حكاية_عهد_واسامه
#البارت_٢٤_تغار_من_ماضيي
#بقلم_LamarAlzankna
#الناشربارق_العراقي
اسامة: ليش هل سؤال
عهد: بس فضول
اسامة: كملتي غداج
لزمت ايدة: امانة لتضم عليه شي
اسامة: شتستفادين اذا عرفتي
عهد: بس كلي
اسامة: اي
عهد: يعني حبيت
اسامة: ماتصور جان اسمة حب بس اي
عهد: شلون يعني
اسامة: تأخرنة يلة
وكف على حيلة وكام للمغاسل ضليت افكر معقولة اني مو اول وحدة بحياتة ليش عاف ذيج البنية الف فكرة بدماغي وعيت على نفسي بوكفته كبالي يشيل الجكاير والسويج
اسامة: راح ادفع الحساب بين متغسلين
هزيت راسي بمعنى اي وكمت للحمام غسلت اباوع بالمرايا شبي كلبي انعصر شعلية اني وهيج تضايقت ذاك ماضي وراح اوووف خرب شبية ضليت افرك على كلبي اريد تروح الخنكة ماكو مدرتاح اباوع عيوني حمرت اندكت بابا المغاسل
اسامة: عهد كملتي
اخذت نفس وطلعت مدنكة علساس دادور شي بجنطتي هزيت براسي بمعنى اي
اسامة: شتدورين
عهد: هيج
مشى كدامي واني ويا صعد السيارة واني صعدت ابد مباوعت بوجهة ضليت مدنكو العب باصابع ايدي وبعدها الخنكة بكلبي
اسامة: بيج شي
هزيت براسي بمعني لا
اسامة: عهد متاكدة مبيج شي
اشرت براسي بمعنى اي
اسامة: عهد ليش تضمين علية احسج ضايجة من شي احجي
عهد: مضايجة
وكف السيارة ودار وجهة علية: احجي
دنكت راسي: منية
اسامة باستغراب : منية
عهد: الجنت تحبها
اسامة: كتلج مجان حب
عهد: شسمها
اسامة: ب شنو يهمج
عهد: انته شنو يهمك حتى متكول اسمها احجي وفضها
اسامة: هدية
عهد: منين تعرفها
اسامة: استغفر الله جانت وياي بالجامعة
عهد: ليش عفتها
اسامة: عهد مو كافي ماضي وانتهى
عهد: بعدك تحبها
اسامة: لا
عهد نزلت دموعي واني مدنكة راسي: احجيلي كلشي وريحني
رفع وجهي باصبعة باوع بعيوني دموعي تنزل: ليش تبجين
عهد: احجيلي
اسامة اخذ نفس : هدية عرفتها بالسنة الثانية بالكلية دخلت وياها بعلاقة بس ماستمرت بالسنة الثالثة تقدملها مهندس وقبلت بي وتزوجت وكلشي انتهي بعد شكو تبجين
عهد😢: يعني تحبها لو لا هسه
اسامة: جنت متوهم واني اكول احبها لو جنت احبها صدك ماجان عفتها تتزوج وتروح من ايدي جان مجرد اعجاب بس هسه عرفت معنى الحب
كور وجهي بايدة ومسح دموعي باصبعة: وياج عرفت الحب من عرفتج عرفت الحب بس الج عهد غيرج محد طب كلبي لو حاولتي تعوفيني اتخبل ماتحمل دقيقة وانتي بعيدة عني امنيتي هسه اخذج لبيتي وماخليج تطلعين منه وكل ثانية اضل وياج احبج بس انتي احبج والله العضيم انتي غير شكل مو بس علاقة وحدة سويت وصلت ٣٠ سنة سويت اكثر من ٥ علاقات كلها عابرة وما اثرت بية بس انتي غير شكل كلشي مختلف وياج احبج باس خدي احبج باس خدي الثاني احبج باس كصتي احبج باس حنجي احبج باس خشمي احبج دفعته
عهد: يلة
اسامة : ههههههه خليني اكملج شكد احبج
عهد: ميحتاج عرفت
اندار شغل السيارة يكمل السواقة
عهد: صدك جان عندك اكثر من خمس علاقات
اسامة: اي جاان
عهد: وهسة
اسامة : صار سنة على اخر علاقة ماعندي غير وياج
عهد: اسامة اذا بعدين رجعت لعلاقاتك
وكف السيارة واندارلي لزم ايدي: اذا سمعتي بيوم باوعت لغيرج الج حق شتسويلي سويلي تكتليني تذبحيني ما احجي شي
عهد: اعوفك واخليك انته وضميرك
باس ايدي : اموت عليج
كمل الطريق وهو لازم ايدي صراحة خفت ودخل الشك لكلبي معقولة هلكد عنده علاقات زين اذا ورا الزواج رجع لعلاقاته ضل تفكيري بهل موضوع الى ان وكفنه كدام مول
عهد: هاي شنسوي هنا
اسامة: خابريلي امج
عهد: شتسوي بيها
اسامة: دخابري
دكيت عليها
📞📞
ام ايسر: وين صرتي
عهد: ماما اسامة يريد يحاجيج
اخذ الجهاز مني
اسامة: الو عمه شلونج
ام ايسر: هلو اسامة الحمد لله وانته شلونك
اسامة: الحمد لله عمه اني اخذت عهد
ام ايسر: اي كالتلي يمه خلصو غداكم ورجعها
اسامة: عمه اني اخذت عهد وياي نتسوك للبيت اذا مبيها مانع عندج راح نبدي نجهز البيت من هسه
ام ايسر: بس اسامة انته جبير وتفتهم شلون تاخذها وحدكم
اسامة: عمه والله عهد ببطن عيني بس نتسوك وارجعها
ام ايسر: مرتك وحقك بس يا ماما انته هم رجلها وتفهم خوفي عليها وسمعتها من سمعتك لتاخذها لبيتك
اسامة: لا والله عمه بس نتسوك اجيبها
ام ايسر: ان شاء الله
اسامة: شكرآ عمه
ام ايسر: الله وياك
سد الخط وانطاني الجهاز
عهد: شكالت
اسامة: قبلت
عهد: ضاجت مو
اسامة: تخاف عليج وحقها
عهد: شكالتلك
اسامة: ما اخذج للبيت
سكتت لو مسألتة احسن
اسامة: يلة تعاي وياي
نزل نزلت ويا
عهد: شنسوك
اسامة: تجهيز بيتنه تعاي وياي
لزم ايدي ودخل للمحل مال غراض مطبخ
اسامة: المحل كدامج كلشي بنفسج للمطبخ اخذي المطبخ الج والبيت الج وتجهيزة عليج
عهد: ليش مطبخك مابي غراض
اسامة: بلي بس
أنت تقرأ
عهد واسامه بقلم Lamar Alzankna الناشربارق العراقي
Ficción Generalانا تلك الفتاة التي لا أومن بوجود الحب نهائيآ..عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة لتعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدون ذ...
