🔞حكايات القدر 🔞

حكايات القدر /البارت الرابع

صارت هوسه برة طلعنه نركض حتى نعرف مصدر الهوسه وتفاجئنة باللي شفناه جابر هو ومرته يتعاركون لان طلب منهة تخلي الزرع وياه وهي معترضه
جابر :انه ولج على تالي وكتي مرة توكف بوجهي .
ابو اوس :استهدة بالله يا جابر ميصير هيج .
جابر :والنعم بالله يبو ابو اوس
(طبعا جابر هو ومرته من الناس الطيبه اللي على نياتهم وهم ناس فقرة بابا اختبر امانتهم ولمن شافهم امينين سووة لجابر مشتمل من القصر مالتنه حتى يكون هو ومرته وعياله قريبين علينه ويكومون بطلباتنه وبابا مخصص الهم راتب زين حتى يعيشون منه ،اما حسنيه اووف يا حسنية طيبة كلب بس طويلة لسان بالذات وية جابر  وجابر منا عصبي ميتحمل النملة .وطبعا رغم هذا همه يحترمونه ويقدرونه وبابا ما معتبرهم عمال عدنه حاسبهم من اهل بيتنه وحتى ماما تعاملهم بطيب بس واحد شايل خشمه عليهم واعتقد عرفتوه هو منو اييي 😔اوس اخويه الكبير عمره 28سنه هو ضابط بالطيران الحربي انسان مغرور ومتكبر ومرات نشوفه انسان طيب بس اني اعرف ليش هو مغرور اي كوله من ورة سرى بنت عمي راهي اخويه يحبه ويموت عليه عمرهة 22سنه خاطبه صارله سنتين كلما يفتح موضوع الزواج وياهة تتحجج بالف حجه وحجه وطبعا هي اصلا ما مهتمه لموضوع الزواج حتى مرات اشك هي تحب اخويه بس هيه طمعانه بحلال اخويه لان هو عنده خير من الله  سرى انسانه انانيه ومغرورة تحب نفسه وبس .ما عرفتكم عن نفسي اني نسمه اي نسمه بابا اطلق عليه هذا الاسم لان يكول بيوم ولادتج جنت مخبوص واركض منا ومنا حسيت بتعب وكعدت بحديقة المستشفى تمددت حسيت نسمة هوة باردة اجت على وجهي فتحت عيوني شفت الممرضه شايلتج بيده وبشرتني بولادتج لذلك سميتج نسمه عمري 22سنه طالبه جامعيه كليه الاداب قسم الاعلام . المرحله الثالثه هاي ملخص عن حياتي واعتقد عرفتو بابا منو بابا هو نفسه راضي اللي دائما صاير افضل عون لاخوه عادل اللي هو حبيبي عمو )
نسمه :حسنيه كافي عاد بطلي سوالفج
حسنيه :انه شمسويه كلتله ما اكدر اشيلهن ثكال هو عاند اله اشيلهن .
اوس :شنو هالصوت من الصبح الواحد حسرة عليه يرتاح هنا انت واطفالك مسببين فوضى بالبيت .
جابر :اشكرك استاذ اوس احنه مسوين فوضى .
حسنيه :شنو فوضى
اوس :ناس متخلفين شمفهمكم انتم
راضي بعصبيه :اوووووووس 😡
اوس بعدم اهتمام :اروح اطلع احسن .
راضي :جابر عمي امسحه بوجهي
جابر :لا عمي محشوم ،على راسي انته
راضي ،يلا عمي اني وانته نكمل تصعيد عوف حسنيه مو زين عليه الثكل .
نسمه :حسنيه تعاي ويانه تريكي .
رحنه كعدنه اني وماما وحسنيه نتريك
حسنيه :اللهم صل على محمد وال محمد هاي شنو مسوين عزيمه .
نسمه :لج يا عزيمه هذا ريوكنه كعدي تريكي .
ام اوس :سمي واكلي خاله الخير هواي وهذا رزق ربج
حسنيه :الحمد لله الله يزيد ويبارك بيكم وبحلالكم ويكثر رزقكم
ام اوس :ماما نسمه من تخلصين ريوك انطي العلاكه مال الملابس لحسنيه .
حسنيه بفرحه :الله يخليج خاله والله خيركم مغركنه .
ام اوس :لا ماماتي لتكولين هيج هذا رزق ربج وقسمناه بينه .
حسنيه :الله يزيدكم من نعيمه خاله
نسمه :الحمد لله والشكر اروح اغير ملابسي واروح لبيت عمو ويه بابا .
