حكاية_عهد_واسامه
البارت_٤٤_كشف_حب
#بقلم_LamarAlzankna
#الناشربارق_العراقي
عهد: وين حبيبي
ندار علية: صح النوم ياحلو رايح ل مهندس محمد عنده مشكله بالشغل اشوفها وارجع ماطول هاا صدك حضري نفسج عود ضحى عازمتنه ع العشا
عهد: اوك حبيبي لتتأخر
اجه باسني وطلع كمت ورا عايف السيارة طالع مشي يمكن هذا مهندس محمد الي بضهر بيتنه طلعت الحلويات السويتها غلفتها وحطيتها بعلاكة اخذها وياي ل ضحى دخلت للغرفة بدلت وحطيت مكياج لفيت شالي وكعدت انتضر اسامة لزمت موبايلي كلبت بي صار ساعة ما اجه دكيت علية
📞📞
اسامة : الو حبيبي
عهد: ها حبيبي وين صرت ضل بالي عليك
اسامة: جاي حبيبي مسافة الطريق تحضرتي
عهد: اي تحضرت
اسامة: اوك باي
عهد: الله وياك
ورا خمس دقايق انفتحت باب الحديقة كمت شفته طب للبيت طلعت مي صبيت بكلاص اشربة
اسامة: السلام عليكم
عهد: وعليكم السلام
اجه يمي باس راسي واخذ الكلاص من ايدي شربة
اسامة: جاهزة حبيبي
عهد: اي حبيبي
شلت الحلويات
اسامة: شنو هاي
عهد: تراب الملوك
اسامة ابتسم : خبليهم كلهم على حلوياتج يلة حبيبي
طلعت حطيت العلاكة ليورا فتحت الباب مال شارع هو شغل السيارة اشرلي اصعد صعدت يمه طلع السيارة دافتح الباب حتى انزل اسد الباب نزل هوة سدها ورجع يسوق طلع اغاني وصلنه لبيت ضحى دخلنا كعدنه ضيفونه عصير وكيك اميرة بت سجى هم جاية دخلنا للمطبخ ضحى سألتني اذا مرتاحه ويا اسامة كلتلها ماكو منه كالت اسامة خوش اسامة وشاف هواي وهواي وحيل تأذة لان الصغير وحيل جان متعلق ب امي ووفاتها اثر بي حيل كلتلها بعيوني اخلي باستني صبو العشا وكعدنه كعدت بصف اسامة اني ويا نفس الماعون يطلب مي لو شي وكلها تضحك
عبد الله : اي خالو وهاي لكيت الي تداريك
اسامة: نزل عينك ولك حطيت عينك علية هاي ورا سنين اريد ارتاح هيج سويت بية
عبدالله: هسه شحجينه اكلتني حاصل فاصل صدك خالو شرأيك بلزواج
اسامة: اااااخ يبعد روح خالك وين جنت ووين صرت
عبد الله: يعني مرتاح
اسامة: الحمد لله
عبد الله: يمة واني شوكت تزوجيني
ابو عبد الله: خو انتة ثابر الدنيا تريد تتزوج خلص دراستك بالاول
عبد الله: شبقى هي هاي اخر سنة
ام عبد الله: هسه ثالثة بعد سنة ونص
عبد الله: اوويلي يا الله راح اعنس
الكل : ههههههه
انتبهت اكو نضرات بين عبد الله واميرة بت ضحى خلصنا غدة كامت اميرة وسجى للمطبخ رحت وراهم ضلينا واكفين ونحجي ابو عبد الله صاح على ضحى راحت بقيت اني وياها ضلت تسأل ع الزواج وشلون اسامة وياي
عهد: اميرة سؤال واعتبريني صديقتج
اميرة: كولي انتي اصلا صديقتي
عهد: شكو بينج وبين عبد الله
رأسآ وكع الماعون من ايدها بنص السنك وندارت عليه
اميرة: ماكو شي
عهد: اوك بس هيج سؤال
