#حكاية_عهد_واسامه
#البارت ٣٠_اول_قبلة
#بقلم_LamarAlzankna
#الناشربارق_العراقي
عهد: هاي ضحى كالتلك
اسامة: يعني كلتي صحيح
وكفت: استغللللاللللي
اسامة: لا والله سمعتج بس عبالي دهلوس
عهد: اي هو دتهلوس مكلت شي اني
اسامة : اوك
كعدت ضليت اهز برجلي من التوتر
مرت ساعة واحنه على نفس الحال الى ان مد ايدة على جتفي
اسامة: اسف زعلتج داشاقيج
عهد: اسامة يمكن منكدر نكمل لازم نفصخ
كعد: شنفصخ
عهد: زواجنه كل مشاكل من هسه شكو دنستمر تاليها راح نتطلك خلي من هسه نفصخ اريحلنه
اسامة: احنه شوكت صايرة بينه مشاكل شقى هذا شبيج صدك تحجين
هزيت راسي بمعنى اي
وكف على حيلة
اسامة بعصبية: جااااوبي
وكفت وتخصرت: شبيك داشاقيك
اسامة: هوة هذا شقى بدينج
عهد: ليش انته مو تشاقيني لو ميصير اشاقيك
اخذ نفس وزفرة: تعاي حضنيني
عهد: نعم
سحبني لحضنه وهو واكف: مرة ثانية اذا تشاقيتي هيج شقة اذبحج والله
حاولت ادفعة بس هوة حاضني بقوة
عهد: شبيك اعصابك كتلك داشاقيك حلني
حضني اقوى: عهد هيج حجي مال تعوفيني ونفصخ لتجيبين طاري على لسانج واصلا لتفكرين بي لان اتخببل مجرد ما اتخيل بعدج عني اتهستر اذا تريدين تكطعين عني الهوى وتموتيني عوفيني
عهد: اوك بس فكني
اسامة: انجبي
عهد: بس فكني دحاجيك
اسامة: لتعوفيني عهد امي عافتني وابوية هم عافني لتعوفيني
عهد: ماعوفك بس فكني اختنكت
حلني على كيفة ودار ضهرة علية
عهد: باوعلي
ماقبل يندار يباوعلي تحولت اني وكفت كدامة لكيت دموعة على خدة مديت ايدي ومسحتهن
عهد: هاي شبيك
اسامة يدفع ايدي: مبية وخري
عهد: داشاقيك والله شكو شبيك يمة فدوة لهل دمعات رفعت رجلي داوصل بطولة بست خدة نزل وجهة وباسني دفعته وابتعدت بسرعة طلعت بدون ما اباوع بوجهة سديت الباب وراي ووكفت احس حرارة وجهي راح يشتعل نار مشيت للمغاسل غسلت وجهي اباوع بالمرايا صفنت شوية ووعيت على نفسي طلعت كعدت بالممر مال مستشفى وسرمد ماكو دقايق كاعدة اجه سرمد من برة جايبلي لفة كص وقوطية ببسي
عهد: تسلم
سرمد: تدللين شنو اسامة نايم
احس وجهي اشتعل نار مرة ثانية: مادري
راح مد ايدة على يدة الباب يفتحها انفتحت وطلع اسامة مبدل باوع بعيني ثواني ونزلت وجهي
سرمد: وين رايح
اسامة: ها ضايج اريد افتر طكت روحي
سرمد : تعال وياي
مشو من كدامي
سرمد: متجين ويانه
عهد: لا ابقى هنا
اسامة: امشي لتبقين وحدج
كمت وياهم سرمد صار بالنص واني على ايدة اليمنى و اسامة من الجهة اليسرى طلعنا بالحديقة كعد اسامة وسرمد بصفة اني كعدت على مصطبة ثانية
اسامة: اني هم جوعان تضحكون علية بالشوربة
سرمد: جان جبتلك بس ممنوع لل٦ العصر يلة تاكل
اسامة: اووف كلشي ممنوع
ويباوعلي دنكت راسي وكملت اكلي صارت الساعة بالستة العصر دخلنة للغرفة
عهد: سرمد خابر على وحدة من البنات تجي
سرمد: ليش
عهد: اريد ارجع
سرمد: ليش ضحى كالت راح تباتين
عهد: بس اريد ارجع
سرمد: روحي هسه اخابر على سجى
اسامة: ماكو داعي اني هم اطلع
سرمد : وين تطلع بعد لازم تبات تستقر حالتك
اسامة: مابية شي من الصبح هنا اني كلشي مابية خلي نطلع
سرمد: خلي اكول للطبيب انتي ابقي يمه عهد بين مااحجي ويا الدكتور
طلع سرمد اني نداريت اباوع من الشباك للحديقة
اسامة: عهد اسف مادري شصارلي من اقتربتي مني ضعفت
عهد: مصار شي
اسامة : لحضة ضعف والله
عهد: انسى ما صار شي
دخل الطبيب وسرمد
الدكتور: هاي وين اسامة
اسامة: مليت دكتور طلعني
الدكتور: وحالتك
اسامة: مابيها شي حالتي بالبيت اريحلي
الدكتور: ماشي بس شرط مرتك تدير بالها عليك لتخلي ياكل معلبات بعد
سرمد: هههه ان شاء الله
الدكتور لزم الورقة مال اسامة ووقع عليها
الدكتور : مابيك غير العافية
طلع الدكتور لميت ملابس اسامة
سرمد: اكمل الاجراءات واجيكم
اسامة: راح نطلعلك للباب بين متخلص
سرمد : ماشي
طلع سرمد
عهد: كملت
اسامة: اي
شلت جنطته وموبايلة حطيتة بجنطتي فتحت الباب داطلع مد ايدة فوك جتفي يستند عليه رفعت وجهي اله
اسامة: اخاف ادوخ واوكع
ماحجيت شي ادري بي جذاب العصر افتر المستشفى بدون محد يسندة بس هوة استغلالي واني مادري ليش عاجبني اضل جوة جناحه . وصلنه للباب وكفنه ننتضر سرمد يجي دقايق واجه
سرمد: كملت هاي شبيك اسامة خوما دايخ ارجعك
اسامة: لا
سرمد: لعد ليش مستند على عهد
عهد: استغلالي ماعليك بي
اسامة ضحك
مشينه للكراج راح سرمد قبلنا جاب السيارة وكفها كدامنه صعد. اسامة بالصدر واني ورا دك جهاز اسامة بالجنطة فتحت الجنطة طلعته رفعت حاجبي
اسامة: منو ديدك انطيني
باوعتله بعصبية ومديت الجهاز: ام شذى
دياخذ الجهاز باوعلي عصبية سحب ايدة وعاف الجهاز بايدي
عهد: هاك جاوب
اسامة: انتي جاوبي
عهد: شعلية اني هاك جاوب
اسامة: جاوبي انتي
فتحت الخط وحطيته على اذني
عهد: نعم
ام شذى: السلام عليكم
عهد: وعليكم السلام منو انتي
ام شذى : انتي المنو هذا مو جهاز اسامة
عهد: اني مرته انتي منو
ام شذى : ههههه ..
أنت تقرأ
عهد واسامه بقلم Lamar Alzankna الناشربارق العراقي
General Fictionانا تلك الفتاة التي لا أومن بوجود الحب نهائيآ..عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة لتعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدون ذ...