ام اوس :بنتي مو تنسين تاخذين دوة ابوج لان مقرر اليوم يبات يمهم لان اخوج فارس هنا اليوم .وهو راح يلزم شغل ابوج
نسمه :صار ماما من عيوني صعدت فوك وبدلت ملابسي لبست بنطرون جينز اسود وحذاء رياضي اسود وياه قميص لونه ازرق فاتح وشال اسود مطعم بأزرق خليت مكياج خفيف واخذت العلاكه مال حسنيه واخذت ملابس الي خاف صدك نبات ورحت لغرفة ماما طلعت دوة بابا ونزلت جوة انطيت العلاكه لحسنيه :هاج حسونه بالعافيه عليج حبيبتي .
حسنيه :الله يعافيج حبيبه .
نسمه :ماما اني راح اروح محتاجه شيء قبل لا اروح
ام اوس :حبيبتي سلامتج انتبهي لنفسج ولابوج وياج .
نسمه :صار ماما وبسته من راسه ووصيت حسنيه على ماما وطلعت .
راضي :ها باباتي كملتي
نسمه 😊:اي بابا
راضي :صعدي بالسيارة خلي نتوكل على الله .
صعدنه بالسيارة وانطلقنه لبيت عمو عادل طلعنه الحمد لله ما واجهنه صعوبه بالطريق وصلنه لبيت عمو عادل طلع النه عمو عادل
عادل :يا هلا يا هلا نورت الحلة بيكم يا خويه .
راضي :الحله منورة بأهله شلونك يخوي
عادل :الحمد لله والشكر .بخير وبركه
راضي :عساك بالخير
التفت عادل ها بويه نسمه شلونج
نسمه تقربت على عمي دنكت على ايده بسته وهو باس راسي وكلي الله يرضه عليج بويه
دخلي جوة يم البنات واني امشي اريد ادخل للبيت وصلت لباب المطبخ وانصدمت بواحد رفعت راسي
....يا سبحان الله شنو ملاك طلعلي بالمطبخ
نسمه بصدمه 😱:صدك متستحي شنو هالحجي
....:على كيفج انه شكلت وانهديتي .
نسمه :اريد اكمل طلع ابن عمي عادل كال :ها نسمه شلونج وانه اكول منين هذا النور
نسمه خزرت هذا الكدامي ودخلت جوة سلمت على اسد ابن عمي بس صورت ذاك الشاب ظلت ببالي كلت معقوله هذا سيف ابن عمي لان هو الوحيد اللي ما شايفته لان هو تعين محافظات ويجي بالوكت اللي اني ما اجي بيه فأبد ما شفته صراحه تندمت حجيت على الولد هسه اني ليش دائما اتسرع بالحجي  هسه شيكول عليه .همزين اسد نقذ الموقف جان انهديت بيه بس لحظه شو هو طلع وما اهتم لاسمي معقوله سيف وما يعتذر ويكلي اني ابن عمج والله سالفه تحيير يوووو هسه اني ليش مدوخه راسي كطع افكاري صوت بنت عمي درة :نسمه شلوونج ولج مشتاقتلج كومه كومه كومه .
نسمه :اني الاشوق حياتي شلونج
درة :تمام الحمد لله
نبعه :يا هلا يا هلا زارتنه البركه
نسمه :هلا بيج عمه وبوسته
نبعه :استريحي حبيبه خاف تعبانه درة جيبي ماي لبت عمج
درة :صار ماما
نبعه :شلونج عمه امج شلونه وخوانج
نسمه :الحمد لله بخير كلهم بخير .
نبعه :عساكم بخير حبيبه انتي والله مشتاقين الج صار هواي ما جايتنه .
نسمه :اي والله عمه دوام ودراسه وملتهيه
نبعه :هلا بنسمه هلا بيج عمه نورتينه والله .
درة :وانه ما جنت منورتكم
نسمه :هههههه لا حبيبتي انتي الخير والبركه .
دخلو عمي وابويه واسد وهذا الشاب 😍 بعد ما نزلو الاغراض كعدنه سوة وشفت هذا الشاب متوجه الي بنظرات اهتمام بس ما عرفته منو .
نبعه :يلا يمه درة خلي نحظر الغدة الهم سودة عليه تعبانين .
