حیاتی وانا معندی اخت لی ولفتها وكیفاش هنسی لی دارتو فیا كیفاش یا ربی غنشوف فعنیها ونسا الغدر كیفاش غنولی دیما نشوفهم بجوج ونشوف ولادهم ویعیطولی خالتی وانا كانت امنیتی الوحیده هی نكون مامات دوك لولاد كیفاش غنرجع نشوف فوجه بابا لی ونعیط لیه بابا وهو ضلمنی وبدل میكون بجنبی ولی ضدي ویعذبني انا ولیت وحیده وحیده بزاف عمری تخیلت راسی غنخسر عاءلتي هوما لی كانو عندی فهذ الدنیا ودابا بقیت بوحدی وطول حیاتی غنبقی هكا یاریثهم یجیو یقولو ها حنا رجعنا سمحی لینا غلطنا معاك غنسامحهم ونسی كلشی بدون منفكر غی میخلیونی بوحدی هكا بوحدی فهذ الدار لی كانت كلها فرح من قبل كانت بنسبه لیا جنه عامره بالملاءكة فرمشه عین رجعات جحیم كنتعذب فیه بوحدی بین هذ الحیطان وولات جهنم عامره بالشیاطین . اووف هانی كملتهم سالیتهم دغیا دابا ندیوهم لشركه طلعت لبیتی بدلت حوایجی لبست كسوه حدی ركبه فالكحل وفیست كحله وصاك كحل صباط كحل درت شویه د المكیاج باش نخبي صفوریه والجفاف لی فوجهی خرجت شدیت الطاكسي مشیت لشركه مشیت عند عمي نیشان باش نعطیه الملفات ویلاه غندق جا امیر
امیر: السلام
انا: ا اهلا عمی كاین
امیر: اه كاین ولكن مشغول
انا:واخا نتسناه هنا تا یسالي
امیر : یلاه لبیرو نراجعو داك الملف لی صاوبتیه وملی یسالی بابا تعطیه لیه
انا: ه هاك دي معاك لیضوسي انا هنتسنا عمی هنا
امیر: لا هی یلاه هتملی بوحدك هنا
انا : و واخه..
مشا امیر تبعتو دخلنا للمكتب وگلس وانا گلست قدامو تیبقشش فدوك الملفات وانا گالسه ساهیه فیه تنتفحص ملامحو بحال الی كنحفضهم وكنتفكر شحال كنت تنتخیل راسی گالسه معاه ومتشوقه وكان قلبی تیدق بجهد ملی نتفكرو ودابا گالسه مقابله معاه والحجره لی بلاصة فقلبی تابثه مكتدق ولا كتحرك هوما لی قتلو قلبی بغدرهم حیت متوقعتش منهم هذشي لی دارو قتلونی وانا حیه دفنونی وهدمو احلامی كسرو لی روحي عمری نسامحهم حطموني حطموني تماما ود قاطع صوت امیر تفكیری امیر: هیهو فین ساهیه
..زینب ..زیبب
انا : ا نعم نعم
امیر: نتی لباس
انا: اه اه لباس
امیر: اوكی..المهم انا راجعت الملفات وعندك زهر ملی ماشافهم بابا خرمزتی مزیان هههه
انا: ك كیفاش انا م مد
امیر: المهم ماشی مشكل ..عاودیهم قبل متسلمیهم لبابا..كنت تنعرفك شاطره فالماتیماتیك شنو وقع لك دابا حتی المجموع السنوي للمحصول دیال الاعوام الماضیة خسرتهم وثمن المبیعات وتخفیضاتهم كذلك ..(سكت شویه وقال)مالك ازینب شنو عندك عاودی لي
