#حكاية_عهد_واسامه
#البارت_٣٥_مفاجئة_عيد_ميلاد
#بقلم_LamarAlzankna
#الناشربارق_العراقي
والاحلى مزين الاستقبال كله واهلي واهله واكفين وكيكة بالنص وشمعة ١٩
الكل: Happy birthday to you
ويصفكون واسامةواكف بصفي وايدة من وراي محاوطتني ضليت متفاجئة اجتي عزة سحبت ايدي ووكفتني كدام الميز اميرة تصور وهمه يغنولي
حمزة: يلة طفي الشمعة
اميرة: تمني امنية
غمضت عيني وبداخلي داتمنى اسامة واكف بصفي همس بنفس الوقت
عهد بداخلها: الله لايحرمني منك
اسامة بهمس: الله لا يحرمني منج
نفخت ع الشمعة ونداريت باوعتله ابتسم وابتعد عني كلها اجتي تعايدني من بابا ل اصغر واحد واني اباوع ل اسامة ابد مقترب ولا كال شي قطعت الكيكة ووزعت عليهم باوعته طلع من الاستقبال للصالة سحبت نفسي بهدوء وطلعت ورا مالكيته بالمطبخ بس طالع يجنن والبيت كله يخبل فتحت باب غرفة الرسم مالتي مموجود دافتح باب الغرفة مال نوم حسيت حركة وراي نداريت طلع من الحمام سحبني ويا فتح باب الغرفة ودخلني ورا الباب وسد الباب دنكت راسي
عهد: ليش عود معايدتني
حط اصبعه على شفتي : اشششششش
يبوس راسي ويحجي ويا كل بوسة: كل عام وانتي مرتي كل عام وانتي حبيبتي كل عام وانتي روحي كل عام وانتي كلبي كل عام وانتي كبدي كل عام وانتي ريتي كل عام وانتي نفسي كل عام وانتي ملكي كل عام وانتي شراييني كل عام وانتي وتيني كل عام وانتي ام بيتي كل عام وانتي ام جهالي كل عام وانتي ملكي كل عام وانتي اعز ناسي كل عام وانتي العشق مالي احبببببببببببج حيييييييل
ابتسمت رفعت نفسي اله بسته💋 خفيف : كل عام وانتي ابو بيتي احبك
رجع باسني دفعته : اسامة اسامة
اسامة: اشششش
ضل يبوس بكل وجهي
عهد: كافي اسامة خل نطلع اسامة
اسامة: اشششش
حضني بقوة هو يبوس راسي
عهد: راح يجي احد وخر
ابتعد عني طلع من جيبة علبة فتحها بيها كلادة ذهب مفتاح لبسني ياها
عهد: هاي شنو
اسامة: مفتاح كلبي بس يمج
فتح اول ازرار قميصة
عهد: ا اا اسا مة ش تت سوي
سحب قميصة واشم وشم على صدرة فوك كلبة بلضبط شكل قلب وجواه كاتب اسمي وبنص الكلب مكان مفتاح جلدة صاير احمر من الوشم
عهد: اساامة هاي شنو
اسامة: هذا كلبي ومفتاحة بيدج
عهد: لونه احمر يأذي حبيبي
💋 اسامة: انتي بس كولي حبيبي يروح كل الاذى
عهد: مخبل
اسامة: محد خبلني غيرج اموت عليج
عهد : سد قميصك دنطلع اهلي برة
ابتسم طلعت من الغرفة للاستقبال وهوة طلع وراي كعدنه وهمه يحجون لل سبعة اهلي كامو مقبلو يضلون كمت وياهم طلعنا رجعت للبيت مر اسبوع وبدت الامتحانات مال نص السنة وعبرت الامتحانات قررنه نسوي العرس بعد اسبوع راحن فرح وضحى واميرة وسجى وربى وامي لبيت اسامة فرشن الفرشة والتحضيرات طبعآ اسامة ديبات ببيت اخو ممنوع يطب للبيت حجزت صالون اسامة حلفني ما اصبغ شعري ماصبغت صار يوم الاربعاء اليوم الحنه علكنها البنات وكرايبنة جوي لبست بدلة ذهبية وماروني ههه لوني المفضل هو الماروني ورفعت شعري بتسريحة كعدنه ركص وهلاهل وهوسات لحد ماكالو اجه العريس دخل اسامة باس راسي
اسامة: شطالعة كيممممر
كعدونه وضلو يهلهلون اجتي امي ومرت ابو ل اسامة حنونه مرت ابو لستني ٦ بتوت
مرت الاب: ابوك المرحوم قبل ليموت وصاني بيك وكالي هاي ل جنتي
اسامة غرغرت عينه كام باس راسها وحضنها
مرت الاب: شكد حاولت اكون بدل امك بس ماكدرت اعوضك عنها الله يسعدك
اسامة: شكرآ خالة ماقصرتي بيوم وياية
ندار عليه حضني حط راسة بركبتي حسيت دموعة على ركبتي بست جتفة
اسامة: احبج
عهد: اموت عليك
مسح دموعة وابتعد عني طلع برة وكملنا الحفلة دخلت دانام ماكدرت حييل خايفة ومتوترة من باجر مكدرت انام دك علية اسامة انطيتة رفض ودزيتلة رسالة📱
عهد: اسامة عفية ماريد احجي خايفة عوفني
اسامة: على شنو تخافين ياعمري
عهد: بس اليوم عوفني
اسامة: تدللين بس لتنسين احبج
عهد: اني هم باي
اسامة: باي
قفلت جهازي وحطيت راسي ع المخدة مكدرت انام كمت فتحت باب غرفة ماما على كيفي شفت امي وابوية كاعدين وعيونهم مدمعة شافوني بلباب بابا فتح ايدة
&&&&&&&&&&&&&&&&&&&&&&&&
أنت تقرأ
عهد واسامه بقلم Lamar Alzankna الناشربارق العراقي
Ficción Generalانا تلك الفتاة التي لا أومن بوجود الحب نهائيآ..عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة لتعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدون ذ...