ندارت تكمل غسل مواعين حسيتها رتبكت رجعت ندارت باوعتلي وباوعت للباب خاف احد سمعنه تقربت وكفت يمي
اميرة: اذا اكلج خوما تكولين ل خالو
عهد: لا والله ما اكله
اميرة: عبد الله صار سنتين يكول احبج
عهد بابتسامة: اي وانتي
اميرة: اني شنو
عهد: تحبي
اميرة: اي بس ماكايلتله اخاف انزل راس ماما وبابا
عهد: لعد شلون
اميرة: كل ميحجي وياي ارفضة واكله عدنه باب تعال تقدم
عهد: اي ميجي يتقدم
اميرة: مشفتيهم ع العشا شسوو بي بس سمعو يريد يتزوج ينتضرو يكمل دراسة
عهد: سالفتكم سالفة
اميرة: اي والله وفوكاها يومية جاييني خطابة بس عمتي ضحى تكول لامي لتنطيها اني اخذها ل عبد الله لما يخلص دراسة
عهد: يعني ضحى تدري بي يحبج
اميرة: هوة منو ميدري بي
عهد: اي خوش لعد شكو خايفة يكمل هل سنة والوراها وبعدين نزفكم
اميرة: الله يسمع منج بس انتي شلون عرفتي
عهد: من نضرات عبد الله وهو يحجي بالزواج وانتي الخجلانه
اميرة: عززة هيج مبين علينة
عهد: ال
قاطعنه دخول عبد الله للمطبخ
عبد الله: ها عمه انتي هنا
عهد: ههههه ولك ياعمه وانته اكبر مني
عبد الله : غير مرت خالي شكلج
عهد: عهد
عبد الله: والله استحي
عهد: ههههه اني اروح لخالك باي
طلعت من المطبخ للاستقبال كاعدين كعدت يم اسامة
اسامة: ها حبيبي وين جنتي
عهد: يم اميرة نغسل مواعين
ضلينا كاعدين ورا دقايق طب عبد الله يباوعلي بنضرات ويبتسم عرفته اميرة كايلتله اني كاشفتهم
عهد: اسامة عبد الله يصيحلي عمه
اسامة: ههههههههه هاي صدك يول
عبد الله: لعد شصيحلها غير مرت خالي
طبت اميرة للاستقبال
اسامة: ولك اصغر منك وتصيحلها عمه
ضحى: حتى لو اصغر منه بس تبقى مرت خاله ولازم يحترم
عبد الله: شوف هاي ذاك اليوم جبت طاريها كلتلهم عهد عزني وصخمني خواتك
عهد: مبيها داعي والله اصلا اني اصغر منك يعني بحسبة اختك
ضحى: هههههه هاي حلوة
ضلينا كاعدين ونضحك جابو تعلولة وكعدنه كرزات وببسي وكيك لل١٠
اسامة: يلة حبيبي نكوم
عهد: اي حبيبي اغسل واجي
ابو عبد الله: وين اسامة كاعدين
اسامة: لا والله هم يلة
ابو عبد الله: باتو هنا اليوم
اسامة: مشكور متقصر بس لازم نرجع
ابو عبد الله وكف : يا الله
رحت غسلت اجه وراي عبد الله واني اغسل نداريتله
عهد: ها عبد الله
عبد الله: عهد اميرة كالتلي عرفتي بيه
عهد: شعرفت
عبد الله : لتغشميها احبها وانتي تدرين
عهد: اي ادري
عبد الله: عهد عفية حاجي امي خلي تخطبلي ياها
عهد: مشفتها تكول خلي يخ
قاطعنه اسامة
اسامة:
&&&&&&&&&&&&&&&&&&&&&&&&
أنت تقرأ
عهد واسامه بقلم Lamar Alzankna الناشربارق العراقي
General Fictionانا تلك الفتاة التي لا أومن بوجود الحب نهائيآ..عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة لتعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدون ذ...
