🔞حكايات القدر 🔞

حكايات القدر /البارت السادس

سويت كابتشينو ودت نسمه للشباب واني اخذت لبابا وعمو توني اريد ادك الباب وانصدمت باللي سمعته من بابا 😱ياريتني ما سمعته 😔😭😔😭😔💔
عادل :خويه انه يمكن ضيكت عليك طول هاي السنين
راضي :لا يخوي لاتكول هيج اني اخوك وحزام ضهرك وسندك بالحياة لحد اخر قطرة من دمي .
عادل :ادريك ما تقصر انت الوحيد اللي وكفت وياي وسندتني بالحياة وما قصرت بشي وياي
راضي :(وهو يدك على ركبته بحركه خفيفه )وبعده ركبتي سداده الك
عادل :والنعم منك ما تقصر
راضي :انت بس امرني
عادل :ما يأمر عليك ظالم ،انه يخوي جبت التحاليل مالتي
راضي :اي يخوي بشر شنو طلعت النتيجه
عادل :شبشر يخوي الوضع ما يبشر بخير
راضي بخوف :شنو يخوي كول لا تخوفني عليك
عادل بحزن 😔:اني عندي سرطان واصل لمرحلته الاخيرة
راضي بفزع :انا اخوك وليش ما حجيت من الاول
عادل بحزن 😔:شحجي يخوي هملت نفسي تصورت مرض بسيط لمن سويت تحاليل اكتشفت اني بيه مرض خبيث  وواصل للمرحله الاخيرة من المرض
راضي :اني ما اتخلى عنك مستعد اسفرك للخارج حتى تتعالج بس ما اعوفك
عادل :يخوي سالت الدكتور كلي حتى لو تسافر ماكو علاج الك اني بأي لحظه اموت
راضي بعصبيه ممزوجه بحزن :يخوي لا تكول هيج وتكسر ظهري بيك عمرك طويل يبعد اخوك لو اعرف ابيع حلالي كله واشتريك
عادل بعيون حزينه ومفتخرة بوكفت اخوه :يخوي ادريك ما تقصر لكن هذا حكم ربك واني رضيت بقضائه وقدره .
راضي بعجز :كول يخوي اطلب شتريد اسوي الك بيش اساعدك
عادل :بيتي وعايلتي بناتي وولدي اريدك تصير الهم سند وما تتخلى عنهم
راضي :لا يخوي بيتك هو بيتي واني بعون الله ما اقصر وياهم مدام النفس بالروح
عادل :زواج بناتي انت توكف عليه ما اريد بناتي يتلوعن اريدك تصير مو عم الهن ابو
راضي وهو يدك على صدره :بناتك هن بناتي وبأمانتي لتخاف يخوي وعيونه كامت تدمع
بعده صار هدوء داخل الغرفه
درة جنت اسمع كل هذا كلامهم واني متصنمه بمكاني حسيت رجليه ثكلن اريد اتحرك ما اكدر اريد ابجي ما اكدر اريد اصرخ هم ما كدرت الله انطاني صبر ما اعرف منين وانطاني قوة مدري منين نزلت عليه استجمعت نفسي واخذت نفس قوي حتى احبس دمعتي اللي رادت تخوني وتنزل ودفنت صرخت وجع بداخلي هذا روحي ابويه دنيتي شلون يروح من عدنه حسيت نفسي بهذا اليوم كبرت عشر سنوات وانو لازم اتصرف بعقل ابويه من ظم علينه جان اله هدف من هالشيء لان خاف علينه وعلى ماما واني هم لازم احفظ سر بابا وما افشي سره اخذت نفس عميق ورسمت ابتسامه مزيفه على وجهي ودكيت الباب بهدوء
