🔞حكايات القدر 🔞

البارت السابع /غزوت قلبي بافعالك

لميت المواعين بالصينيه وشلتهم اريد اطلع من باب المطبخ من ثكل الصينيه احس عضلات وجهي تريد تطفر  دا امشي واحس روحي انصدمت بشيء قوي رفعت راسي وجان اشوف علي حاصر الضحكه بوجه عليه كانو يريد يذكرني بموقفي وياه قبل فترة من ضحكت عليه صحت عليه بنتر :انته شبيك متشوف اني كوة شايله الصينيه ابعد عن طريقي
علي صك على سنونه وحجه بعصبيه :وين موليه انتي وصينيتج  منا الشباب ملتمه ما اريدهم يشوفونج
نسمه :عيني والمواعين منو يغسلهن الشباب اللي ملتمين بدون فايده روح بدل متحجي عليه امشي طلعهم برة خلي نشوف شغلنه
علي :شو جيبي الصينيه لمن افرغ المكان اله تطلعن فهمتي لو لا بنتر
نسمه بعدم اهتمام ونتر :اي فهمت استاذ
علي :اي عفيه بالعاقله
نسمه بعصبيه :واني شنو مخبله كدامك
سمر :شبيكم صوتكم واصل لسابع جار عليوي ما تجوز من سوالفك
علي :اخذيه من يمي لا ابتلي بيه
نسمه :منو اللي تبتلي بيه اشو انت ما تحترم احد
علي :استغفر الله اللهم طولج يا روح
سمر :كافي حبيبه لخاطري سكتي عنه
نسمه :اوك حبيبتي راح اسكت
علي :لا والله متفضل عليه انتي
نسمه :انت ليش ما تحترم نفسك
علي :الزمي لسانج لا اكصه الج
سمر :دخيل الله غير يسكتون عبالك رويسيه
علي :شو فوتن جوة خلي اطلع الشباب فوتن
راح علي وطلع الشباب برة واجه فتح الباب كال :يلا تعالن كملن شغلجن بس عدلن حجاباتجن زين خاف واحد يدخل يحجي ويخزر بنسمه
سمر :اي خويه تدلل
طلعنه لزمنه المواعين وغسلناهن كلهن اللي عجبني بيهم روح التعاون بيناتهم والشباب كامو غسلو الكدور يمنه فتحو الماي وعلي شنف ردانه وبنطرونه هو واخوانه وولد عمه وولد عمته وكامو يجلفون بيهن واني اغسل ويه البنات واسمع سوالفهم واضحك بصراحه علي جانت سوالفه تموت ضحك
سيف :عليوي جيب ذاك الكدر وتعال خلي نغسله
علي :اي حبيبي هسه اجيبه الك  جان يحجي بدلع
سمير :يمه فديته اللي تسمع الكلام
التفت اله علي بحركه دلع :ولك مو عيب تصجمني كدام حبيبي
سيف :دخيل الله لو انته حبيبتي ادفن نفسي احسن
علي :اووي شبيك لو اشعلك العشرة شمع هم ميفيد وياك صوجي اني اجيب الك الكدر حتى تغسله ويقلد صوت البجي 
اسد :هاي منو زعل حبيبتنه
علي راح يركض بدلع لاسد وشمر نفسه على كتفه يمثل دور وحده تبجي  تعال شوف اخوك زعلني
اسد :اليوم احركهم كلهم واحد واحد اشتعلو
احيانا بين طيات الحزن تكون هناك اوقات للمرح والمزاح الحياة لا تتوقف بيدنا كل شيء والله سبحانه وتعالى قد اعطانا نعمة النسيان لذلك تختلط لحظات الحزن بالفرح كي تستمر الحياة فالحياة لا تتوقف على احدهم بل تبقى مستمرة وتدوم
نسمه :يلا بنات خلصنه المواعين خلي ندخلهن جوة
رحت دا اريد ادنك على الصينيه تقرب مني علي :اشتعلت عشيرتج ولج لا تدنكين جدام الزلم
نسمه :اووي انته شعليك اني قابل شمسويه
على :اوويلي فديت الاوي مالتج مو ما اريد احد يشوفج ميصير تدنكين كدام الزلم
نسمه بهمس :زين يالفهيم منو يشيل ذني الغراض
وتاشر بصبعه ع الصواني
التفت اله علي وكال :جا احنه المن هنا موجودين فزاعه خوما فزاعه
نسمه وهي كاتمه ضحكته :لا والله اسفه مو قصدي انتم والنعم منكم
علي بحنيه :يمه فديت الضحكه الحلوة روحي جدامي فوتي جوة ولا تطلعين بعد ما اريد احد يشوفج
نسمه بخجل :اوك رايحه
علي :ولج شنو اوكي كولي صار
نسمه وهي تضحك :صار صار
علي بسخريه :لا عنبه
نسمه :😂😂😂😂😂😂😂😂😂😂😂😂
علي :اشششش ولج فضحتينه لا تضحكين اووف يا ربي حتى ضحكته تخبل
نسمه خجلت وراحت تركض دخلت جوة
علي خله ايده على قلبه :اووف يربي انته ليش ترجف من تشوفه اهدا ولك اهدأ
اسد :ويامن تحجي شبيك تخبلت
علي :احجي ويه كلبي  ويدك على صدره
اسد :شبيه كلبك خانك بدكاته جنه
علي :اي خاني ودوهني ولعب بيه لعب يگلبي مواهبك ومسامحك عـ الراح
بس احسب حسابك بـ اليجي مذمم !
اسد :❤❤❤❤❤❤❤❤❤
يگلبي لياوكت تعتني لما يشتاك😔
وتبذر احساسك على الما يهتم