#حكاية_عهد_واسامه
#البارت_الثاني_رأيتها
#بقلم_LamarAlzankna
#الناشربارق_العراقي
الام: يللللة عاااد بل ١٠ الضهر خواتين كومن
جريت المخدة على راسي
عهد: اووف ماما عوفينة والله نعسانة
الام: كومو عاد والله بعد الي تسهر بليل ابط عيونها خلي اشوف وحدة تسهر بعد
عهد: ااااي ماما افتهمت والله افتهمت اصلا ماسهرت بل٢ نمت كملت الوحة واخيرآ
الام: يلة كومن
كمت وكفت افرك بعيوني
عهد : كوووومي ياخرا بس اني يكعدوني كوومي
عزة: استغفر الله من الصبح تعيطون
الام: ياصبح الساعة بل ١١ يلللة
كمت عدلت جربايتي وطلعت حضرت الريوك الي و ل عزة لان الكل متريكين بس احنه شمسنا عالية تريكنة وماما تصيح
الام: يلةةة كل وحدة تكوم على شغلها داحضر الغدااا
عهد : اي ماما كمنه
نداريت ل عزة
عهد: يلة عزوز كومي اني انضف الصالة وغرفة ماما انتي روحي ع الحوش والحمام والممر
عزة : وغرفتنا
عهد: امي متدخل بغرفتنا عوفيها بس خلي نخلص قبل لتكطعنا
عزة: بس تنضيف بس تنضيف
عهد: يلة ياخراا هي كلها شهر زمان ويبدي الدوام وتبدأ كليتي😍
عزة: بديناااا خلي انهزم
عهد: تفوووو
رحت شلت الصينية وديتها لامي للمطبخ
الام: انتو نضفو البيت واني المطبخ علية يلة
رحت نضفت الاستقبال والصالة ومسحتهن نزلت فرح من الدرج( طابق ثاني غرفة ايسر وفرح ومسويلهم حمام وwc )
فرح: صباح الخير عهوو
عهد : صباح النور جم مرة كتلج لتكولين عهووو احس نفسي جلب وديعوي
فرح: هههههه امشي لج عوفيني اساعد عمتي
كملت شغلي رحت للمطبخ لكيت امي دسوي الغدا وفرح دتغسل مواعين وتمسح الكاونتر
عهد: ماما اليوم موعدنا مي
ماما: اي ليش
عهد : اريد اغسل الباب صار يومين مغاسلتها
ماما: اي اغسليها بس لتطولين اريد اترس مي للسطح
عهد: اوك
جريت الصوندة وطلعتها لبست عباية اسلامية وشال لفيتة وطلعت اغسل بلباب دايرة ضهري ع الشارع وداغسل الشارع سمعت صوت سيارة منداريت
...: السلام عليكم
نداريت لكيت رجال وراية عدلت شالي لان طالعة كذلتي من الشال
عهد: وعليكم السلام تفضل عمو
.....: هذا بيت ابو ايسر صح
عهد: اي صح تفضل منو تريد
.....: الوالد محتاجة بشغلة
عهد: والله مموجود طالع
.....: اوووه لعد شلون محتاجة ضروري
عهد: خابرة اذا كلش ضروري
.....: ماعندي رقمة ياريت تنطيني رقمة
عهد: اوك
طبيت للبيت
عهد: ماما ماما
الام: هااا
عهد: هذا رجال بلباب يريد رقم ابوية
الام: وين موبايلي كولي لابوج بلبداية خاف ميقبل ننطي رقمة
عهد : لعد شلون
الام: روحي سألي شسمة
عهد :اووف
طلعت مديت راسي
عهد: عفوآ عمو بس منو اكلة انته
.....: اسامة مهندس اسامة اخو ل استاذ سرمد
دخلت
عهد: ماما ايكول اسمة مهندس اسامة اخو استاذ سرمد
الام: الو احمد يكول اسمة مهندس اسامة اخو استاذ سرمد
احمد: ماشي انطي رقمي
الام: ماشي انطي الرقم
عهد : اخذت موبايل امي وطلعت
