#حكاية_عهد_واسامه
#البارت_٤١_ايام_من_شهر_العسل
#بقلم_LamarAlzankna
#الناشربارق_العراقي
اجه حضني من وراي
اسامة: يلة حبيبي ع السريع
عهد: شتريد
اسامة: بدلي وتحضري
عهد: وين نروح
اسامة: شهر عسل
عهد: صدك والله
اسامة: اي والله
عهد: اشو ماكلت
اسامة: مفاجئة
عهد: ههههه حبيبي ليش مارحنه من اول يوم
اسامة: ردت اول يوم النه يكون ببيتنا ووحدنه يلة تحضري
عهد: وين نروح
اسامة: سليمانية لو اربيل بكيفج
عهد: اموت عليك
اسامة: لا هيج مراح نطلع
عهد: ههههه هسه اتحضر
غسلت ايدي ودخلت للغرفة جريت جنطتي وجنطه اسامة نزلتله تراكسودين وفانيلات وشورتات تذكرت جم يوم نبقى
عهد: اسامة جم يوم نبقى
اسامة : بكيفج لما تخلص اجازتي فوك ال١٠ ايام
عهد: والسبعة شلون
اسامة: طزز بيها
عهد: لا اريد اشوف اهلي
اسامة: تدللين بالسبعة نرجع
حضرت الجنط اسامة طب غسل وطلع بالفانيلة والشورت
اسامة: حبيبي الملابس وين
طلعت ملابس الكبلات صار لازم نلبسهن غير تزوجنا طلعتله البنطرون اسود
اسامة: ليش مو الكابوي الازرك
عهد: لا حبيبي اسود
اسامة: اوك القميص وين
ابتسمت: هذا
اسامة لزمة ويكلب بي بلوز ماروني ردان طويل وبي خط ابيض بالاطراف وبالنص مكتوب حرف A
اسامة: هذا منين ماعندي هيج بلوز
عهد: اني اشتريته
اسامة: عهد حبيبتي استحي البس هيج بلوز
عهد: ليش عيني لان حرفي مكتوب علية
اسامة: لا بس مو مال عمري
اتخصرت : ليش عيني عمرك ٥٠ سنة ماكو لعد اني مو راح البس علمودك
اسامة: شتلبسين
عهد: البسة وماعليك
اسامة: والله لعبتي بية طوبة
عفته ورحت للحمام لبست البلوز مالتي بس مالتي شوية اطول من مالته لان اني محجبة والحرف الي بالنص حرف A طلعت لابستة وويا لابسة بنطرون اسود
اسامة شافني فتح حلكة يباوع علية ويباوع لنفسة
اسامة: هاي شنو
عهد بابتسامة: ملابس
اسامة: ههههههه وج هاي وين لكيتيهن
سحبته من ايدة ووكفت بصفة كدام المرايا
عهد: حلو مو
اسامة : اي حلو بس هيج نطلع
عهد: اي ليش لا
اسامة: صدك تحجين
عهد: اي ليش معاجبك اني ادري ليش ميعجبك لان بهل حالة ولا بنية تباوعلك كلها تدري انته مالتي
اسامة: هههههه خرب ببليسج والله مو هيج بس يضحكون علية
عهد: كول ماريدة وفضها
لزمت بلوزة دارفعه
عهد: انزعه ميحتاج
لزم ايدي ونزلها
اسامة: انجبي ولج ليش تزعلين
عهد: انزعة
اسامة: ما انزعة
عهد: اوك اني انزعة
اسامة حضني: حبيبي شبيج والله مو قصدي ازعلج بس استحي اطلع هيج واني بهل عمر
عهد: انته مو جبير
اسامة: ٣٠ سنة شتريدين اصير
عهد: ماعلية ماريد اصلا مالبسة بعد
اسامة: والله متنزعي اريد البسة
عهد: مو من كلبك
اسامة: والله من كل كلبي تدرين ليش لان بهل حالة كل الزلم يعرفون انتي مالتي وبس 😉
عهد: هههه والله
اسامة: والله غير متزوج صغيرونه لعبت بيه طوبة
عهد : معاجبك عيني
اسامة: ههههه عاجبني وكلش عاجبني شو تعاي
شالني على جتفة ضربته على ضهره عهد: نزلني نزلني
