🔞حكايات القدر 🔞

البارت الثامن /وصية ابي

بالبدايه بنات احب اهني جميع الامهات واكول كل عام وانتن بخير وكل عام وانتن الحب كوله
😍😍😍😍😍😘😘😘😘😘
اختكم /مريم التميمي
🍒🍒🍒🍒🍒🍒🍒🍒🍒🍒🍒🍒🍒

انجمع الكل حتى يسمع وصية بابا الله يرحمه بس عمو كال كلام عن الماضي لذلك نرجع بالزمن ليورة قبل 18 سنه
عادل :نبعه نبعه
نبعه اجت تمشي بهداوة وبطنه كدامه وهي بشهرهة :عيون نبعه أمر يا بعد.روحي
عادل :نبعه حظري غدة مرتب اخوي راضي بالطريق جاي النه
نبعه :يا بعد عمري عيوني الك ولكل اهلك يبعد روحي
عادل :سلامة روحج غاليه اعرفج ما تقصرين
نبعه :شلون اقصر وهم اهلك اهلي
عادل :ياريتهم يعرفونج مثل ما اني عرفتج
نبعه حاولت تغيير الموضوع حتى ما تكدر خاطره وتزيده هم :راح اشوي سمجات واسوي تمن مطبك
واني محظرة روبه وزلاطه وفواكه وخضرة وخيرات ربك هوايه
عادل :الحمد لله والشكر ربج ما ينسه عبده
نبعه :والنعم بالله .
راحت نبعه تجهز الاكل وتحظرة وعادل بقى ينتظر اخوه وفعلا اجه اخوه ورحب بيه احسن ترحيب ودخله للبيت وما قصر وياه من انواع الاكل وخير ربي اللي ما يخلص ولا ينقص والحمد لله الله هو اللي يقسم الارزاق مو الناس  وتجمعو الكل على السفرة واكلو وحمدو الله على نعمته وكامت نبعه كالعادة تشيل الاغراض وترتبهن وتجهز الجاي بعد ما صبت الجاي حست اكو لويات قويه ببطنه دخل هادل يريد ياخذ جاي لاخوه حس بنبعه مو طبيعيه
عادل :شبيج ياروحي حاسه بشيء
نبعه :وهي من قوت المغص متكدر تحجي
عادل :احجي يا نبعة كلبي بيج شيء
نبعه :بصوت متقطع بسبب الالم الحكلي يا عادل يمكني قربت راح اجيب
عادل ذب الصينيه وانخبص ظل يركض يروح على اخوه ويرجع لمرته محتار شيسوي اخوه حس بيه وبخبصته صاح عليه :عادل شبيك اكو شيء صاير شيء
عادل وهو مخبوص ومحتار وخجلان من اخوه :يا خويه يمكن مريتي راح تولد
راضي باستعجال :لعد شمتاني راح احظر سيارتي وانته جيب مرتك وتعال نوديه للمستشفى
عادل :خاف ازحمك يا خويه
راضي :عفا عليك يا خويه تزحمني شنو يلا استعجل بسرعه
عادل :جا خويه ناخذ الاطفال لبيت اخوهة وناخذ مرت اخوه بطريقنه ونروح
راضي :صار خويه بعيوني بس استعجل
طلع راضي يجهز السيارة وعادل راح حظر اطفاله وزوجته كوة على نفسه لبست عبايته وجانت محظرة جنطته اخذه عادل وطلع يركض صعدو الاطفال بالسيارة وراهة صعدت نبعه وعادل وطول الطريق هي تتوجع من الالم وصلو الاطفال لبيت اخوهة واخذو مرت اخوهة ام علي وانطلقو للمستشفى
دخلوهة جوة وطبعا حال المستشفيات كبل وحتى بهذا وقتنه ما يهتمون بالمريضه اله تنطي فلوس يعني بين قوسين يسونك مصرف كام راضي يوزع فلوس هنا وهنا ويوصي هذا وذاك وطبعا نبعه لاقت اهتمام كبير بالمستشفى  لحد ما الله سهل لنبعه وولدت بنيه شكه من القمر جابت درة ايه من الجمال سبحان اللي خالقه بياض مثل الحليب عيون وساع وشعره من هي حديثة ولاده طويل وكثيف ولونه اسود العيون سود الوجه عريض ومدبدبه تخبل لمن شافوهة اللي بالمستشفى تعجبو على جماله طلعت الممرضه شايله الطفله من كد اهتمام راضي بنبعه تصورو اللي بالمستشفى انو هو ابو الطفله فانطته لراضي وكلتله مبروك اجتك بنوته جنه حوريه من الجنه اخذه راضي وسم باسم الله وانطه فلوس للمرضه اتقرب عادل لاخوه وطلب منه هو يأذن ويكبر باذنه وفعلا سوة راضي هالشيء
راضي :عادل اني حبيت هاي الطفله ودخلت بكلبي
عادل :لعد يخويه هاي انطيته لابنك اوس
راضي :واني قبلت العطيه بس تقسم بوعد امام الله هاي البنت تصير لابني مو لغيرة
عادل :اقسم الك برب الكون سواء كنت عايش او ميت ترة اني انطيتك ومن يصير عمره 18 سنه تجي تاخذه لابنك
راضي :زين خاف نكبر ويصير الكلام غير شيء
عادل :عفا عليك يخوي اني عمري ما اخلفت وعد لاحد
راضي :والنعم منك يخوي اني اترخص منك شويه وجاي