عهد: اكتب عمو
اسامة: اي ردي
عهد: ............٠٧٧
اسامة :شكرا
عهد: عفوا
كملت غسل وهو واكف غاد وديخابر ويحجي سد الموبايل وصعد سيارتة وديرجع بلسيارة ليورا ويباوع بلمرايا الجانبية نداريت باوعتلة ابتسم وطلع كملت وطبيت جوة لميت الصوندة ودخلت الماسحة صار وكت الغدا كعدنة تغدينة صار ١٠ ايام من خلصت امتحانات الدور الاول مال سادس وخلصت دانتضر النتيجة كمت غسلت المواعين ويا فرح ( فرح حامل صار ٣ اشهر ) رجع بابا امي صبتلة الغدا صاح
بابا: جااي جااي
صبيتلة الجاي ورحت
عهد: تفضل بابا
الاب: تسلمين باباتي
طلع من جيبة ٥ الالاف اووويلي شكد احب بابا بستة ورحت كعدت ارسم بغرفتي وفرح وعزة كاعدات يلغن يمي
عهد: اشششش كافي والله دوختوني اريد اعرف ارسم عميتوني
فرح: خف علينا سمير كايمين اصلا ايسر نص ساعة راح يجي اكوم احضرلة الغدا والحمام
عهد: كبوور
طلعت وعزة كعدت تلعب بايبادها كملت رسمتي وطكيتها بنومة مرت ١٠ ايام الخ وطلعت النتائج معدلي ٦٦ واني مأجلة التاريخ الحمد لله هو اني اريد كلية فنون جميلة
-------
طلعت الصبح بل ٧:٣٠ للدوام وكفت سيارتي اخذت لفتين واستكان جاي تريكت وطلعت للدوام بل ١١ اخوية سرمد اجة كال روح ل بيت احمد ابو ايسر اخذت العنوان منه ورحت طبيت لطرفهم نزلت من السيارة البيت الي دلاني عليه كدامه بنية تغسل الباب ومنطيتني ضهرها سلمت عليها ندارت وهيه تعدل شالها طالعة منه خصلات شعرها ردتلي السلام سالتها على ابو ايسر كالت مموجود كلتلها رقمة كالت اي عمو ضحكت بداخلي اني عمو هههههه هيج مبين جبير المهم نطتني الرقم وهم كررت كلمة عمو خابرته وهي تغسل الباب سديت الخط وصعدت سيارتي باوعت بالمرايا الجانبية ودارجع ليورا صارت عيني بعينها ابتسمتلها مردت الابتسامة دنكت راسها وكملت شغلها طلعت بسيارتي ورحت للدوام خلص دوامي وطلعت للبيت نزلت فتحت باب الكراج وطببت السيارة سحبت الملفات والسجل الي جانن بصفي ع الكرسي ونزلت سديت الباب ودخلت للبيت هدوء طبيت للغرفة نزعت ملابسي بقيت بالملابس الداخلية رجعت للمطبخ جوعان فتحت المجمدة طلعت الاكل الي
سوتة سجى قبل اسبوع حميتة وكعدت اكل رايح طعمة من التجمد كمت وعفت الماعون ورا ما اكلت منه خاشوكتين دخلت للحمام سبحت جريت المنشفة لفيتها علية وطلعت للكنتور اخذت ملابس بدلت ونمت كعدت بالليل رحت تعشيت يم ضحى ورجعت تالي الليل نمت
&&&&&&&&&&&&&&&&&&&&&&&
أنت تقرأ
عهد واسامه بقلم Lamar Alzankna الناشربارق العراقي
Genel Kurguانا تلك الفتاة التي لا أومن بوجود الحب نهائيآ..عهد... انا ذلك الشاب الذي لا أومن الا بحبها ....أسامة.... كيف سيستطيع اسامة تغيير نضرة عهد عن الحب تابعوو القصة لتعرفون قرأءة ممتعة (( باللهجة العراقية))...... لا احلل لأي شخص بأعادة نشر القصة بدون ذ...