نزلني ووكف يعدل شعرة واني تمكيجت ولبست شال اسود وبي ماروني طلعنا ثنائي خنفشاري طلع اسامة الجنط بالسيارة ورجع يطفي الاضوية والاجهزة الكهربائية واني شلت جنطتي مال ايد وداطلع
عهد: اوكف اوكف
اسامة: شنسيتي
عهد: تعال نطك صورة
اسامة: اي هاي خوش
وكفت بالحديقة وطكيتله صورة ووكفت بصفة وطكيت الثانية وكف وراي وحضني وطكيتها
اسامة: جيبي الموبايل
عهد: ليش
اسامة: اطك صورة لزم الموبايل ع السلفي ووكف بصفي
اسامة: باوعي علية
نداريت اباوعلة هو هم دار وجهة علية وباسني
اسامة: باوعي شلون صورة
فتحها وشفتها
عهد: خررب شلون تفكير
اسامة: اعجبج
طلعنا بالسيارة ماقبل اني افتح الباب فتح الباب وصعد طلع السيارة ورجع سدها واجه صعد خابرت امي كلتلها راح نطلع لاربيل كالت الله وياكم بالطريق اخذت جهاز اسامة لان بي انترنت ع الرصيد بحثت باليوتيوب طلعت الاغنية وفتحتها ع السيارة
اسامة: شطلعتي
عهد: هسه تعرف
انا مجنونه متلك صرت( اليسا)
اسامة: احبج
لزم ايدي ويسوق بالثانية
عهد: وجودك حبيبي بيحيني بينورلي كل سنيني
اسامة: لا صدك راح تخبليني انتي
فتح الجامة وطلع راسة
اسامة: احببببببها والله احبببببها
عهد: طب ولك طب جوة اسامة استر علينا وطب
طبب راسة : اموووت عليج
عهد: اني هم احبك بس طب واستر علينا عينك ع الطريق
كملنا الطريق طول اكثر من اربع ساعات نزلنه للمطعم بالطريق بال١٢ وعشرة نزلت من السيارة اسامة نزل لزم ايدي وطبينه كل الناس تباوعلنا
اسامة : هههههه موكتلج يضحكون علينا
عهد: لا ميضحكون يكولون هذا يحبها
اسامة: اكوللهم اني
عهد: اششش اشش لتفضحنا
فاتت من يمنه مرة جبيرة بالعمر مبينة كردية لو تركمانية
العجوز: الله يحفضكم
اسامة: شكرآ خالة
دخلنا للمطعم كعدنه بجناح العوائل طلبنا الغدا
اسامة: هههههه
عهد: شبيك
اسامة: اول مرة اكعد بجناح العوائل دائما جنت اكعد وحدي بجناح الزكرتية ( العزابية)
عهد: اي عيني صار عندك عائلة هسه
اسامة: فدوة لعائلتي اروح
لزم ايدي اجه النادل نزل الغدا تغدينه كمت
كمت غسلت وكام اسامة غسل ودفع الحساب طلعت من المغاسل رحت يمه يدفع الحساب لزم ايدي وطلعنا ماحجيلكم شعوري خوف وفرح وخجل اول مرة الزم ايد احد واحنه طالعين وحدنه احس الناس كلها تباوعلنه صعدنه السيارة وكملنا الطريق وصلنه لاربيل بالسيطرة سوو ورقة مال دخول مدري شنو المهم دخلنا حجزنه فندق ونزلنا اختصرلكم ضلينا ٤ ايام باربيل من احلى ايام عمري تونست ونسه من العمر وحدنه بس اني ويا وكلشي نريدة نسوي مخلينا شي بكلبنا لبسته كل على مرامي لعبت بي طوبة بين قوسين وهو وردة ماكو منه اشترينا هدايا للكل ورجعنه اسامة جان ماقابل نرجع يريد نطول بعد بس اني مقبلت علمود السبعة صح تونست وامنيتي مارجع بس اهلي روحي فرفحت عليهم صار ٦ ايام مشايفتهم اول مرة هيج ابتعد عنهم من دنرجع بيت اهل ماما بكركوك كتله ل اسامة ننزل اشوف جدي وبيبي كال اي اني هم اتعرف عليهم وصلنه كركوك بالعشرة ونص الضحى نزلت سلمت عليهم باركولنه واسامة تعرف عليهم وطلعنا لبيت خوالي سلمنا عليهم وباركولنه رحت لبيت خالتي اسامة تعرف على كل