سم طریقی ونكون قویه من الیوم دوشت وجیت نلبس هزیت كسوه كحله ومونطو لالا الكحل ثاني خصنی نبدل راسی شویه ولكن تا نبرا ان شاء الله لبست كسوه فالبیض و فیست فالكحل صنداله بیضه و صاك كحل بوكلیت شعری من تحت ودرت شویه د المكیاج باش نمحي اثار الماضي الالیم فی وجهي خرجت ودزت علی مكتب عمر لقیت شیك كیما طلبتو وهبطت فطرت وخدیت دوا ومشیت شدیت طاكسي وصلت لشركه وانا كلی عزیمه غنقصح قلبی لی مزال مبراش من الجروح ونولی قویه طلعت لبیرو د امیر دقیت ودخلت
امیر: ا-اهلا زینب مرحبا😀😊
انا: اهلا 😑
امیر: تفضلی گلسی كی بقیتی لباس
انا: الحمدلله انا لباس وكثر من لاول
امیر: الحمدلله فرحتيني
انا: سمحلي مجیتش نعطلك انا هی جیت نرد لك فلوسك تفضل😐
( عطیتو شیك وهو تیشوف فیا كان باین فیه مفاهم والو ولكن هی تیمثل واضح)
امیر: ولكن علاش جبتیهم قصدت
انا: (قاطعتو) اه بصاح سمحلیا حیت مقدرتش نعطیهم لمراتك مكنتش باغا نمشی لفیلا وتبدا علیا ثاني وقلت نجیبهم لك حسن مانعذبها تجی تاخدهم وهی كلفات راسها وجات باش طلبهم 😡😥
امیر:اش كتخربقی ازینب شكون طلبهم وشنو دخل لیلی فالموضوع
انا: اوف انا منحملش اتبوحط علیا بنادم زعما راك معارف والو وماشی نتا لی طلبتیها تجیبهم من عندی اه ؟
امیر: اش كتقولی الله یهدیك عمري هضرت لیلی علی شی فلوس ولا فكرت گاع فهذ الموضوع
انا: المهم راهم فلوسك..بسلامه
امیر: شنو كتقولی انا مطلبت منها والو ولا گاع فكرت فیهم ..اكید متقتنیش معقول واش انا حمار نفكر هكا ولك انا ماكان همنی لا فلوس لا والو كنت مستعد نعطی كل ما عندی باش تعیشی ومانشوفك بخير.😕
انا: حسن تحسابنی میته ا امیر ..ودابا راهم فلوسك بسلامه😒
امیر:تسناي مغتخرجیش ..كنحلف لك بالله انا مقلت لها والو وراها غنتاصل بها تجی تهضر قدامك..
انا: منویاش نخلق مشاكیل بناتكم ونكون سباب ومبیتش نشوف كمارتها
امیر: (بالغوات) ممتیقانیش یاك 😡 اااااااااخ انا كنت مستعد نفدیك بروحی ماشی هی بدمی ولا بفلوسی كنت مستعد نفديك بحياتي ..
انا( بصدمه) ك-كیفاش دمك ز زعما..نتا لی تبرعتی لی بدم ؟
امیر: لا هو انا ك كنت..
انا: عفاك دوی وااااش نتا قوليا واش نتا دوي ا اميير
امیر: اااه اناا انااااااا
انا: یعنی نت لی نقذتی حیاتی
امیر: ( غرغرو عینیه بدموع) ااااخ انا مستعد نفدیك بروحی نت معرفاش قیمتك عندي نت ..نت..
انا: خ-خصنی نمشی سمحلیا دابا
خرجت تنجری من الشركه شدیت الطاكسی معرفت لفین هو عیا میسول فیا وانا تنبكي متنجوبوش وكیفاش نجاوب وباش قلت له هی حطنی هنا صافی هبطت ومعرفت لفین نولی وجهی طلع هو عاطینیی دمو ومطالب لا بفلوس لا بوالو اااه یاربی ضلمتو هو باقی یسحاب لیه بلی انا وحده ممزیناش ومسمحش فیا خصنی نقولیه الحقیقه كامله اه صافی هنقولیه كلشي رجعت شدیت طاكسي ورجعت للشركة وانا كنتخیل كیفاش هنبدا لیه فالقصه واش هیتیقني ولا لا وصلت هبطت وجریت دریكت لبیرو دیالو حلیتو وهنا كانت المفاجءة ملی تلاقیت بلیلی تماك كانت بوحدها وامیر مكاینش
لیلی: شنو كدیری هنا یاك قلت لك راهو مبغاش یشوف كمارتك ولفلوس تجبیهم لیا انا ؟
انا: جیت نقولیه كلشي هنعاود لیه كلشی
لیلی:(بصدمه) شنو غتعاودی لیه واش باغا المشاكل
انا:ااه بغاهم بغا نفضح كلشي
لیلی: ههه وشنو یحساب لك غیتیقك
انا: یتیق ولا بلاش المهم قلت الحقیقه ...بغا نفضح كلشی بغیت الناس كاملین یعرفو شنو درتی لیا یعرفوك على حقيقتك
لیلی: شوفی خلینا نهضرو علی برا حیت هنا مغنلقاو راحتنا
انا: بشرط تجاوبینی علی كلشی ولا نقولها لامیر
لیلی: و واخا یلاه
