🔞حكايات القدر 🔞

البارت الثامن عشر

هناك أشخاص لا يتواصلون معي إلا عندما يكونون بحاجه لمساعدتي في أمر ما ، هذا النوع من الاشخاص ليس بالضروره سيء ، كل ما في الأمر أنه لم يجد غيري يظن به خيراً ، السيء فعلاً هو أنا عندما يكون بمقدوري المساعده له ولكن لا أقدمها لمجرد أنه لم يذكرني الا عند وقت حاجته ، بالمختصر ساعد الجميع لو كنت قادر تقدم المساعده

وارجع واكول شلونكم متابعيني
تحياتي الكم ويوم جديد
ولقاء جديد مع ابطالنه
🍒🍒🍒🍒🍒🍒🍒
دخل عمو راضي يصيح بعالي صوته اوس اووس
نزل اوس يركض وهو يدكم بقميصه
اوس :ها بابا .
راضي :تعال وراي اريدك بشغله بيني وبينك
راح عمو هو واوس وتاخرو جوة فترة كولش طويله بعده طلع عمو راضي واوس ظل جوة  شفت يمه ملف على الميز واوس كاعد مخلي ايديه على راسه وكاعد ما فهمت شنو السالفه  عفته ورحت رجعت ورة شويه شفته   ظل بالغرفه  يكلب بالملفات اللي كدامه ويعاين  عليهن   وجه جان كلش عصبي
مفهمت شيء صار عندي مثل الفضول ردت اعرف شكو بس مفهمت بعدين كلت اني شعليه بيه  خليت ورحت  دا اصعد عالدرج سمعت حركه ورايه التفتت  شفت اوس يمشي ورايه  اني تحركت بسرعه ودخلت ردت ادخل للغرفه ما حسيت اله احد سحب ايدي قوي وجرني عليه التفت شفت اوس عيونه حمر وعصبي استغربت شبيه جرني واخذني لغرفة فراس جانت فارغه مابيه احد  دفعني وشمرني بنص الغرفه
التفت عليه اريد افهم ليش هيج سوة شفته راح للباب وقفله واخذ المفتاح حطه بجيبه وشنف ردانه و تقرب مني اني حسيت اكو شيء غلط بالموضوع كلت خلاص لازم اقرة سورة الفاتحه على روحي واتشاهد لان اني دا اشهد اللحظات الاخيرة من حياتي  كمت ازحف ليورة وهو يتقدم عليه وقابض على ايده بقوة حتى اعصاب ايده واوردته كوله طلعت اخر شيء واني ازحف انصدمت بالحايط ظليت خايفه  ومرعوبه منه  تقرب عليه ونزل لمستواي وكلي ليش ؟!
درة :ششننو للييشش
اوس طلع الملف وشمرة بوجهي :اقري وشوفي ليش
درة فتحت الملف لكيت اوراق  اني موقعه عليه مسويه توكيل لعمو اخر شيء تذكرت مرة عمو اجه الي من قدمت للجامعه كلي تعالي ويايه رحنه لمكان طلب مني اسويله توكيل واحد اله وواحد للمحامي بس ما عرفت مال شنو ذني التوكيلين  اصلا حتى نسيتهن الملف جان عبارة عن طلب مني للطلاق من اوس ظليت صافنه ما اعرف شنو احجي
بعده عدلت نفسي وكلت خلاص ماكو داعي للخوف اني وهو وصلنه للنهايه اطلب الطلاك منه وارجع لبيت اهلي واخلص من ظلنه
كلت اله اي  هذا حقي الشرعي 
اوس بعصبيه :شنوووو حقج تريدين تنفصلين عني  حتى تلعبين بكيفج         
درة بارتباك وخوف :ااانت موو اخختاريت حياتك عوووفنننني
اوس بعصبيه :سمعي لج هاي كطنه وشيليهة من اذاتج مال اعوفج ما اعوفج لو تموتين واذا كاتلتج حقوقج ولايهمج اليوم راح اخليج تصيرين مرتي
درة بخوف 😰:شششننو انننتت شتتتكووولل
اوس بمكر :اي اليوم راح اخليج هنا جهزي نفسج عروستي اليوم المبيت راح يكون يمج
درة :لا لا مستحيل  اللي تتتكككووله ميصير
اوس :ليش ميصير انتي مرتي والي حقوق عليج ما اخذته قبل وهسه اريده صار الوكت المناسب حتى احصلهة
كام على حيله ومشى باتجاه الباب وكلي حظري نفسج بس اودي سرى لاهلهة وارجع الج
درة :اسمع اووس اني هواي سكتت الك اني مو لعبه بيدك تشمره بالوكت اللي يعجبك وترجعه بمزاجك اسمع اني ما اقبل بالذل وانت هواي ذليتني ليش شنو السبب ما اعرف جنت تكول اني فرقتك عن حبيبتك وهذا انته تزوجت البنت اللي كنت رايده بعد المن متمسك بيه اوس اني وانته منصلح نعيش سوة اعتقني لوجه الله حرام عليك  اللي تسويه ويايه غلط
التفت اليه وصاح بصوت عالي :شنو اللي سويته شنو كولي ذكريني سمعيني شسويت ضربتج اي ضربت صح وقسيت عليج وعذبتج بس جنت بكل مرة اعذبج بيه اعذب نفسي ليش اعذب نفسي ما اعرف ليش جنت اعاقب روحي من اضربج ما اعرف من سرى تزعل جنت ما اهتم ولا اعاقب روحي بس انتي غير انتي كل ضربه اضربج بيه تزرف كلبي  كل اذيه تتاذين اذي روحي  كام على قميصه وفتحه بالنص وشمره اني نزيت وخفت عبالي عنده شيء ثاني بس انصدمت لمن فتح قميصه وكلي هاج شوفي شوفي هذا دليلي شفت اثار مال جويات جكارة منه قديمه ومنه اثاره جديده مبينه البارحه مسويه تقريبا خمس جويات استغربت تقربت عليه واني ابجي هاي شنو ليش هيج مسوي بروحك والمس بجانب  الجروح ليش هيج ليش تعذب روحك هذني جروحك يصيرن بكلبي هو تقرب عليه وسحبني لصدرة وحضني ومشه بيه لحد ما صرنه قريبين من السرير كعدنه ثنينه عليه وكلي بصوت قريب للهمس درة
درة :نعم
اوس :احبج
درة :.........
اوس :درة اني احبج اني متاكد اني احبج الفترة اللي اختفيتي بيه شكد دورت عليج بس ما جانت الي عين اسئل انتي وين كل تصوري اني ما احبج بس عرفت نفسي احبج من فقدتج حسيت روحي خسرتج وشكد ابوي حاول ويايه حتى اطلكج بس اني عاندته ورفضت ظليت اسأل نفسي ليش اني ما اطلكه مو اني اريد انتقم عذبت كافي خلي اعوفه طلعت اني مو اعذبج طلعت اني اعذب بروحي بعدني عن صدره ولزم وجهي بثنين ايديه وكلي درة انتي هنا واشر على كلبه ❤هذا مكانج هنا بكلبي انتي روحي وعقلي وعمري وكل وجداني وهو يحجي ويايه خانته دمعه نزلت من عينه ساعته تاكدت اوس جان صادق بمشاعره ويايه مو يكذب 
مسح الدمعه من عينه وكلي درة لا تتخلين عني درة اني احبج اني محتاجج محتاجج درة لا تتخلين عني
درة :بس يا اوس
حط ايده على حلكي وكلي لا تكولين شيء خليني انام على رجليج وارتاح
هزيت راسي بأي شفته مدد على السرير وخله راسه على رجليه ظليت العب بشعره وهو نايم  ومغمض عيونه ظليت صافنه بملامحه معقوله هذا اوس مجاي اصدك
اوس :ليش صافنه بيج شيء
انصدمت شلون مغمض ونايم ومنتبه الي
كلي لا تستغربين اني صرت حتى احس بيج وافهم كلشي بدون متحجين اني اكلج  بشنو تفكرين فتح عيونه وعاين بوجهي وكلي اكيد تكولين معقوله هذا اوس وما مصدكه واكيد تكولين شنو اللي غيره هيج
ظليت صافن عليه شلون عرف هيج
درة :وشلون عرفت شنو حكيم روحاني حظرتك
اوس :ههههههه لا والله طيار ووحده كصت جناحاتي وهبطت يمه ومنتظره تحن عليه
درة :وشلون احن عليك
اوس :بقت يمج انتي ومروتج
درة :أريد أعتّب ، أمنيتي أعتّب وآحآچيه ، وآگله معود أنت صوّرك شسوَن ؟ مآخلن جفن يآبس .
اوس :اوويلاه
اهي چانت غلطتي وفرطت بيك
وطن عفتك ورحت لديرة اغراب
اذا رايد تعرف شلون ندمان ؟؟؟
شوف دموعي اذا طاريك ينجاب