درة :اي ماما جايه وياج
درة :اني هم اساعدجن
نبعه :لا عمه شلون هيج انتي جايه تعبانه من الطريق
......:خليه تساعدجن هي اجت بسيارة قابل مشي
اسد : انت شعليك مدخل خشمك بكلشي
جان بابا وعمي عادل كاعدين بغرفه ثانيه لان عمو عادل محتاج بابا بشغله ضروريه ما عرفنه بشنو محتاجه
درة :تعاي نسومتي الاكل ميصير طيب اذا ما تخليني هاي الايدين  الحلوة بيهن
.....:اي والله وانتي الصادكه
نسمه بخزرة وعصبيه :يلا درة امشي بسرعه
......:اويلي كلبي شلون بيه طفر وراج
اسد :خاب دكافي ولك جنك نسيت نفسك هاي تصير بت عمي ميصير هيج
....: ولك تعذرني يا اسد بس شكله كلبي كام يدك
اسد :لا تعاين ليفوك خاف ركبتك تنكسر
...:الحب مابيه مقامات الحب مقامه بالروح بس لا انت منو ولا انه منو .
اسد :كلامك صح بس ذوله يختلفون عنه .غض نظرك وكف كلبك لا يذلك
.....:كلامك صحيح بس شكول لكلبي المسودن .
اسد :اعقل وارجع لعقلك .
درة :اسد هاي السفرة فرشته بس تعال شيل الصواني جهزن .
اسد :اي صار اجيتكم
....:اني جاي وياك
دخلو الولد للمطبخ بعد ما احنه جهزنه الاكل الهم وبدو يشيلون الصواني ويحطون الاكل بالسفرة احلى شيء بيهم ياكلون بالكاع وهم ينقلون الاكل سمعت اسد يصيح للولد علي جيب هاي الصينيه اذن هذا الشاب مو ابن عمي لعد منو هذا اللي اخذ كلبي بدون مايحس 
جنت صافنه وما ادري بنفسي واكفه بباب المطبخ اسمع واحد يصيحلي نسموتي سويلي طريق افوتن
انتبهت من صفنتي شفت وجه علي يضحك خطيه الصينيه ثكيله وهو شايله وكوة عاصر نفسه ووجه صاير احمر وعضلات وجه متشنجه
ضحكت بوجه بصوت خفيف ووخرت عن طريقه
هو تقرب يمي وهمس بذاني :احتركت عشيرتج على هاي الضحكه ولج لا تضحكين لا تعذبيني كلبي اكثر
نسمه ظليت مصدومه من جرئته ويايه هو اخذ الصينيه وراح وبعده ندهو علينه نكعد سوة ابوي وعمي عادل صار سوة وبصف عمي عادل عمتي نبعه ومن جهة بابا اني صرت ومقابلي صار علي واسد واسيل ودرة قريبه يمي كعدنه كولنه جانو مسوين اكل خير من الله كعدنه ناكل واني كل ما ارفع راسي اشوف علي ياكل وعينه عليه اني ما اعرف ليش كلبي ينتفض من مكانه كملنه اكل ولمينه السفرة وصبينه الجاي واسد وعلي ترخصو وطلعو وبابا كال لعمتي خويه ام اسد حسبي حساب اليوم احنه نبات يمكم .
نبعه :خويه ابركه من ساعه يا خويه
ظلينه بس اني ومرت عمي وبناته باللبيت والكل طلعو يفترون جنت تعبانه كلت لدرة اريد مكان هادئة انام بيه كلتلي تعالي دخلتني لغرفة ابن عمي سيف كلتلي سيف يجي كل اسبوع مرة اليوم مو وكت رجعته بعدله يومين اله يجي
نامي هنا وارتاحي فعلا نزعت حذائي وطلعت تراك شويه عريض ومستور ولبسته وفليت شعري طبعا شعري طويل ونمت بالغرفه جانت غرفه من تصميمه ذكوري بس حلوة ومريحه وهادئة نمت بيه
وما عرفت شكد مر عليه من الوكت ما حسيت اله شخص نايم بصفي ويدردم هذا خلفناه ونسيناه عايف اهله وجاي نايم يمنه عبالك مرتي انطخ جسمه بجسمي لان جنت مغطيه راسي وجسمي بالبطانيه اني كمزت والبطانيه ويايه وصحت منو انته شلون دخلت هنا هو ركض فتح الضوة وجانت الصدمه .

برايكم منو هذا اللي دخل ؟
التقيكم غدا مع بارت جديد واحداث جديده
احبكم متابعيني
امممووواح 😘
😍😍😍😍
😍😍😍
😍😍
😍