حكاية_عهد_واسامه
#البارت_٣٦_يوم_الزفاف
#بقلم_LamarAlzankna
#الناشربارق_العراقي
شفت امي وابوية كاعدين وعيونهم مدمعة شافوني بلباب بابا فتح ايدة رحت ع السريع حضنته وبجيت بحضنه وامي تفرك ضهري
عهد😢: بابا ماريد اعوفكم
ابو ايسر😢: شبيج ياروح ابوج هيه هاي سنة الحياة لتبجين
ام ايسر😢: باجر تصيرين ام بيت مو عيب تبجين
عهد😢: لعد انتو ليش تبجون
نمت بحضن ماما وبابا للصبح كعدوني الساعة بال ٧ البنات كلهن فوك راسي
البنات👏👏: عرس الزين هيل وطش بالولاية وعرس الزين هيل وطش بالولاية كللللللوشش فتحت عيني مبتسمه كومني سحل للحمام غسلت لبسني عباية اسلامية وشال واجه سرمد اخذنه للصالون لعبن بيه لعب طلبت يجيبون مصورة تصور كل اليوم ونفس الحالة ل اسامة حتى يبقى ذكرى طول العمر صدك والله المصورة تصور فيديو لبست بدلة بيضة ضهرها تول وردانها هم تول هيج شكلة تقريبآ
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تحضرت خابرت ضحى على اسامة يجي ياخذنة ورا عشر دقايق اجت الزفافة نهرجت الدنيا طب اسامة للصالون طالع يخبل مزين ولابس قاط اسود باس راسي وحضني وراها طلعونة صعدت السيارة مزينيها اخذوني لبيت اهلي نزلت ودعتهم اصعب لحضات مرت عليه هية من طلعت باب بيت اهلي بهذا البيت كضيت عمري صعبة حيل اطلع منه ماشفت اخوتي لا ايسر ولا محمود ودعتهم ودموعي موكفت طلعونه زفونه مشاعري مخربطة بين الحزن على فراق اهلي والخوف من المستقبل المجهول والتوتر من اليوم والفرح لان اني ويا اسامة كل مشاعري متضاربة بس اني ويا بالسيارة هو يسوق واني بصفة لزم ايدي باسها
اسامة: شبيج حبيبتي
هزيت راسي بمعنى لا: مبية شي
اسامة: شنو خايفة
هزيت راسي بمعنى لا
لزم راسي وباسه وهو يسوق
اسامة: لتخافين حبيبتي انتي
ضل طول الطريق لازم ايدي والاغاني صوت عالي والمصور سيارته قريبة من سيارتنه يصور نزلنه يم المصور طكينا صور وصعدنه النوب وصلنه للطرف مال بيتي نزل اسامة وفتح الباب الي واني الخوف مسيطر علية لزم ايدي نزلت ويا وكفو بالشارع يغنون والولد يركصون والنسوان تصفك حطو طاسة مي بباب البيت وكالو ادفريها وفوتي دفرتها وفتت واسامة لازم. ايدي سد باب الحديقة وندار علية شالني +
كعدت الصبح وهو نايم طبيت غسلت وطلعت لبست فستان ابيض وبي ذهبي صلوخ وفوكاه روب وهوة بعدة نايم مشطت شعري عفتة مفلول حطيت مكياج واجيت كعدت على طرف الجرباية مديت ايدي لعبت بشعره ضل نايم بستة بخدة ووخرت داكوم سحب ايدي
اسامة: صباح الخير ي عروس
عهد: صباح النور ي عريس
اسامة: شو تعاي بصفي
عهد: اساامة
اسامة: يعيون اسامة بس احضنج
سحبني بصفة وحضني
اسامة: شوكت كعدت حبيبتي
عهد: حبيبتك كعدت من الجوع كوم ناكل
اسامة : مابية حيل تعاي اكلج
عهد: يلة حبيبي كوم
اسامة: خررررب بالاستغلالية تدرين من تكولين حبيبي كلشي تطلبي انفذة كومي يلة
طلعت من الغرفة للمطبخ حطيت القوري ع النار داخدر جاي
اسامة صاح: حبيبتي منشفة
رحت للغرفة جريت المنشفة من الكنتور مديتها اله اخذها
اسامة: الدشداشة وردة
عهد: تدلل
رحت جبتله الدشداشة اخذها رحت للمطبخ طلعت الكلاصات داغسلهن حسيت بي وراي محاوطني بايدة وراسة بركبتي وقطرات مي من شعرة توكع
اسامة: شتسوي حبيبتي
عهد: ريوك لحبيبها امشي نشف شعرك
سحبني: عوفي الريوك حبيبها يريد غير شي
عهد: اسامة اسامة انتضر
دك جرس الباب
اسامة صاح: عرسان لتزعجوهم
ضربته على حلكة باطراف اصابعي
عهد: صوتك عيب
اسامة بضوجه: منو جاي من الصبح ميكولون عرسان جدد
عهد: ولك اسكت امشي شوف منو جا
اسامة: ماشي ماشي
طلع فتح باب المطبخ وطلع لباب الحديقة فتحها شفت ضحى طبت ووراها سجى شايلة الصينية مال ريوك ووراهن ربى وكفت بباب المطبخ شفتهن بوسن اسامة واجني بوسني اني هم
سجى: صباحية مباركة ي عرسان
عهد: الله يبارك بيج
اسامة سد باب الشارع ووكف وراهن
اسامة: هو انتن بقيتن بيها صباحية
ضحى: ههههه ليش
اسامة: والله لوما اكبر مني جان عرفت شسوي بيجن حسن وكولن اخوية عريس المفروض يبقى ويا مرتة وحدهم
أنت تقرأ
عهد واسامه بقلم Lamar Alzankna الناشربارق العراقي
General Fictionانا تلك الفتاة التي لا أومن بوجود الحب نهائيآ..عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة لتعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدون ذ...