عائلة ماما مطولنه بس على كد نسلم عليهم لان اريد نرجع علمود السبعة رجعنه لبيت جد بل١٢ صبو غدة تغدينة جدي طلع كل فضايحي كدام اسامة شلون جنت ابجي واتمرض وشلون اتعارك ويا ولد خوالي واضربهم وشلون لاعبة بيهم طوبة بيبي تكله الله يساعدك مبين انته هم لعبت بيك طوبة وتأشر على ملابسة لان جنت ملبستة مال كبلات تفاحي لونه ههههه وحجتله شلون جيت للدنيا ماخلت شي يعتب عليها المهم تغدينا وطلعنه الساعة بل ٢ وصلنه للبيت بل٥ الاربع طبيت ميته تعب واسامة خطية تعبان من السواقة نزعت تكرمون الحذاء والشال ونمت جفي واسامه ذب البلوز ونام بصفي ماحسيت الا والساعة بل ٨ وثلث واسامة سودة علية بعده نايم والله خطية كضاها بس سواقة حاضني ونايم حليت ايدة عني وكمت شفته تكرمون بعدة بالحذاء نزعته يا وكمت سويت معكرونه حطيتها على نار ناصية اخذت المنشفة وملابس نوم مستورة بعدني استحي منه طبيت غسلت وحطيت مكياج خفيف فتحت شعري حطيت بس ماشات كدام شلت كذلتي طلعت بعدة نايم رحت للمطبخ طفيت النار ورجعت كعدت يمه لعبت بشعرة بوسته بخدة وباطن ايدو وهو نايم
عهد بهمس: حبيبي حبيبي كوم
اسامة بنعس: مممم
عهد: يلة حبيبي كوم اغسل ترتاح شوية
اسامة: مبية حيل
عهد: يلة حبيبي سويت العشا
فتح عيونة باوعلي ابتسم
اسامة: تعاي بحضني
عهد: كوم اغسل بالاول
جريت ايدة ووكفته كدام الحمام
عهد: يلة فوت اغسل اجيبلك ملابس
انداريت دروح اجيب ملابسة لزم ايدي
اسامة: غسليلي انتي
عهد: ههه لا حبيبي فوت انته اغسل
اسامة: والله تعبان
عهد: استحي
اسامة: اضل بالشورت
عهد: ممم اوك
فات كدامي وكفت ورا ليفتله وغسلت شعرة وهو واكف ماما منا وماما منا
عهد: يلة كمل انته اني اروح اجيبلك ملابس
طلعت حضرت ملابسة انطيته البرنص طلع لابسة
عهد اشرتله عل جرباية: هاي ملابسك
اسامة : ماشي حبيبي
طلعت حميت العشا وصبيته ع الميز اجه من وراي حضني
اسامة بتعب: شكرآ شكرآ شكرآ
عهد: على شنو
اسامة: على حبج على حنانج على اكلج على غسلج على كلشي
عهد: شكرآ انته هم
اسامة: على شنو
عهد: لانك رجلي يلة حبيبي امشي اكعد نتعشة
باس راسي من ورا وراح كعد كعدت كدامه تعشينه شفته يحرك بركبته ويطك بيها
عهد: تعبان
اسامة: اي والله
كملت العشا غسلت المواعين وهو راح تمدد بل صالة رحت للغرفة طلعت دوشك فرشتة بلكاع بلصالة باوعلي
اسامة رافع حاجبة: هاي شنو
عهد: تعال تمدد
اسامة: ليش
عهد: دتعال
اجه تمدد
عهد: على بطنك
رفع حاجبة
عهد: يلة
تمدد على بطني وحط ايدة جوة حنكه وكف فوكاه وفركتله ضهرة
اسامة: اووويلي والله تفهمين قبل لا اكلج هاي شلون
عهد: لان بكلبك
اسامة: احبج
عهد: اموت عليك اشش ارتاح
ضليت افرك ضهرة 1
&&&&&&&&&&&&&&&&&&&&&&&&
أنت تقرأ
عهد واسامه بقلم Lamar Alzankna الناشربارق العراقي
General Fictionانا تلك الفتاة التي لا أومن بوجود الحب نهائيآ..عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة لتعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدون ذ...
