#حكاية_عهد_واسامه
#البارت_٢٨_يا_عافيتي
#بقلم_LamarAlzankna
#الناشربارق_العراقي
الممرض باستعجال: تسمم غذائي بس شوية اخي
عافه وفات اني كعدت بالكاع ابجي وعزة كاعدة يمي تحاول تهديني
سرمد بضحكة: عهد هاي شبيج اسامة لو يشوفج يحرك الدنيا على دموعج كومي اوكفي غسلي شوفي ملابسج الافندي غاسلج غسل
يحاول يضحكني
عهد: ما اتحرك منا الي ان يكعد
طبت ماما وبابا للمستشفى شافونه اقتربو
ابو ايسر: خير شبي اسامة
سرمد: يكولون تسمم غذائي
ام ايسر: شلون صار
ابو عبدالله : دننتضر يردون خبر ويطمنونه
جتي امي يمي: كومي عهد غسلي مابي شي هسه يكعد
رفعت وجهي لامي
عهد😢: وكع بيدي تخربط خاف يصير بي شي
ابو ايسر: كومي بابا ميصير بي شي صيري قوية الرجال يستمد قوتة من مرتة
سرمد: وردة ابو ايسر هذا الحجي الصحيح كومي عهد كومي ضحى امشي وياها غسليلها شربيها مي ترتاح شوية
طلع الدكتور: حمد لله على سلامته
سرمد: شطلع بي
الدكتور: تسمم غذائي
ضحى: من شنو
الدكتور: ماكل معلبات بدون حمي ومنتهية الصلاحية
عهد😢: كعد لو بعد
الدكتور: هسه يكعد بابا لتبجين هسه يكعد اخوج مبي شي
عهد: اني مرتة
الدكتور: هههه هسه يكعد رجلج لتخافين غير تديرين بالج عليه وعلى اكله حمد لله على سلامته مرة ثانية
ابو ايسر: الله يسلمك
راح الدكتور اخذتني امي للمغاسل غسلت ورجعت يم باب الغرفة طلع الممرض: كعد المريض تفضلو تكدرون تشوفو
دخل سرمد وورا بابا واني وراهم والبقية وراي ضليت واكفه باخر الغرفة ورا الكل وهمه واكفين يتحمدولة السلامة وهو يشكرهم بس مبين تعبان حتى صوته تعبان
اسامة🤕: لعد عهد وين
سرمد: تخبلت من وراك
اسامة: وينها
ندارو كلها علية يباوعولي وهو يباوعلي استحيت اقترب منه وهمه واكفين
سرمد: تفضل ابو ايسر خلي نعوفة يرتاح
طلع وطلعهم كلهم ضليت بنفس مكاني بس الممرض واكف وهو متمدد عالسرير واني بزاوية الغرفة
اسامة مد ايدة يأشرلي اقترب منه: تعاي
رحت تقدمت منه وحضنته
اسامة: اخ اخ اخ
عهد: حقير
الممرض: رجاءآ لتقتربين منه بعدة مريض
اسامة: عوفها
ابتعدت عنه
عهد: شماكل معلبات
اسامة: باجلا ليش
عهد: وليش متنتبه للصلاحية وليش بدون حمي واصلا ليش تاكل معلبات
اسامة: شسوي ماعندي مرة تطبخلي شتريدين اكل حمص بطحينة
عهد: ماعرف شحجي وياك
اسامة: هاي شبيها عيونج حمرة جنتي تبجين علية
عهد: لا جنت ابجي لان ملابسي توصخت من وراك
اسامة: ههههه سهله منو شالني وجابني لهنا انتي
عهد: اي مو سبايدر مان ليش تستهزء ابو التكسي جابك
اسامة: شبيج ضايجة
عهد: لان انته واحد بلا احساس اني اعصابي احتركت وانته تستهزء
اسامة ندار للممرض: اخي تكدر تعوفنه دقايق
الممرض : اخذ راحتك حبيبي
طلع وسد الباب ورا
اسامة: تعاي اقتربي اشوف
اقتربت منه: شتريد
اسامة: اعصابج احتركت تعاي ابردهن
فتح ايدة يريد احضنه
عهد: هسه اذا استغفر الله ي لساني
اسامة: شتسوين
عهد: لا ماريد اقلل احترامك
اسامة: احجي عاد
عهد بعصبية : اسامة كافي تستهزء داكلك اعصابي احتركت وانته ولا كانو اكو شي كاعد تتمضحك
اسامة: بس كولي شردتي تكولين واستغفرتي ربج
عهد: ماكول
اسامة: يلة دكولي
عهد: انته ردتها هسه اذا اتفل عليك هم تزعل شنو هل اعصاب الثلاجة العندك
اسامة: المفروض ازعل بس راح اسكت لخاطر عيونج
عهد: انته كلت احجي
اسامة: عهد تحبيني
عهد: اااا مووووت منننننننك
اسامة: صدكت
عهد: راح اروح اني باي
اسامة: صدك والله
عهد : والله
اسامة بزعل: الله وياج
طلعت وسديت الباب وراي
عهد: ماما راح اروح للبيت ابدل
ابو ايسر: احنه هم نروح مازال طمئنينة على اسامة مابي غير العافية
سرمد: الله يعافيك تسلم
ام ايسر: حمد لله على سلامته
ضحى : الله يسلمج
طلعت ويا اهلي للبيت وصلت دخلت سبحت واني افكر بي ليش هلكد اخاف علية معقولة احبه لا مو حب هذا اهتمام طردت الافكار من راسي وطلعت لغرفتي بدلت ملابس. طلعة شلت جنطتي وموبايلي وطلعت
عهد: بابا تسمحلي اروح للمستشفى ابقى ويا اسامة
ابو ايسر: يابة بكيفج رجلج هوة اني شعليه
عهد: شكرآ بابا
بوستة وطلعت وصلني ايسر وراح طبيت للمستشفى لكيت خواته كلهن بالمستشفى هاي الساعة بال ١٢ وربع سلمت عليهن
ضحى: اشو رجعتي
عهد: رحت بس بدلت واجيت خوما اعوف اسامة
ربى ابتسمت: لا لتعوفي اصلا ضايج لان رحتي
ضحى: اريد اروح للبيت ابدل واجيبله ملابس راح يبات هنا اليوم تبقين يمه
عهد: اي روحي انتي
ضحى: اوك
راحو كلهم بقى بس عبد الله ابن ضحى سرمد راح ياخذ اجازة ويرجع عبد الله كعد يراسل بلباب مال غرفة اسامة
دخلت اني لغرفته لكيتة مغمض عيونه كعدت بصفة ع الكرسي ولزمت ايدة فتح عيونه
اسامة: هاا رجعتي
عهد: متريدني
داكوم لزم ايدي
اسامة: ياعافيتي ابقي وياي
&&&&&&&&&&&&&&&&&&&&&&&&
أنت تقرأ
عهد واسامه بقلم Lamar Alzankna الناشربارق العراقي
Tiểu Thuyết Chungانا تلك الفتاة التي لا أومن بوجود الحب نهائيآ..عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة لتعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدون ذ...
