حكاية_عهد_واسامه
#البارت_٣٣_كل_شيء_على_ذوقي
#بقلم_LamarAlzankna
#الناشربارق_العراقي
ورجعت لكيت بابا جاوب على اتصال
حطيت الماعون ع الطبلة كدامة بابا رفع عينه بوجهي وكال
ابو ايسر: اي اسامة
نزلت عيني ووكفت
ابو ايسر: على راحتكم انتو بينكم
ابو ايسر: ان شاء الله ....الله وياك
داطب للمطبخ
ابو ايسر: عهد
نداريتله : نعم بابا
ابو ايسر: اسامة خابرني طلب اذني ياخذج تجهزون للبيت واني قبلت روحي تحضري
عهد: ان شاء الله
طبيت لغرفتي دك جهازي بجيبي
📞📞📞
اسامة: الو
عهد: غير تكلي قبل لتخابر بابا
اسامة: ليش شصار
عهد: طبيت بدومي كدامة
اسامة: ليش كالج شي
عهد: لا بس جنت واكفة كدامة وكال ها اسامة واني دم مبقى بية
اسامة: هههه يلة حبيبتي تجهزي جايج مسافة الطريق
عهد: اوك
طلعت ملابسي بدلت حطيت مكياج خفيف ولفيت شالي سمعت صوت الباب اندكت اجه
فتحت باب غرفتي وطلعت شفت اسامة واكف ويا ابوية وايسر بس ايسر شكلة مو هلكد سلم عليهم وطلعنا صعدت بالسيارة اول ماتحركت السيارة جر ايدي وباسها
اسامة: ايسر بي شي
عهد: شبي
اسامة: مادري حسيت بي شي
عهد: هيج
اسامة: على راحتج
عهد: وين راح نروح
اسامة : انتضري وتشوفين
طلعنا لبيته باوعت دينقلون غراضة
عهد: هاي شكو
اسامة: راح انقل الغراض لبيت اجرتة بين ميخلص هذا البيت
عهد: شنو يخلص
اسامة: نزلي دفهمج
نزلت ويا والعمال يطلعون الغراض دخلنا لكيت ضحى ورجلها هناك ورجال غريب شايل اوراق بيدة
عهد: شكو
اسامة: اشش تعاي
وكف سلمت على ضحى ورجلها
اسامة: عمران هاي زوجتي وهذا عمران
عمران: هههه هلا بيج واخيرآ التقيت بيج
عهد: عفوآ
عمران : صار ١٢ سنة انتضر شوفتج
اسامة: استلمي بعد
عمران: اني صديق اسامة من ايام الابتدائية ولحد اليوم بالمراهقة جنه من نفتح موضوع الزواج هل بغل يضحك علينا ويكول ما اتزوج الا الكي البنية البالي واخيرآ طلعتي انتي
عهد: ها ماجنت ادري
اسامة: قصة طويلة احجيلج ياها بعدين المهم عمران صباغ وكلت بيتي ما اسلمة الا بيدة الغراض نقلتهن لبيت اجرته حتى نكمل هذا البيت
عمران :يلة نبدي تعالو بالاستقبال نبدي
رحنه للاستقبال
عمران: يالون تحبون
اسامة: ها عهد
عهد: الاستقبال خلي على ذوقك اني غير شي علية
اسامة: اوك رصاصي
طلع تصاميم مال صبغ اشكال مادري شسمى نسيت المهم يطلع بالاخير هيج
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لون رصاصي فاتح وغامق وشغلة وهو يفتهمة اكثر
كملنا الاستقبال طلعنه للصالة ضحى ورجلها واكفين يتفقون
اسامة: يالون تكولين نسوي الصالة
عهد: ماروني وبعد
اسامة: ابيض
عهد: اي حلو يطلع
كلنا ل عمران طلعنا تصاميم اختارينه تصميم ودخلنا للمطبخ
عمران: المطبخ يالون
عهد واسامة: بنفسجي
عمران: ههههه الوانكم غريب بحياتي ممريت على ناس مثلكم
اسامة: الاختلاف غايتنا
