حكاية_عهد_واسامه
#البارت_٣٩_اعتراف_حب😍
#بقلم_LamarAlzankna
#الناشربارق_العراقي
دخل السيارة للبيت عزة ع السريع نزلت وحضنتني وتبجي حضنتها
عزة😢: حقيرة ليش تعوفينا اشتاقيتلج
عهد: والله اني هم اشتاقيتلج
سد الباب اسامة
اسامة: هاي مو جبتج الها شكو تبجين يلة فوتو
عزة ضلت حاضنتني ودخلنا للبيت اسامة دخل للغرفة يبدل واني وعزة كعدنه بالصالة ضلت حاضنتني وتحجي وياي اجه اسامة كعد كبالنه
اسامة: ترة والله اغار
عزة: كله من وراك انته اخذتها منه
اسامة: شسوي يعني لكيت هل جوهرة وتريديني اعوفها بعدني ممحاسبكم وين جنتو ضاميها علية كل هل سنوات
عزة: اني ماقابلة على زواجكم
اسامة: لا والله منكدر نتزوج بدون موافقتج ههه صارت مرتي بعد
عهد غمزتلة: اسسسامة
اسامة: يلة عزة هاي مو جبتج يمها بعد شكو
كام للاستقبال وعزة كاعدة كلتلها هسه اجيج كمت ورا اسامة مبين ضاج رحت لكيتة كاعد ع التلفزيون حضنته من ركبتة من ورا وحطيت حنكي فوك راسة
عهد: شبي حبيبي
اسامة: يغار ليش متحضني مثل متحضنين عزة
عهد: ههه حبيبي ليش تحط عقلك بعقلها بعدها صغيرة وانته جبير
سحب ايدي وكعدني بحضنه
اسامة: اي عمو الجبير يريد حضن
عهد: حلني لتفوت عزة حلني
اسامة: بوسة
عهد: ولك حلني
اسامة: حتى لو من الخد
بسته بخدة وكمت للصالة كعدت ويا عزة وضليت افهمها وباجر عكبة هية هم تتزوج وهل سوالف قنعت شوية وكلتلها تكوم تعتذر من اسامة بس شوية عزة لسان وعنيدة بكوة قنعت كامت وياي دخلنا للاستقبال كاعد يلعب بموبايلة
عهد: اسامة عزة تريد تحاجيك
ذب الموبايل من ايدة
اسامة: ها عزة
عزة: اسفة عمو
اسامة: عادي عمو اختج عهد شتوقع منج
عهد: شتريدها تصيحلك
اسامة: ماكلت شي هو انتي تصيحين عمو بقت عليها عادي عزة ماصار شي حقج عاذرج والله كله من ورا عهد
عهد: اني شعلية
اسامة: تعلقين الكل بيج
عهد: هههههه كوم تريد عصرية
اسامة: والله تفتهمين
عهد: كوم ابو كرش
كمت اني وعزة للمطبخ واسامة ورانه سويت عصرية وكعدنه تعصرنه ووراها طلعنا كعدنه بالحديقة
عهد: ضوجة نلعب
اسامة: شنلعب
عزة: صراحة وجرأة
اسامة: هههههههه هسه تاكدت انتي اختها
عزة: ليش
اسامة: لا عادي يلة
جريت البطل وحطيتة بالنص وفريتة
طلع بين عزة واسامة
عزة: شسأل شسأل
شاورتها
اسامة : اتفقن علية
عزة: شكد تحب عهد
اسامة: متكدرين تتخيلين شكد
عزة: من ١٠٠ شكد
اسامة: مليون
عزة: اوك
فرت البطل وطلع بيني وبين اسامة
اسامة: شكد تحبيني
عزة: هههههه
عهد: ماحبك
عزة: جذابة
اسامة سأل عزة : انتي تعرفين شكد
عزة: اي هسه اخليها تعترفلك
فرت البطل ووكفته عن قصد بيني وبينها
عزة: اذكري موقف محرج وكعتي بي ويا ايسر
عهد: هذا غش انتي وكفتي البطل
اسامة: اححححجي يلة
عهد: اووف
عزة: تحجين لو احجي
حطيت ايدي على عيوني: احجي انتي
عزة: هذا يا اخي يا عزيز بيوم من الايام كعدنه الصبح اني وفرح دخلنا للمطبخ ونشوفلك عهد تفتر داير مدايرها مثل الخبلة وتضحك الى ان وكعت بحضن فرح وكالت احبة ياناس احبة فرح اني احب اسامة
