🔞حكايات القدر 🔞

البارت التاسع عشر

تحياتي للجميع اسفه غوالي عن التاخير بس صحتي جانت مو زينه واني جدا اسفه ع التاخير اعرف جاي تتعذبون ويايه بس ظروف اعتذر منكم
🍒🍒🍒🍒🍒🍒🍒🍒
احيانا نستغرب من التصرفات المفاجئة للبعض لكن ما ان نكتشف الاسباب نعرف اسباب تغيرهم المفاجىء قد يكون ندم على حب كان من الاساس خطا او قد يكون اكتشافه للمعدن الحقيقي للناس
كنا اني ودرة بالغرفه سمعت صوت طرق الباب طلبت منه تعدل نفسه فتحت الباب شفت فراس كدامي
فراس :اوس شنو ما مكفيك غرفتك جاي هنا يمي لازم مرتك طردتك من الغرفه
اوس ظليت الهي بفراس بالحجي لحد ما شفت درة طلعت تركض لغرفته اله خليته يدخل لغرفته 
اوس :بويه لا مطرود ولا هم يحزنون ردت شويه ارتاح جيت يمك
فراس بشك :اممممممم🤔🤔يا خويه براحتك الغرفه غرفتك شوكت ميعجبك تعال هنا
اوس ضربت على كتفه :مشكور متقصر
عفته ورحت لغرفتي لكيت سرى غاطه بالنوم ادري ما تشبع نوم هاي اربع وعشرين ساعه نايمه رحت مددت يمه وفتحت التلفزيون وظليت اكلب بيه التهيت بيه لحد ما كعدت سرى
سرى :ها حبيبي جيت
اوس :اي حبي شلونج
سرى :بخير مدام انته ويايه
اوس تقربت منه ظليت ابوس بيه دفعتني عنه وكلتلي ها سويت اللي اتفقنه عليه
اوس :لا مكدرت
سرى :لييش
اوس :باللحظه الاخيرة اجه فراس مكدرت اسوي شيء
سرى :اوس لازم تخليه مرتك فعلي لان ساعته راح تخسر كل اللي تملك حسب العقد بعدين انت شلون تكتب هيج على نفسك شيء ما فكرت
اوس بعصبيه :كافي سكتي جنت مو بوعيي جان كل بالي انتقم منه وجنت مستعد اسوي اي شيء حتى اذله هل وافقت
(نرجع بالزمن ليورة بيوم اللي طلب اوس يتزوج سرى ابوه ماقبل وقرر يحرمه من كولشي هنا من عرفت سرى بالموضوع اتصلت بيه بحجت هي تريد الخير اله وطلبت منه ان يسمع كلام ابوه وبعده الاحداث اللي صارت وزواج سرى من عامر وزواج اوس من درة اللي وافق بس حتى ينتقم من درة بهاي الفترة راح الاب وسجل وصيه وزع بيه املاكه وجانت الوصيه تنص انو اوس يحصل على املاكه اذا كان متزوج زواج فعلي من درة  لكن في حال طلاقهم تتحول املاك اوس لدرة وتتنفذ هاي الوصيه خلال سنتين يتم بيه تحويل الاملاك لجميع ابنائه مع احتفاظه بجزء من الاملاك الى حين وفاته لا سمح الله )
محد كان يدري بهاي الوصيه واكتشفو هاي الوصيه عن طريق الصدفه اكتشفه اوس لان صديقه يصير ابن المحامي اللي لمن عرف بهل الشيء كام صور الوصيه ورسله لاوس لان ابوه جان يم المحامي حتى يجهز اوراق الطلاق قبل يوم اتفق راضي ويه اوس حتى يطلك وهو كان موافق لكن لمن كشف الامر زاد حقد اوس على درة راد يكتله لكن سرى الداهيه اجته بخطه ثانيه طلبت منه ميستعجل لان هيج راح يخسر كولشي ويصفي على الحديده وهاي بنت الفلاحه راح تاخذ كولشي وهو راح يصفى على الحديده فطلبت منه ان يكسب درة لجانبه
اوس:شلون اني اموت منه ما اريده انتي كل عقلج بعدين خلي تاخذ الاملاك اني مو بحالهن مدام انتي ويايه ما احتاج لشيء واكدر اكون نفسي بنفسي
سرى :مستحيل تصعف وتخلي حلالك يروح لهاي بنت الفلاحه سوي اللي كتلك عليه واكسبه لجانبكواخذ املاكك منه
اوس :اكلج اني ما اطيقه شلون اتقرب منه
سرى :حاول اجبر نفسك اذا متسوي اللي كتلك عليه والله اعوف البيت واروح
اوس :وين ترحين وتعوفيني واني كتلت نفسي عليج
هسه من حصلتج تردين تعوفيني
سرى :لعد سوي اللي كلته الك
اوس :وانتي
سرى :اني شبيه
اوس :شلون تتحملين اني اكون ويه غيرج
سرى وهي تمثل الحزن :شسوي لعد يا حبيبي اتحمل علمودك كولشي اتحمل
اوس :اني هاي الفكرة كله ما عاجبتني
سرى :اوس كافي سوي اللي كتلك عليه وكافي نقاش يا عمري انته
اوس :ما اعرف شكلج بس لسه ما مقتنع
وبعد الحاح من سرى كدرت تقنع اوس انو يسوي الفكرة مالته ويتزوج درة بس الفترة المقررة وبس يحصل على املاكه يهجره ويخليه معلكه لا تطول سمه ولا ارض وتنفذ خطته الثانيه الحاقده وتخلي درة تصير خدامه اله