هلو بنات ونرجع ونلتقي من جديد
واحداث جديده مع ابطال قصتنه
والف تحيه الكم
حبيت انوه عن شيء قبل لا اكمل قصتي
بنات اني اعرف البارت كولش قصير بس انتو تعرفون انو اني اطلع من الدوام واوصل للبيت ساعه ٣ بين ما اصلي واتغده واكمل كم شغله الكه الوكت طاير اعرف مقصرة وياكم بس اتمنى تقدرون ظروفي وتحياتي الكم وشكرا للي تقبل ظرفي وعذرني
ونبلش قصتنه
✍✍✍✍✍✍✍✍✍✍✍
ملاحظه بنات عذرا لبعض الالفاظ اللي راح تذكر لكن هي القصه هيج لكن راح احاول اتلافاهة
سرى من اتصل بيه اوس حتى يلتقي بيه اني خفت منه لان اعرف اوس ما راح يعديهة على خير ظليت محتارة شلون التقي بيه بعده اجت فكرة براسي وكلت لازم انفذه واتصلت بأكرم هذا واحد يشتغل بشغل مشبوه ويعرف اشخاص شغلتهم القتل يقتلون بدم بارد كلت انطيهم جم فلس واخليهم يقتلون اوس ولا من شاف ولا احد درى وفعلا اتصلت بيه
سرى وهي تتدلع :الووو شلونك عيوني كرومي
اكرم :يمه فدوة لهذا الصوت الحلو لجج اووووف شكد مشتاقلج شعجب ذكرتيني كلت هسه تزوجت بعد ما تكلبنه
سرى :اووي يمعود زواجيش هذا انت هم حاسبه زواج
اكرم :لييش اظاهر ابو السباع مامريحج
سرى :يوووه اصلا هو مو رجال مثلك انت ابد ماكو منك
اكرم :لازم اشتاقيتيلي تعالي واني اريحج واسويلج احلى ليله مثل ليالي زمان بكل طريقه تعجبج
سرى :اووي نسيتني الموضوع اللي رايدتك بيه وبعده شتريد اني انفذلك لان ساعته راح اصير حرة واكون الك وبس
اكرم :كولي واني خادم الج اركع جوة رجليج الحلوة
سرى :زوجي اوس
اكرم :شبيه ؟!
سرى :اريد توديه ورة الشمس اريده يروح يغادر هاي الدنيه كله وشتطلب اني بخدمتك
اكرم :قصدج اقتله لو اخطفه
سرى :خطف وقتل وماله اي جثه تذكر يعتبرونه مفقود
اكرم :هاي ماكو اسهل منهة انتي بس انطيني معلومات عنه وبيج خير وتدللين
سرى :اوك راح ادزلك كل المعلومات اللي تريده عنه ادزه الك واريد منك تنفذ المهمه باسرع وقت واهم شيء بهاي العمليه تجيب الي موبايله
اكرم :اوك بسيطه ،وهسه لازم نتفق على الاتعاب
سرى :واني خادمه
اكرم :اول اتعابي اني والشباب هو انتي
سرى :هااا
اكرم :اي هذا اول اتعابي ،والثاني تنطين الي عشر ملايين والشباب كل واحد مليون وانتم ولد خير وهاي الفلوس عدكم وصخ دنيه متهمكم
سرى :بس يا اكرم المبلغ اللي انته طلبته مبلغ كولش جبير وبعدين انته شلون تقبل اكون اني من ضمن اتعاب اصدقائك
اكرم :ليش سروي نسيتي ايام قبل والمواعيد المشتركه ليش هو منو عرفني بيج غير محمد المقص وسهرتنه سوة اني وهو عليج
سرى :يا اكرم هذاك زمان راح
اكرم :ليش من تزوجتي دخلتي بالاسلام اشو انتي نفسج متغيرتي سرررررروي
سرى :المهمه شوكت تخلصه
اكرم :اي هذا الكلام الحلو ،المهمه بس ترسلين المعلومات واريده معلومات مضبوطه باجر اخلصه الج
سرى :اوك خلاص اتفقنه بس كم شخص راح يساعدك
اكرم :لتخافين احنه مو هواي بس اني وثنين من ربعي ماراح نتعبج حجاهة بسخريه
سرى :اوك خلاص اتفقنه بس من تريد تنفذ المهمه اريد تكلي قبل لا تنفذه
اكرم :غالي والطلب رخيص
سدت الخط ويه اكرم وحجت ويه نفسه هههههههههه عبالك اسلمك نفسي والفلوس تحلم تلمس شعرة مني ولا تضوك فلوسي وهاي راح اضرب عصفورين بحجر واحد
الله الله الله ويااااكم روحه بلا رده الفاتحه على ارواحكم 😂😂😂😂😂😂😂😂
أنت تقرأ
🔞حكايات القدر 🔞
Romanceقصة عراقية اجتماعيه ودراما رومانسيه تتخللها بعض المواقف الجميله وتحاكي حياة الترف والبساطه لتربط اثنين فتاة من عائلة فقيرة وبسيطه وشاب من عائلة غنية مترفه يتم اجباره على الزواج من ابنت عمه تابعو معي للتعرف على احداث القصه