#الناشربارق_العراقي
#البارت_٢٠_جمال_عينيها
#بقلم_LamarAlzankna
#الناشربارق_الغراقي
امي انتبهت اجت يمنه
اسامة: عمه هاي مال تجهيز الكلية ل عهد
ام ايسر: ضم فلوسك عمه ابوها ميقبل
اسامة: عمه ميصير مرتي واني اصرف عليها
ام ايسر: هل حجي تحجي ويا ابوها ماتصور يقبل
اسامة: عمه اخذي واني اكله عود
ام ايسر: ما اقبل يمه يلة تأخرنة
سكت محجى شي بس مبين عليه ضاج طلعنه وكفنه تكسي هو صعد سيارتة وطلع رحنة للسوك دافتر واختار ملابس اجاني اشعار مال رسالة لموبايلي فتحت
الرسالة: لقد استلمت ٥ دولارات من الرقم......٠٧٧ هذا اسامة دز رسالة مرة ثانية
اذا وحدج خابريني اخذت تنورة وطبيت داقيسها خابرتة
📞📞
عهد: الو
اسامة: منو يمج
عهد: وحدي بغرفة التبديل ليش
اسامة: عهد انتي مرتي وعلى ذمتي وشايلة اسمي ليش تأخذين فلوس من ابوج
عهد: اي بس اني ببيت ابوية مو ببيتك
اسامة: علساس عاجبتني كعدتج ببيت اهلج وبعدج عني
عهد: مادري بابا ميقبل
اسامة: اني احاجي عود المهم اخذتي ملابس
عهد: داشوف بعد
اسامة: عهد لتاخذين ملابس كصيفة وتلاري
عهد : ميحتاج توصي اني اصلا ما اعرض جسمي
اسامة: اي عفية يلة اخذي راحتج
عهد: شكرآ ع الرصيد
اسامة: عادي من تخلصين كوليلي مو تكولين لابوج
عهد: يلة باي
اسامة: الله وياج
سديت الخط وحطيت ايدي على كلبي يدك بقوة هاي شبية ضميت الموبايل بلجنطة كدرت الملابس شوية كصيفة رجعتها واخذت قياس اعرض شوية عزة ماعجبها كالت الكصيف احلى كلتلها ماريد المهم طلعنه اخذت قمصان وتنورتين وجاكيتات ومكياج وجنطة وتكرمون احذية ورجعت للبيت ١٢ الا ربع انتهيت من التعب طبيت ذبيت الغراض وشمرت نفسي ع الجرباية نمت كعدت العصر على دكة موبايلي
📞📞
عهد😴: الو
اسامة: صح النوم ياحلوو
عهد ابتسمت: هلو
اسامة: مبينة تعبانة
عهد: اي والله هلكت
اسامة: سلامات يلة كومي كل ماخابرج نايمة
عهد: لا والله لان مريضة دنام
اسامة: اها سلامتج
عهد: عزة دتصيحني باي
اسامة: باي
سديت الخط ونزلت اكلت كعك وجاي مامتغدية كعدت بالهول طالع فلم اجنبي وبابا كاعد يلعب بموبايلة واني داكل عيني صارت بالفلم شفت لقطة البطل حاصر البطلة ويا الحايط وتندك الباب عليهم كبل اختنكت وطفرت الكعكة من حلكي
ابو ايسر: اسم الله شبيج
انتبه للفلم ودنك راسه اني متت خجل كبل اتذكرت من شافنة عبد الله ابن ضحى
عهد: ماكو شي بابا
كمت من الصالة غسلت وثول اي والله نفضحت كدام ابوية ان شاء الله ما حس على شي كمت داغسل الكلاص مال جاي جانت الساعة بلخمسة ونص العصر
ام ايسر: تعاي اوكفي يمي
عهد: ها ماما
ام ايسر : تعاي اوكفي يمي وتعلمي الطبخ
عهد : ماريد ماما تعبانة
ام ايسر: تعالي ولج كلها شهرين زمان يصير براسج رجال وبيت شتوكلي حلويات تعاي تعلمي
عهد: اجيت اجيت
وكفت يمها وهي تسوي اباوعلها
عهد: ماما شتكولين اشتري كتاب واتعلم منه لو اسجل اكلاتج
ام ايسر: انجبي احفضيهن بدماغج
عهد: اوووه ماما
ضليت واكفة يمها لحد ماخلصت دخل محمود يضحك علية ويكول والله زمان عهد واخيرآ عرفت طريق المطبخ وعافت الالوان
عهد: محمود انجب مو دائمآ اسوي حلويات
محمود: اي سوي حلويات ل اسامة وعوفي الاكل وشوفي شيسوي بيج
عهد: ماماااا احجي ويا
ام ايسر: ولك عوفها كافي تضوجها
محمود يحضن عهد: ههه اتشااقة وياج عوبة
عهد: عوفني خنكتني
صبينة العشا وكعدنه تعشينة كملنا وكفت اغسل مواعين اني وفرح وهيه تحجي على ايسر والحمل وتنطيني نصائح ع الزواج
عهد: انجبي لج شنو ما الح عليه بالاتصالات يضوج بالعكس يكول افرح لان تسألين علية
فرح: هاي بس بفترة الخطوبة
عهد: ولي لج باجر ويامن تروحين للكلية
فرح: خابرت ابو الخط ابو مصطفى كال باجر امرلج بل٧ وانتي شلون
عهد: مادري اصلا اخاف اروح وحدي راح اخذ امي وياي بت
قاطعني محمود يمد راسة للمطبخ
محمود بصوت ناصي: اركضيييي اجه اسامة
عهد: انجب جذاب
محمود: بكيفج لتصدين
عهد: انتضر كول والله
محمود : تعاي شوفي بعينج
غسلت ايدي ورحت من شباك الصالة شفت ديدخل من باب الشارع وايسر يكلة تفضل دخل للصالة واني طلعت ركض لغرفتي بدلت تراكسودي لبست دشداشة اخضر غامق وغسلت وجهي حطيت كحلة سودة لفيت الشال وطلعت وكفت بباب الاستقبال اتسنط عليهم بابا كاعد ويا وايسر امي صاحت
ام ايسر: عزة صيحي ل اختج كوليلها اسامة هنا
طبيت
عهد: السلام عليكم
رفع راسة يباوعلي : وعليكم السلام
ابو ايسر: تعاي يابة اكعدي
كعدت يم ابوية
اسامة: عمي جيتك علمود احجي وياك بمصرف عهد اليوم عمتي مقبلت تاخذ مصرفها مني
ابو ايسر: اي يا اسامة غير ببيت ابوها ماقبل انتة تدفع
اسامة: وان كانت ببيت ابوها فهي على ذمتي ماقبل عمي
ابو ايسر: ماكو فرق بينة من تجي ل بيتك ساعتها يصير مصرفها عليك
اسامة: بس هسه هيه مرتي شرعآ وقانونآ رجاءآ عمي هاي لو انته بدالي تقبلها
بابا مجاوبة
اسامة: ها عمي متقبلها رجاءآ من اليوم مصرف عهد عليه
ابو ايسر: على راحتكم
كمت دخلت حضرت عصير وقدمته لابوية داقدم لامي
ام ايسر: لرجلج
وكفت كدامة باوع بعيوني واخذ الكلاص وهمس : شوكت اشوف عيونج ببيتي ..
&&&&&&&&&&&&&&&&&&&&&&&&
أنت تقرأ
عهد واسامه بقلم Lamar Alzankna الناشربارق العراقي
General Fictionانا تلك الفتاة التي لا أومن بوجود الحب نهائيآ..عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة لتعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدون ذ...
