#حكاية_عهد_واسامه
#البارت_١٤_غارت_عليه)
#بقلم_LamarAlzankna
#الناشربارق_العراقي
كاميرا مفتوحة اسامة يبتسم بوجهي عزززة كبل سديتة
عهد: هااااي شنوووو
مريم: شبيج
عهد: لييييش هيج تسوون مو عيب
عزة : شصار قابل غريب
عهد : حتى لو تفتحتن كاميرا وهيج شكلي هسه شيكول علية
مريم: شبيج اعصابج
عفتهن وطلعت غسلت واني ضايجة شنو معناها هل لواكة من الصبح عكرو مزاجي فرح صاحتني ع الريوك باوعت الساعة بالعشرة اووووف والله ضجت رحت للمطبخ خليت الجاي ع النار ورحت لغرفتي اخذت موبايلي لكيته داز رسايل
📱
اسامة: صباح الخير وينج
عهد: اسفة هسه كعدت
اسامة: اي شفت
مجاوبتة
اسامة: وين رحتي
اسامة: الووو
دك الموبايل📞📞
عهد: نعم
اسامة: صباح النور
عهد: اا سفة صباح الخير
اسامة : شبيج مبينة ضايجة
عهد: مادري البنات ضوجني وجسمي مكسر
اسامة: هاا خوما مريضة
عهد : لا مبية شي
اسامة: شدسوين
عهد: ريوك
اسامة: سويلي وياج
عهد: ليش ماتريكت
اسامة : لا هسه دتريك
عهد: بل عا
دخل بابا للمطبخ نزلت الجهاز من اذني عهد:صباح الخير بابا
ابو ايسر: صباح النور هسه كعدتي
عهد : اي بابا
ابو ايسر: سمعت صياحج ويا البنات شكو
طلع بطل مي من الثلاجة
عهد: ماكو شي
حس علية مرتبكة باوع للجهاز وهو يطلع الكلاص
ابو ايسر: ويامن تحجين
ارتبكت عزة شكلة والله استحي اكله احجي ويا اسامة بحياتي ممسويتها
عهد: وو يا ااا اا
ابو ايسر وهو يشرب المي: اسامة
هزيت راسي بمعنى اي
ابو ايسر بابتسامة: سلميلي عليه
عهد: الله يسلمك
طلع من المطبخ بعد ماشرب مي رفعت الجهاز لاذني
عهد: الو
اسامة: وياج هذا ابوج يمج
عهد: اي اجه شرب مي ويسلم عليك
اسامة : الله يسلمة سمعتة
عهد: اني اترخص اروح اتريك وراي شغل
اسامة: اخذي راحتج مع السلامة
عهد : الله وياك
سديتة وكملت تحضير الريوك خليتة ع الميز بالمطبخ وكعدت اكل اجني من وراي مريم وعزة يبوسن ويعتذرن
مريم: والله نتشاقة وياج
عزة: اي يولي يله افرديها عاد خليناج تصبحين بوجهة
عهد: ضوجتني شلون هيج تسون
مريم: يلة صارت بعد سامحينة دروح ابدل راح نروح لبيتنه
عهد: والله
مريم: والله
عهد: بعد وكت ليش من هسه
مريم: بدة الدووام وعندي محاضرات هم يلة
عهد: اوك سامحتج
راحت تبدل كملت ريوكي كمت وكفت يمهم يجهزون غراضهم ديطلعون خالتي ونسوان خوالي ثنين والجهال وبنات خالي وولد خوالي وخوالي تجهزو باركولي وطلعو ودعناهم راحو لميت شعري كعكة ولزمت البيت اني وعزة وفرح تنضيف وكنس ومسح سحبنه التخم ونضفنة حتى جوة الغراض داخل جكليت ولمع وقصاصات مال احتفال اووه هوسة نهد حيلي لل١٢ وامي تحضر الغدا اجة اخوية عادل جاب موبايلي يدك باوعت اسامة
📞📞
عهد: هلو
اسامة: هلو شلونج
عهد : الحمد لله
اسامة : شبي صوتج عبالك تعبانة
عهد: اي دنضف تعبت
اسامة: الله يساعدج كملي شغلج
عهد: ليش خابرت محتاج شي
اسامة: لا بس حبيت اطمئن عليج
عهد: شكرآ
اسامة: ولو اخذي راحتج
عهد: باي
اسامة: باي
سديتة لل ١٢ ونص كملت شغل دخلت للحمام غسلت دانشف وكفت كدام المرايا واني لافة المنشفة علية رفعت شعري بايد وبالايد الثانية تلمست ركبتي اتذكرت المكان الي اقترب اسامة رجفت نزلت شعري وكملت تنشيف بدلت وطلعت واني مبتسمة صعدته مشطت شعري ونشفته رفعته ذيل حصان ونزلت لابسة تراكسود وردي فاتح وبي ابيض صبينة غدة الموبايل بصفي وداتغدة وصلتني رسالة اني البارحة بليل حطيت خلفية موبايلي صورتي اني واسامة من واحد يباوع بعين الخ بابا بصفي كاعد ستحيت اجاوب ولا كأني انتبهت من اطراف عيني شفت بابا يباوع بالموبايل والله انفضحت ورا دقايق الخاشوكة بحلكي
📞📞
اختنكت عزة كامت تطبطب على ضهري واني عيني ع الموبايل بعدة يدك وصورة اسامة مال فايبر مبينة شربت مي وشلت الموبايل ووكفت
عهد: بالعافية عاشت ايدج ماما
طلعت للمطبخ جاوبت واني اكح من الخنكة
عهد: الو
اسامة: الو
عهد: ها شتريد
اسامة: شبيج تكحين خير
عهد: اختنكت بالغدا
اسامة: اسم الله شبيج
عهد: الموبايل بصفي وبابا كاعد يمي وانته دكيت اختنكت من الخجل
اسامة: هههه مبيها داعي تخجلين اني رجلج
عهد: حتى لو اخجل بالنسبة الك رجال عادي بس اني اخجل من بابا
اسامة: ههه كملي غداج بالعافية
عهد: الله يعافيك انته تغديت
اسامة: لا هسه راح اطلع اجيب لفتين
عهد: ليش
اسامة : محد سوالي غدا
عهد: قصدي ليش لفتين المن؟
اسامة: هههه الي ما اشبع بلفة وحدة
عهد: هاا
اسامة: اي والله متصدكين افتحي كاميرا اشوفج
عهد: لا صدكت يلة اخذ راحتك
اسامة: اكلج الغيرة من علامات الحب
كبل سديت الموبايل من المستحى عزززة والله استحي كلت هسه هذا عباله صدك حبيته اتصلت بسرعة 📞
اسامة: ليش سديتي
عهد: مو غيرانه لان احبك بس لان رجلي واصلا ماغرت بس فضول
اسامة: هو اني هم كلت هيج
عهد: يلة باي
اسامة: باي
&&&&&&&&&&&&&&&&&&&&&&&
أنت تقرأ
عهد واسامه بقلم Lamar Alzankna الناشربارق العراقي
General Fictionانا تلك الفتاة التي لا أومن بوجود الحب نهائيآ..عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة لتعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدون ذ...
