#حكاية_عهد_واسامه
#البارت_الثامن_اشتقت_لها
#بقلم_LamarAlzankna
#الناشربارق_العراقي
كعدت على دكة باب البيت فتحتها لكيت سجى وضحى دخلو
ضحى وسجى: صباح الخير يل عريس
اسامة: صباح النور شنو حلمانين بية من الصبح
سجى : لا حلمانين بفلوسك
اسامة: شتريدن
ضحى: باجر كطع المهر مالتك ورق دنحضرلك مهر حلو
اسامة: ماشي سجى سويلي جاي
سجى: ماشي راح اخدمك اخر ايام
صعدت لغرفتي طلعت فلوس وانطيتهن ل ضحى
اسامة: ضحى أي شي لتقصرين بي ماريد شي ناقص
ضحى : اي يول شبيك هسه تشوف شلون اسويها تجنن
جتي سجى جابت الجاي شربتة وبدلت اخذتهن وياي وصلتهن لبيت ربى وطلعت لدوامي ضلينا اني وسرمد نخابر الزلم ونتفق على قراية الفاتحة وكطع المهر باجر خابرت كرايبي هم عزمتهم خلص الدوام رجعت لبيت ضحى لكيت بنات خواتي هناك بس خواتي طالعات علمود تجهيز المهر
اسامة: خالو اميرة صبيلي غدة
اميرة: يدلل العريس
اسامة : هاي حتى انتي عريس لزكتي بيها
اميرة: غير عريس بس صدك عهد حلوة
اسامة: شفتيها
اميرة: طبعآآآ
اسامة: وين
اميرة : بموبايل خالة سجى
اسامة: سجى عدها صورتها ومكالت يلة خالو صبي الغدة
جابت الغدة تغديت ونمت ببيت ضحى كعدت العصر لكيتهن جايات سألتهن كالو طلعن التحضيرات يجنن صحت سجى على جهة
سجى: ها وسومي
وسام: دزيلي الصور
سجى: ياصوور
وسام: صور عهد ع السريع
سجى: هاي منو كلك عندي صورها
وسام: سجججى ادري عندج صورها دزيهن عاد
سجى: ماكدر
وسام: ليش
سجى: ميصير
اسامة: شنو ميصير غير مرتي واريد صورها
سجى تخوصرت: من شوكت صارت مرتك بعدكم معاقدين
اسامة: يلة عاد سجى مو مردتي كلبي
سجى: ماكدر صورتها ممحجبة
اسامة : يعني مثلآ راح انشرها غير اشوفها لتعقديها سجى جيبي صورها
سجى: راح انطيك ياهن بعد ماعلية اني
اسامة: يلة
دزتلي الصور ع الفايبر حفضتهن
اسامة: عندج رقمها
سجى: اووويهااا شتريد برقمها نوب
اسامة: غير اخابرها
سجى: ماكووو
اسامة: لعد انتي مو جنتي تخابرين ياسر بخطوبتكم
سجى: ورا ماكطعنا مهر كمت احاجي
اسامة: اني هم ورا ماكطع مهر احاجيها يلة عاد ردي
سجى: سجل ......٠٧٧
اسامة: وردة تسلميلي يلة مع السلامة
ضحى: وين
اسامة :رايح لبيتي تصبحون على خير
الكل: وانته بخير
رحت للبيت واني اكلب بصورها اول مرة اشوفها بدون شال شعرها واصل للخصر لونه جوزي على عسلي وعيونها بنية وهية بيضة تخبل يا حظي بيها صدك مبخت دخلت على رقمها عدها فايبر خلفيتة اللهم احفظ امي وابي كما ربياني صغيرانآ دخلت رقمها ع الفيس معدها غفيت واني اباوع لصورتها كعدت ثاني يوم شربت جاي وبدلت وطلعت لدوامي اخذت اجازة اليوم خميس ورحت لبيتي خابرت العائلة يجون خواتي وصلن وجهالهن وسرمد والجهال تحضرنة وصعدنه سياراتنه وعمامي جوي وشيوخ من عشيرتنه
صارت كيتين زلم وكيتين نسوان وصلنالهم
-----
عهد ورا ماطلعت ويا للكاظم ارتاحيت اطباعة حلوة اشترالي غراض رسم واني مهووسة بهل سوالف عرفني احب هيج سوالف اخذهن كال اخليهن ببيتنه حلو اسم بيتنه بس احنه الاثنين نمت بكوة وثاني يوم عبر بالتحضير وخواته اجني بس يصلن ع النبي وفرحانات بي ثلاثتهن محبوبات بس ربى سبورتية كلش يمكن لان صغيرتهن ضلت تشاقيني وتكلي شنو خلطتج السحرية وهيج خبلتي اسامة جان رافض فكرة الزواج بس من شافج تخبل عليج والابتسامة متفارق وجهة
عهد: ليش هوة شايفني وين
ربى: اي سمعت من سرمد جاي على ابوج وانتي طالعتله
عهد: اني تهيئلي شايفته بس مدذكر وين
ربى: ضحى ضحى
ضحى: هاا
ربى: اسامة وين شايف عهد
ضحى: جاي على ابو ايسر بشغل علمود سرمد ولاكي عهد تغسل الباب وحاجي وياها وانعجب الافندي😉 ووكع ومحد سمة عليه
ربى: ها ولج تذكرتي
عهد: اي اتذكر هيج موقف بس ماركزت بوجهة زين
ربى: وراج عمر بطولة ركزي على راحتج هههه
ابتسمتلها وتذكرت هذا نفسة الي اجه من غسلت الباب وصعد السيارة وابتسم وطلع سبحان الله شلون صدفة ولاتخيلته ههه مشى اليوم عادي واحنه حضرنه الحفلة طلعت خرافية وحجزنه صالون وكعدت فرح وعزة وبت بت خالة ابوية يشيرن جسمي صرت حمرة كمت ونمت ثاني يوم من ال٨ الصبح اخذوني للصالون حفو بس حواجبي مقبلت احف وجهي لان شعر وجهي اشكر ممبين حرامات احفه ويضوج النوب سوتلي تسريحة ام الصالون ومكياج ورجعت للبيت ١٢:٠٠ تغدينة واني بس خايفة ليروح المكياج واتلوص بس خوش ام صالون ضل ثابت المكياج لل١ونص الضهر بدلت وكعدنة خابرت ضحى كالت جايينكم اني خوف صار بيه مو طبيعي بطني توجعني معدتي تمغصني احس اختنكت هوة ماكدر اتنفس صفريت كلها تضحك علية وتكول وج شبيج راح يذبحوج خالتي اجتي ونسوان خوالي وبناتهن من غير محافضة والكرايب كلها البيت صار هوسة واني من لاشي طابة فلم رعب الجهال جوي كالو اجووو اجووو اني صفريت وحمريت وخضريت
&&&&&&&&&&&&&&&&&&&&&&&&
أنت تقرأ
عهد واسامه بقلم Lamar Alzankna الناشربارق العراقي
General Fictionانا تلك الفتاة التي لا أومن بوجود الحب نهائيآ..عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة لتعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدون ذ...