عادل :منو
درة :بابا هاي اني جبت الكم شراب دافي
عادل :تفضلي بابا
درة لمن دخلت شفتهم يحجون ويضحكون عادي كانما ماكو شيء بس اني لان عرفت سرهم عرفت ضحكاتهم جانت كوله مزيفه بس حتى يغطون على حزنهم امامنه شكد عظيم الانسان اللي يخفي وجعه بكلبه ويظهر الك الابتسامه خاصه لمن يكون هذا الانسان مهم بحياتك
انطيتهم الشراب وابتسمت بوجهم وطلعت رحت لغرفتي دخلت وسديت الباب وتقرفصت على نفسي وظليت افكر ببابا وايامنه الحلوة تذكرت ذيج الايام ودلال بابا النه معقوله راح بابا يروح من عدنه معقوله بابا راح يتركنه هذا ابو طول الحلو هيج يروح بسهوله واحنه منكدر نسوي شيء عاجزين كدامه ليش هيج امتحانك صعب ياربي ليش امتحنتنه بأحب الناس النه كمت ابجي بقهر وحركه وابلع وجع كلبي اللي يوصل لبلعومي ويحركني ودموعي اللي حركت خدودي بالم جنت ابجي بحركه ووجع لحد ما انهد حيلي من البجي بعده سمعت دكات على الباب جانت اسيل
اسيل :درة تعاي نفرش لبابا وعمو
درة :اي هسه جايه كمت بسرعه واخذت فراشين دخلت شفت بابا مبتسم حسيت بدموعي تريد تخوني وظليت احجي بكلبي ليش هيج يا ربي ليش تحرمني من ضوة عيوني ليش تحرمني من ضحكته يعني بعد ما اكدر اكول بابا يعني بعد ما اصبح بوجه يعني بعد ما اشوف طوله يعني بعد ما اسمع صوته لحد ما قطع صفنتي صوت بابا
عادل :بنتي درة شبيج صافنه بيج شيء
درة بابتسامه :لا بابا بس صفنت اكول وين اخلي الفراشات الكم
عادل :بابا فرشي فراش عمج هنا واني خلي فراشي هنا
درة :صار بابا فرشت بسرعه وخليت الهم الاغطيه وطلعت من يمهم .
ورحت كعدت يم البنات والشباب علي ترخص وطلع واسد وسيف راحو لغربهم بعد ما قفلو البيت واني واسيل ونسمه رحنه لغرفتنه جان بيه سريرين
اسيل :وين تنام نسمه
درة :على سريري واني افرش بالكاع
نسمه :لا حبي فرشي الي بالكاع وانتي نامي بسريرج
اسيل :خو ليش هيج خلي نطيك السريرين وننام سوة
