🔞حكايات القدر 🔞

البارت العشرون

الملِح والزاد شّارة ، الخانهِن باچر تعثرة
‏و حتىٰ لو عذروا أهلهن ، رَب أهلهن ما يعذرة !
ظليت افكر بكلام عمتي ونسمه بعده كمت بدلت وطلعت واني امشي بالممر ما حسيت اله ايد سحبتني قوي التفت شفت عمي وهو صاير نار كبرة يا الله بس الله اليستر اخذني لغرفة فراس لو اعرف شنو مخلين سرهم هنا المهم دخلت شفت فراس بالغرفه كاعد من شافني اني وعمو هو كام وطلع من الغرفه وظليت ويه عمي رفعت راسي واني اول مرة اشوف عمو هيج عصبي كتله :ها عمو شبيك اكو شيء صاير
راضي :مو شيء اشياء وهسه اجه الوكت اللي لازم تفهمين كولشي
عاينت باستغراب لعمو ورفعت راسي كتله :خير عمو صاير شيء
راضي وهو يمسح على وجه بتعب وحزن :اي عمو مو شيء اشياء
درة :كول عمو خلي اسمعك
راضي :راح احجي بس توعديني الكلام اللي راح تسمعيه يكون سر بيناتنه محد يعرف بيه
درة :اي عمو على بختك سرك بيير امن من هاي الناحيه
راضي :بنتي اني مأمن بيج ولو ما مامن ما كان خبرتج
اسمعي بنتي  من اختار اوس سرى مجان عندي اعتراض على زواجهم لان مهما يكون هي هم تعتبر بنت اخويه ومني بيه ومن يتزوجه ابني اكيد بنت عمه وراح تصونه  لكن جانت تصرفاته ما تعجبني غروره وتكبره وطولت لسانه وعدم احترامه وقله حيائهة وطمعه كل ذني خلني اشوف انو سرى ماراح تكون زوجه صالحه لابني واصلا هي  راح تضيع ابني وتأذيه ومثل متعرفين اني ابن سوك وكل الناس تعرفني والي صار يبنتي شيء يفوق العقل يمكن اللي وصلني مصدكته او قنعت نفسي انو مو صح ناس جانت تتبله  وشكد نصحت اخوي وحجيت بس غروره عماه وخلاه يشوف نفسه هو الصح واحنه الغلط وهاي النتيجه اخويه عاجز ميكدر يتحرك ومنو السبب السبب هو مرت اخويه وبنته اللي جايه هنا حتى تشعل النار بيتنه من خلال ابني الكبير والمشكله ابني طبعه مثل طبع عمه الحب عماه عن الحقيقه وخلاه يمشي وراهة وهو مغمض
بعده التفت الي وكال بنتي اللي اسويه لمصلحتج ومصلحت ابني بعد كعد وكلي اني اسفه لان خليتج انتي بوجه المدفع بس جنت مجبور يا بنتي لان اعرف انتي الوحيدة اللي تكدرين تساعديني 
درة :زين عمو ممكن اعرف سرى شنو سوت وخلتك تغير رايك بيهة
راضي بقهر :كولي شنو ما سوت
درة ظليت صافنه بعدين حجيت : عمو ممكن تفهمني على كولشي حتى اعرف راسي من رجليه اعتقد هالشيء من حقي
راضي :اي عمو من حقج
بعده راضي فهم درة على كل سوالف سرى اللي عرفه لكن للاسف هو ميملك دليل عليه هذا كان كله بس كلام   سمعه من بعض الاشخاص وبقى متحفظ على الموضوع ولمن عرف اللي صار باخوه حس انو سرى هي السبب بمرض اخوه وبقة ويه اخوه يساعده ويسانده حتى يتعالج لان اكيد الدليل موجود عند اخوه هو يعرف بكلشي
درة :لا اله الا الله كل هذا يطلع من سرى
راضي :اااييييييه واكثر ولسه بعده عينه وكحه المفروض هاي من زمان مذبوحه ومتخلصين منه ومن عارهة
درة :عمو اني شنو اكدر اسوي
راضي : تكدرين تسوين بس شيء واحد هو تسمعين كلامي وتفذينه بالحرف الواحد
درة :واذا سمعت كلامك شمو راح يتغير بالموضوع
راضي :هواي امور راح تتغير بس انتي سمعي كلامي
درة :واني بخدمتك عمو من ايدك هاي لايدك هاي
راضي :عفيه عليج بنتي هسه كلبي ارتاح ونفسي استقرت
درة :تدلل عموو بخدمتك
راضي :عمو يلا ننزل جوة حتى ناكلنه لكمه
درة :يلا عموو
نزلنه جوة كملنه اكل وكلمن صعد لغرفته واني مليون حسبه ببالي  افكر شلون راح اتصرف وشنو اللي يريده مني اوس وليش هيج يسوي اصلا اني مابيني وبينهم عداوة شنو السبب اللي يخليهم هيج هو وسرى بعدين مو ذنبي اذا كانو اهلي ناس فقرة اني شنو ذنبي ظليت افكر لحد ما تعبت ونمت