اسامة: ايييي
عزة: خلي اكملك شفت ايسر بباب المطبخ ويباوع ل عهد عهد شافته وفشلت فشلة مال اوادم ويومين متباوع بوجه ايسر
اسامة: ايييي عهد هاي شوكت هههههه
عهد: لتضحك اضحك على نفسك عزة اني بذاك اليوم قبل لا احجي اني هوة كعد كل اهله ويكوللهم احبها
اسامة: اي احبج احببببج احبببببج واموت عليج ما ضام شي اني
عهد: اني هم ماضامة احبببك احببببك
اسامة: اووويلي ي كلبي ماتحمل بعد عزة شكرآ شكرآ شكرآ
عهد: علساس متدري مو البارحه كتلك
اسامة: بس ماكلتي بس الي بس هسه الكل راح يعرفون بيج
عهد: اي خلي نكمل
افتر البطل بيني وبين اسامة
عهد: اهووو اليوم كله بينة خلي نبطل
اسامة: لا منبطل انتي جريئة
عهد: لا مو جريئة
اسامة: جبانة
عهد: اي جبانة اعرفك اني
اسامة: لا متعرفيني
عهد: خلي نشوف يلة جريئة
اسامة: بوسيني
عهد: مو كلت اعرفك
اسامة: انتي تفكيرج مدري شلونه
نفخ خدة وواشر باصبعة علية👈
عهد: ادبسز
بستة بخدة
اسامة: عزة كولي لاهلج عهد تحب اسامة وباسته كدامي
عهد: اسسسسامة
عزة: تدلل
عهد: ولج انتي اختي لو اخته
عزة : اختكم
عهد: كافي بطلنا اكوم اسوي عشا
عزة: لا كوم عمو وديني
اسامة: متبقين؟
عزة: لا ماما كالت ارجعي
عهد: ليش
عزة: كافي مو شفتج ولعبنا واطمئنيت عليج
عهد: اطمئنيتي علية ليش اني وين
عزة: اطمئنيت اسامة زين وياج ويحبج
اسامة حط ايدة على جتفي
اسامة: وروح امي احطها بعيوني شعندي غيرها
عزة: الحمد لله الله يجعلكم يلة كوم وديني راح تذبحني امي
اسامة: يالله
وكفنه بوست عزة وراحت للسيارة
اسامة: يلة حبيبي. لتنسين تسدين الباب
عهد: متبدل
اسامة: لا حبيبي بالتراكسود هو اني بالسيارة
عهد: ماشي حبيبي احبك
باس راسي: خلي اوصل اختج واشوفج شلون تحبيني
عهد: والله متستحي عود كلت الجبير يطلع مؤدب
اسامة: هههه منو ضحك عليج وكلج الجبير مؤدب يلة حبيبي
صعد السيارة فتحتله الباب طلعو ودعت عزة وراحو سديت الباب وطبيت دك جهازي
📞📞
عهد: ها حبيبي نسيت شي
اسامة: لا حبيبي بس داكلج لتحضرين عشا راح اجيب جاهز
عهد: اوك
اسامة: شتريدين اجيب
عهد: بكيفك شتجيب الك جيبلي
اسامة: انتي شتريدين
عهد: مممم بيتزا
اسامة: تدلل بنيتي يلة حبيبي
عهد: الله وياك حبيبي
سديت الخط ورحت للحديقة شلت الكلاصات والمواعين الي تعللنا بيهن العصر وطبيت غسلتهن ودخلت حطيت الملابس الوصخة بالغسالة وفريتها ورحت بالاستقبال اخذتني الغفوة لان كاعدة من الصبح والبارحة نمت متأخرة وقبلها اصلا منمت اخذتني النومة ماحسيت غير اني دانهز عبالك راح اوكع لزمت بسرعة احد باس ايدي فتحت عيني ..
أنت تقرأ
عهد واسامه بقلم Lamar Alzankna الناشربارق العراقي
General Fictionانا تلك الفتاة التي لا أومن بوجود الحب نهائيآ..عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة لتعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدون ذ...