.. خرجات لیلی وتبعتها كتبت میساج لامیر" انا بغیت نعاود لك شی حاجه مهمة بزااف عفاك لحگ علیا لداركم "
مشینا انا ولیلی شدینا طاكسی
انا: فین غادین دابا
لیلی: شی بلاصة نگلسو فیها
انا: یلاه لعندكم لدار بغیت نشوف عمي
لیلی : واخا طریق كامل و حنا ساكتین مره مره كنشوف فلیلی كنلقاها مخنزره و تتلعب یدیها بتوثر دابا صار الوقت باش ناخد حقی هذ العوجه هی لاولی وعاد غندوز لعمتي تاهی
وصلنا لدار قلتها تعیط علی عمتی بغیت ندوی معاهم بجوج عیطات لیها
عمتی: هذی نتی اشنو جایه دیری هنا
انا: اهلا عمتي
عمتی: قولی شنو باغا
انا: بیت ندوی معاكم فموضوع ولكن دابا فیا جوع متغدیتش وخصنی ناكل دوا
عمتی: وجهك قاصح جایا بلا غدا مشات عمتی تجیب لی ناكل وانا معندی منین ندوز هي بیت نضیع الوقت تایجی امیر وعاد نبداو جابت عمتی الماكله هزیت تیلیفون صیفط لیه واش جیتي جاوبنی دغیا اه هزیت لبلاطو ومشیت لكوزینه باش نحطو ومنهم نیت عارفاهم هیتبعوني
حطیت داك البلاطو وقلت دابا كتسولو علاش جیت لعندكم یاك
عمتی: اوا ملی عارفه راسك اش جایه دیری هنا😡
انا: هی فهمینی اعمتي علاش كتكرهیي اش درت لیكم لهذ الدرجة كلكم كنتو سباب فعذابي ونتی اعمتی بالضبط😢
عمتی: نتی اش كتخربقی نتی لی دمرتی راسك كلی قلنا لك تزوجي؟
انا: تزوجت حیت خدیتو منی الراجل لی كنبغي وقتلتو لی كل احلامي ..كنت عارفاه اختی كیبغیني انا ومشیتی زوجتی لیه لیلی مفكرتی فلحضه انك هكا تتدمری حیاتك 3 د الاشخاص ..انا باش اذیتك اعمتی اه عمری وقفت فوجهك دیما كنت تنحتارمك والی كنت تندافعت علی راسی حیت كنت تضلمیني بلا مندیر والو فرقتیني علی ولدك اعمتي قتلتینی شحال بكیت وشحال تدمرت ومرضت 😢
عمتی: بركا من الهضره الخاویه نت متستهلیش ولدي داكشی لاش جبت لیه لیلی لی كتسمع الهضره وعمرها غلطات
انا: وانا اعمتی مكنسمع هضرتك عمری غلط فحقك واخا كنت عارفه بلي نت لی فرقتینی علیه وكنت عارفه بلي نتی لی فتریتي علیا وقلتی لیه بلی انا خارجه طریق وممزیناش و انا بنت مكتسواش وكنر مصاحبه مع شی حد وقلت لیهم اما تزوجوني ولا نهرب ایمتا اخالتی تصاحبت مع شی حد طول حیاتی كنت مخلصة لولدك حیت كنبغیه علاش درتی فیا هكا اعمتی علاش علاش😢😢
عمتی: درتو حیت بغیت ننقذ ولدی منك كنت عارفاك غتاخدیه الی تزوجتی بیه وشفتك كضوری بیه وتغدیت بیك قبل ماتعشای بیا
انا: دمرتینی اعمتی شحال بكیت علی فراقو وتالمت مت اعمتی مت ونتی اختی لیلی ختی اه ختی ملی عرفت بخبار زواج امیر تصدمت بكیت نهاریت ونت لی كنت فجنبی تتواسیني ونت عروستو وانا مجیبه لدنیا خبار صیفطونی عند خالتی باش منحضرش لعرسو تبعتكم ومشیت حیت حسبتكم باغین لیا الخیر ومبتونیش نتالم باقی نافقتینی اختی وكذبتی علیا علاش مجرتیش لعندی وقلتی ر انا اختی العروسه مكنتش غنحقد علیك كیما دابا ولكن نتوما لا خبیتو علیا وبعدتوني لیلی: اه خبینا علیك حیت مكانش بابا وماما باغینك تشوفینی كنتزوج براجل لی كتبغیه وكانو خایفین لدیری شی شوها فالعرس انا:وقتها تاصلت بیكم وحسیت بماما مقلقه من صوتها وقلت اكید بسبابی غتكون مقهورة علیا وقررت نرجع ملی وصلت لقیتك یلاه خرجتی بكسوه بیضا وصلا وسلام متیقتش لی شفتو مت تبعتكم فطاكسی تا وصلتو لفیلا وقتها تاكدت بلی نتی العروسه لی خدات منی الراجل لی كنبغي تصدمت بكیت متیقاش بلی ختی بی له دارت لی هكا وقتها كمل علیا بابا دانی وحبسنی فالبیت نهار كامل ملی تفكرونی لقاونی سخفت
Smholiya bzaaf albnay t3tlt 3likom mais promise ankmlha likom ri chwiya