راح راضي وبقى عادل حتى يكمل اجراءات المستشفى ويطلع ورة نص ساعه تقريبا رجع راضي وبيده علبه تقرب من عادل اللي جان مخلي بنته بحظنه وكاعد ينتظر اخوه لممن يرجع حتى يرجعون للبيت فتح العلبه جان بيه خضرمه زركه من ذهب عن الحسد وسوار ابو الكف  لبسهن للطفله كله ذني يبقن للدوم عده من اجي اخذ جنتي الكاهن يمهة حتى اعرف اخوي كفه ووفه
عادل :دك صدرة عد عيناك يخوي وراح تشوف
وبقى هذا الوعد مستمر بين الاخوان راضي لمن خطب درة حس انو هي اللي راح تكون كد المسؤليه لان هاي تربات نبعه بنت الاصل وهي اللي راح تصون بيته وبيت ابنه لذلك خطى هاي الخطوة وكان مطمئن انه اتخذ الراي الصحيح هذا اللي صار قبل 18 سنه نرجع للوكت الحالي لمن عرف الكل وصية ابوهم طبعا الكل استغرب من هاي الوصيه لان ابوهم قبل لا يموت بيوم اللي اجتمع باخوه ساله بعدك تريد بنتي لابنك لو تشوف تجاهات ابنك غير جاوبه اني لسه مصمم على بنتك لان هي الوحيده اللي راح تصونه لذلك الاب قرا سورة الفاتحه ويه اخوه
وصار نقاش بين الاخوان ان محتمل درة ما راح تقبل بخل الشيء لكن عادل طمن اخوه راضي وكله لا تخاف من ناحية بنتي هي عاقله ورزنه وتعرف شلون تتصرف ومستحيل راح ترفض تنفذ وصية ابوهة وهنا راضي
رفع راسه لنبعه واخوه اسد وسيف
وكال :اني طالب ايد بنتكم درة لابني اوس واتمنى ما ترفضون اني اعرف لا الوقت ولا الزمن مناسبين لكن اني ارغب اناسبكم وبنفس الوقت انفذ وصية المرحوم ووعده اللي هو ما اخلفه ويايه 
طبعا هذا الكلام والاجتماع كوله ودرة ما كانت موجودة لان الاجتماع جان خاص بين اولاد عادل وامه وام اوس وفراس معناهة لا درة تعرف ولا اوس ايظا
فراس يحجي بينه وبين نفسه كلت احنه صح علاقتنه سطحيه وياهم بس حقيقه بخاي الفترة هواي ارتاحيت الهم وحبيتهم ومن بابا خطب منهم فرحت اكثر لان اني ما اتمنى اخويه يرتبط بسرى بنت عمي راهي واللي لاحظته مو اني كنت فرحان حتى ماما حسيت بيه طايرة من الفرح وتترقب حتى تعرف شنو رد اهله بالموضوع والغريب بالموضوع اكثر صار عندي فضول اشوف بنت عمي اللي بابا كل مرة يجي بيه منهم جان يحجي النه عنه جان جدا متعلق بيه فصار عندي فضول اشوفه
اسد :عمي احنه نتشرف بيكم وماكو داعي تخطبه منه هي بنتك وانت الك السلطه التامه عليهه
سيف :واني هم من نفس كلام اخويه بس عمي مو لازم ناخذ راي صاحب الشأن
راضي :اي هم حق اذن تدزون عليه حتى تسمع الحجي كله وهي اله الحق حتى تقرر
نبعه :خويه شنو السالفه البت بتكم
راضي :لا خويه هيج احسن حتى ما نظلم احد
كام اسد وصاح لاخته نبعه
فراس كانت عيوني على الباب منتظر هالدرة اللي خبصونه بيه ودخلت علينه بنيه سبحان الخالقه  الله سبحانه وتعالى خلى كل الحسن بيهة من جماله فهيت عليهه وفكيت حلكي كلت هنيالك يا اوس شون حظ عليك لعد عمي ما وصى عليهة
استغفر الله هسه هي راح تصير مرت اخوي لمن دخلت كالت السلام عليكم يمه الصوت عبالك موسيقى مو صوت
الجميع :وعليكم السلام
راضي :تعاي بنتي كعدي هنا يمي
تقربت درة وكعدت قريب على عمه وطبعا حجه راضي اله كل القصه صفنت درة بعده رفعت راسه وحجت بكل ثقه :عمي وصية ابوي تتنفذ بس اللي اطلبه منك تتنفذ بعد دورة السنه
راضي :اذن نجدد قراءة سورة الفاتحه وطلبج سهل واني ابوج
كامو يقرأون سورة الفاتحه واستمر هذا اليوم بشكل طبيعي ثاني يوم رجعو الجميع كلمن بمكانه ولعمله
وظلت درة تراقب النتائج وجان يعلنون النتائج وراحت درة للمدرسه حتى تشوف نتيجته دخلت للادارة استقبلته المديرة
درة :السلام عليكم ست
المديرة :وعليكم السلام هلا بنتي تفضلي
درة :ست سمعت النتائج طلعت
المديرة :اي بنتي انتي شسمج
درة :درة عادل محمد
المديرة ظلت تكلب بالاوراق اللي بيدهة عقجت وجه ورفعت حاجبه وكلتلي درة عادل محمد نتيجتج ..............

شنو هي نتيجت درة نشوفه بالاحداث الجايه

بااي يا حلوات اشوفجن بخير
احبكم احبكم احبكم
😍😍😍😍😍😍
😘😘😘😘😘
❤❤❤❤
👑👑👑
🤩🤩
😻