درة :اي والله فكرة حلوة والله ويطلع منج عبالي ما تفكرين
اسيل :احترمي نفسج اني اذكى منج والدليل انتي كسلانه وتردين تبطلين واني شاطرة حتى اهلي يكولون هيج .
درة بضرب خفيفه على راسه :اسكتي ولج فضحتيني كدام بت عمي ولج اني شاطرة بس غير ما احب الدراسه .
نسمه :صدك هذا الحجي درة
درة :.......
اسيل :اي صدك كسلانه تريد تبطل يوميه طلايب هي وماما علمود الدوام .
نسمه :لا حبيبتي اهم شيء للبنت مستقبله  حتى تطور نفسه  الشهادة هي فخر للبنت ترفع بيه راس اهله وراسه حبيبتي خلي شهادتج هي سندج تفيدج لايام الشدة
اسيل :هاي الحجي وياهة ميفيد هسه هي خليه تاخذ شهادة السادس بقى بس هاي السنه اله وتروح جامعه وهي مقفله
درة :ان شاء الله بنت عمي (وعاينت لاسيل بعصبيه )
نسمه :عفيه عليج دردر ادري بيج بطله
قربنه السريرين من بعض ونمنه سوة بيهن كان احلى يوم بالنسبه النه وايظا احزن يوم بالنسبه الي ظليت افكر ببابا وشنو راح يصير مصيرنه من بعد بابا شيء مستحيل العقل يتقبله اكلني التفكير  لحد ما غفيت ونمت
ثاني يوم الصبح كعدنه ساعه ثمانيه تقريبا بدينه نجهزالريوك واخويه سيف راح جاب النه كاهي وكيمر عرب يخبل واني حظرت الجاي والاكوابه والاستكاين وجهزت السفرة لحد ما دخل علينه سيف بالريوك
سيف :تفضلي ست درة جهزي الريوك بسرعه لان بيت عمي مستعجلين
درة :صار حبيبي من عيوني
نبعه :يلا يمه بسرعه همي نفسج خلي نجهز الريوك
درة :اي ماما تمام كولشي جاهز
نسمه :صباح الخير
الجميع :صباح النور
نسمه اجت ويايه ساعدتني بتجهيز الريوك صبينه الهم الجاي وتريكنه وخلصنه بعده بيت عمو ترخصو من عدنه وطلعو اني حظنت نسمه وطلبت منه تزورنه مرة ثانيه بصراحه هواي حبيته ما توقعت هي طيبه هيج صعدو سيارتهم وانطلقو لبغداد واحنه رجعنه للبيت كلنه حياتنه بصورة طبيعيه لكن رجعت قضية بابا تشغل بالي واخذ كل تفكيري تذكرت كلام نسمه بخصوص مستقبلي وتذكرت مرض بابا قررت اشد حيلي واطلع معدل يدخلني طبيه وبديت من ذاك اليوم ادرس وادرس ومرت الايام جانت اوضاع بابا نحو الاسوة خلال هاي الايام عمو كثرت جياته وزياراته النه مرات نسمه تجي وياه صرنه قريب على نهاية السنه هذا الوكت جان بابا يحاول يكون قوي وميبين مرضه لكن اني جنت اتابع حالته