چنت غلطان ...
درة :مسحت دموعه اللي نزلن على خده وهو يكول الشعر  وكلت اله اوس
اوس :يا عيون وروح وقلب اوس
درة :اااحححببك
اوس كعدت على حيلي وتقربت منه :شنوووو عيدي ما سمعتج
درة :احببببك
كمز على السرير ورفعني بين ايديه وكام يصيح واني اموووت عليج وبعده حضني بكل قوته وخلى راسي على صدره  وتقرب مني وظل يشم بشعري وركبتي
وظل يبوس بيه بعده اخذ شفتي بشفته وكام يبوس بيه بكل حب لحظته نسيت نفسي وياه حسيت روحي اني املك الكون كوله  واني بين ايديه
ظلينه هيج على هذا الوضع ما حسينه اله احنه ثنينه نايمين على السرير وهو يبوس بيه بعده وعيت على نفسي كلت اله اوس
اوس رفع نفسه عني وعاين عليه وكلي :يروحه
درة :شنو مصرنه احنه
اوس :شنوقصدج
درة :اوس انت نسيت زوجتك سرى اذا عرفت بقرارك
ابتعد عني وكعد على حيله وكلي :ميهمني احد مدام انتي ويايه ما اهتم بعدين انتي زوجتي مثلج مثله تحب تبقى اهلا وسهلا ميعجبه مشكلته
صفنت بوجه وابتسمت هو كلي فدوة اروح لهاي الضحكه واحنه نحجي حسينه واحد يحاول يفتح الباب من شافع ما انفتح كام يدك بيه بقوة انوب فلشه علينه تفليش سمعنه صوت 😰😰😰😰

يتبع

نلتقيكم غدا بأذن الله

بااي احبكم غوالي

😍😍😍😘😘😘😘