عهد: تغيير حلو بعدين الاستقبال راح يصير رصاصي فاتح وبس التصميم غامق والصالة بيضة بس التصميم ماروني والمطبخ نفس الحالة فاتح والتصميم غامق
عمران:بيج سر هسه اكشفة
طلعنا للحمام اسامة كال اسوي سيراميك ازرق طبينة للغرفة الصغيرة
اسامة: اي غرفتج عهد
ابتسمت : اي
عمران: شنو كل واحد بغرفة ياضالم لعد شكو متزوجين
عهد: هاي الغرفة خليها بيضة
عمران: شعجب
عهد: اني الونها
عمران : لتكولين رسامة
عهد: تحت التدريب طالبة
صفك بايدة: هذا السر واني اكول ذوقج غير شكل مامر عليه مثلج ذوق متميز شنو تحت التدريب
عهد: طالبة فنون
عمران : جماعتي انتي من جماعتي هسه مرتي تكيف عليج تتعرفين عليها وتشوفين
عهد: ان شاء الله
طلعنا لغرفة النوم
عمران: هاي ذوق منو تصير
اسامة: ذوق عهد
عهد: لا ذوقك
عمران: اقترحو كل واحد لون
اسامة: اقترحي انتي اول
عهد: لا انته واني اضبط لون وياك
اسامة: كريمي شتكولين
عهد: وويا ككوي
عمران: ثنائي رائع عندي تصميم عليه الا بشدة
شوفنه عجبنه واختارينا كملو العمال نقل الغراض واحنه دنختار عمران وكف اتفق ويا اسامةورجل ضحى ياسين واني واكفة ويا ضحى كالت جابني وياكم لان كلها زلم خاف تخافين المهم خلصو طلعت اني ويا بسيارته وضحى ورجلها بسيارتهم وصلنه لبيت بعد شارعين عن بيتنه الي ديعمرون بي نزلنا كال هذا البيت الي اجرتة نزلو غراض المطبخ الي اخذتهن ذاك اليوم اني ويا على كيفهم بغرفة وسد الباب عليهن وباقي الغراض رتبوهن شلون مجان طلعنا النوب نختار تجهيز البيت رحنه للمول دخلنا لقسم الصحيات اخذت تعلاكة خاولي وسله منشفات وحاملة غراض الغسل وهل سوالف كاملة كلهن ازرق فاتح وغامق
وطلعنه النوب لغراض الاستقبال اخذنة تحفيات وميز للتلفزيون واية الكرسي وطبلات ونفاضات وسلة نفايات وهل غراض اخر شي التخم حجزة لحد منخلص البيت يخبل كلشي يجنن طلعنه لغراض الصالة صور وتحفيات وميز طعام مال ٤ نفرات وكرسسين تخم وطبلات والمعوذات وكامل تجهيز الصالة ورحنه للاثاث اختارينه غرفة النوم ككوية لونها ذوقي واخذنة زوالي( سجاد) للاستقبال والغرفة والمطبخ والصالة وغرفة رسمي كل زولية على لون الغرفة المهم جهزنا البيت كله لل٧ بليل يلة رجعنا احلى طلعة بس اني ويا حتى ضحى ما اجتي ويانه كلشي على ذوقي حسيت نفسي ام بيت صدك رجعني لبيت اهلي كعد شوية وطلع واني طايرة بي بس اباوع عليه وعلى جمالة خابرني بالليل
📞📞
اسامة: ها حياتي
عهد: هلو
اسامة: شدسوين
عهد: دارسم وانته
اسامة: بحديقة بيت سجى ادخن وافكر بيج
أنت تقرأ
عهد واسامه بقلم Lamar Alzankna الناشربارق العراقي
General Fictionانا تلك الفتاة التي لا أومن بوجود الحب نهائيآ..عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة لتعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدون ذ...