من بعيد لبعيد حاولت ما احسس بابا  اني اعرف بطبيعة مرضه بعده باشرت الامتحانات جنت ادرس بكل جهدي حتى انجح وارفع راس اهلي بنجاحي وافرح بابا  ماما خطيه جانت محتارة بين البيت وبين بابا وبيني لان جان عندي وزاري هاي السنه والحمد لله خلصت الامتحانات وكدرت اجتازهة بس بقت النتيجه صارت العطله وجان بابا صحته بالنازل جنت اشوفه واموت بداخلي الف مرة لكن هو رغم تعبه ومرضه جان يحاول ميبين  بس رغم هذا ضعف جسمه فضحه لحد ما وصل لمرحله ميكدر يمشي على طوله بيوم الخميس اللي صادف 4/8/2015 هذا التاريخ اللي ما انساه بحياتي ابد كان اسوء يوم يمر علينه تخربط بيومه بابا ساعه اربعه الفجر دخل مستشفى وظل بالعنايه المركزة لحد ساعه ١٢ ظهر قريب اذان الظهر بابا انتقل لرحمة الله بيومه اتصلنه على عمو اجه علينه كملو اخواني الاجراءات وجابو ابويه للبيت حتى نودعه كان يوم اسود بالنسبه النه 
ماما فقدت طلعت تركض للنعش بدون وعي وتصيح واخواني رادو ينزلون التابوت من حزنهم مكدرو يرفعون التابوت دخلو التابوت يمنه حتى نودعه كعدنه يمه نعاتبه ونشتكيله
ﻣﺮ ﺑﻴﻨﻪ ﺍﻭﺧﺬﺍﻙ ﺍﻟﻤﻮﺕ ﻭﺗﻌﺪﻩ
ﻳﺎﻣﻮﺕ ﺍﻋﻠﻰ ﻫﻮﻧﻚ ﺳﻴﻔﻚ ﺍﺷﺤﺪﻩ
ﺍﺣﺒﺎﺏ ﺍﻭﻛﻌﺪﻧﻪ ﺍﻭﻛﻠﻨﻪ ﻣﻠﺘﻤﻴﻦ
ﻃﺒﻴﺖ ﺍﻭﺧﺬﻳﺘﻪ ﺍﻭﺧﺮﺑﺖ ﺍﻟﻜﻌﺪﻩ
ﺗﻄﺐ ﺩﻭﻣﻚ ﻏﻔﻞ ﻳﻤﻔﺮﻕ ﺍﻻﺣﺒﺎﺏ
ﻭﺗﺨﻠﻲ ﺍﻟﻨﺎﺱ ﻛﻠﻤﻦ ﺩﻣﻌﺘﻪ
ﺍﺑﺨﺪﻩ ﺷﺎﻫﺮ ﺳﻴﻔﻚ ﺍﻭﺗﻔﺠﻊ ﺑﺎﻟﻮﻻﻳﺎﺕ
ﻭﻻ ﻓﺪﻳﻮﻡ ﺳﻴﻔﻚ ﺑﺎﻳﺖ ﺍﺑﻐﻤﺪﻩ
ﻭﻳﺎﻣﻮﺕ ﺍﻋﻠﻰ ﻫﻮﻧﻚ ﺗﺪﺭﻯ ﺑﻴﻨﻪ ﺍﺿﻌﺎﻑ
ﻟﻮﻣﺎﺗﻨﻪ ﻭﺍﺣﺪ ﺣﻴﻠﻨﻪ ﺍﻳﻬﺪﻩ
ﻭﻳﺎﻣﻮﺕ ﺍﻟﺒﺸﺮ ﻣﻦ ﻋﺎﻃﻔﻪ ﺍﻭﺍﺣﺴﺎﺱ
ﻣﻦ ﺩﻡ ﺍﻭﻟﺤﻢ ﻣﻮ ﻣﻦ ﺻﺨﺮ ﺟﺒﺪﻩ
ﻭﻟﻮﻣﺎﺗﻨﻪ ﻣﻴﺖ ﻣﻮ ﺳﻬﻞ ﻧﻨﺴﺎﻩ
ﺗﺬﻭﺏ ﺍﺭﻭﺍﺣﻨﻪ ﻭﺗﺘﻜﻄﻊ ﺍﻟﻔﻜﺪﻩ
ﺍﻭﺍﺣﺪﻧﻪ ﻛﻀﻪ ﻣﻦ ﻣﺮﺍﺩﻑ ﺍﻟﺼﺪﻋﺎﺕ
ﺟﺜﻴﺮﺍﺕ ﺍﻟﻨﻮﺍﻳﺐ ﺿﺎﻋﺖ ﺍﻟﻌﺪﻩ
ﻭﺍﻟﺮﺍﺣﻞ ﺗﺮﻛﻠﻪ ﺑﻜﻞ ﻛﻠﺐ ﺑﺼﻤﺎﺕ
ﺑﺬﺭ ﺑﺬﺭﺓ ﻣﺤﺒﻪ ﻭﺷﺠﺮﺗﻪ ﺍﻣﻮﺭﺩﻩ
ﺳﻮﺍ ﻟﻴﻔﻪ ﺗﺪﻭﺭ ﺑﻜﻞ ﺭﻛﻦ ﺑﺎﻟﺒﻴﺖ
ﻭﺣﻨﻴﺘﻪ ﺗﺪﺍﻭﻱ ﺍﻟﺠﺮﺡ ﻭﺗﺸﺪﻩ
ﻳﺎ ﺳﻠﻮﺓ ﻫﻠﻚ ﻣﺎ ﺍﺿﻦ ﻟﻴﻨﻪ ﺍﺗﻌﻮﺩ
ﻭﺍﺿﻦ ﻣﻬﺮﻙ ﺧﺬﺍﻙ ﺍﻭﻣﺎ ﺑﻌﺪ ﺭﺩﻩ
ﻭﺿﻠﻴﻨﻪ ﻧﺘﺎﻧﻲ ﺍﻣﺠﺬﺑﻴﻦ ﺍﻟﺼﺎﺭ
ﺍﻭﺋﻴﺴﻨﻪ ﺻﺪﻙ ﻣﻦ ﻃﺎﻟﺖ ﺍﻟﻤﺪﻩ
ﻭﺍﻟﺪﻓﺎﻥ ﺭﺍﺟﻊ ﻭﺣﺪﻩ ﺍﺑﻨﺺ ﺍﻟﻠﻴﻞ
ﻭﺻﻌﺒﻪ ﻋﻠﻰ ﺍﻟﺪﻓﺎﻥ ﻣﻦ ﻳﺮﺟﻊ ﺍﺑﻮﺣﺪﻩ
ابويه يابو طول الحلو ليش يابه ليش تعوفنه وتروح منو النه بعدك ولك يابه لاتفجعنه بيك 
كان وضعنه سيء لايسر عدو ولا صديق

نلتقيكم غدا بأذن الله شكرا لبعض المتابعات ولتشجيعهم الرائع تحياتي الهن
😍😍😍😍
😻😻😻
😘😘
🤩